#Kadastr #Buxoro
#Yer_nazorati #Vobkent_tumani

🔰 VOBKENT TUMAN BO'LIMI INSPEKTORLARI TOMONIDAN 2022-YIL DAVOMIDA 53 TA YER QONUN BUZILISH HOLATLARI ANIQLANDI

🏢 Kadastr agentligi Buxoro viloyati boshqarmasi Vobkent tumani bo‘limi inspektorlari tomonidan 2022-yil davomida 53 ta holatda 1,94 gektar yer maydoni o‘zboshimchalik bilan egallab olinganligi aniqlangan.

❇️ Shundan 20 ta holat bo‘yicha 1,34 gektar yer uchastkalaridagi o'zboshimchalik bilan egallanish holatlari joyida bartaraf etilgan.

❇️ 18 ta holatda yer maydonlaridagi noqonuniy qurilmalarni buzdirish uchun sudga da`vo arizalari kiritilgan. 13 ta da’vo arizasi qanoatlantirilib, o‘zboshimcha qurilishlarni bartaraf qilish bo‘yicha sudning hal qiluv qarori chiqqan.

✅ Yer qonun buzilishi holatlarini keltirib chiqargan 143 nafar qonunbuzar shaxsga 294 mln. 900 ming so’m jarimalar qo‘llanilgan.

Telegram | Facebook | Instagram

#Xabaringiz_bormi❓

🔰 Amaldagi tartibga ko‘ra, qishloq xo‘jaligiga mo‘ljallanmagan yer uchastkalarini mulk huquqi asosida auksion savdolari orqali sotib olganda auksion g‘olibi sotib olish qiymatini 3 yilgacha bo‘lib to‘lash imkoniyati mavjud.

Telegram | Facebook | Instagram

#Bilasizmi❓

📌 38 turdagi davlat xizmatlarini yagona interaktiv davlat xizmatlari portali(my.gov.uz)da elektron raqamli imzo bilan tasdiqlash talab etilmaydi

Jumladan kadastr xizmatlari sohasida:

▪️ Fuqaroning nomida shaxsiy uy-joyi borligi yoki yo‘qligi to‘g‘risidagi ma’lumotnoma berish

▪️ Bino va inshootlarning ijara shartnomasini davlat ro‘yxatidan o‘tkazish

▪️ O‘zganing yer uchastkasidan cheklangan tarzda foydalanish huquqi (servitut) to‘g‘risidagi kelishuvni davlat ro‘yxatidan o‘tkazish

▪️ Ko‘chmas mulk obyektiga kadastr pasportini berish

Telegram | Facebook | Instagram

#Xabaringiz_bormi❓

Amaldagi qonunchilikka ko‘ra, vaqtincha egallab turilgan yerlarni o'z vaqtida qaytarib bermaslik yoki ularni o'z o'rnida foydalanmaslik uchun yaroqli holga keltirish yuzasidan majburiyatlarni bajarmaslik— bazaviy hisoblash miqdorining besh baravari miqdorida jarima solishga sabab bo'ladi.

Telegram | Facebook | Instagram

#Bilasizmi❓
#Huquqiy_asos

🔰Qonunchilikka ko‘ra, sug‘oriladigan yer uchastkasiga yoki uning bir qismiga bo‘lgan huquqni sotish yoxud qonunga xilof ravishda boshqacha tarzda o‘zga shaxsga berish, —

❗️bazaviy hisoblash miqdorining 400 baravaridan 500 baravarigacha miqdorda jarima yoki muayyan huquqdan mahrum qilib, ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

📌O‘sha qilmish:

a) yerlarga ko‘p miqdorda zarar yetkazilishiga sabab bo‘lsa;

b) bir guruh shaxslar tomonidan oldindan til biriktirib;

v) takroran yoki xavfli retsidivist tomonidan;

g) xizmat mavqeyidan foydalanib sodir etilgan bo‘lsa, —

❗️bazaviy hisoblash miqdorining 500 baravaridan 600 baravarigacha miqdorda jarima yoki muayyan huquqdan mahrum qilib, besh yildan yetti yilgacha ozodlikdan mahrum qilish bilan jazolanadi.

Telegram | Facebook | Instagram

#Auksion
#Statistika_DKP

🏢 Davlat kadastrlari palatasi respublikamizning barcha hududlari bo‘yicha 2023-yil 17-23-yanvar kunlarida auksion savdolariga taqdim etilgan yer uchastkalarining statistik ma’lumotlarini taqdim qildi.

📃Unga ko‘ra, respublika bo‘yicha mazkur muddatda tadbirkorlik va shaharsozlik faoliyatini amalga oshirish uchun 301 ta yer uchastkasi e-auksion.uz platformasi orqali savdoga chiqarilgan. Shundan 1,48 gektar maydondagi 10 ta yer uchastkasi Buxoro viloyatidan savdoga chiqarilgan.

❗️ Davlat kadastrlari palatasi taqdim etgan ma'lumotlar asosida e-auksion.uz platformasidagi savdolarda qatnashing va shaffof, ochiq yo'l bilan yer uchastkalarini sotib oling!

Telegram | Facebook | Instagram

#Yer_nazorati
#javobgarlik

🔰Amaldagi qonunchilikka ko‘ra, yer berish tartibini buzish, xuddi shuningdek fermer yoki dehqon xo‘jaligi yuritish uchun, yakka tartibda uy-joy qurish va turar-joy binosiga xizmat ko‘rsatish, jamoa bog‘dorchiligi va polizchiligi uchun fuqarolarga yer berilishiga to‘sqinlik qilish, — mansabdor shaxslarga eng kam ish haqining uch baravaridan yetti baravarigacha miqdorda jarima solishga sabab bo‘ladi.

Telegram | Facebook | Instagram

#Davlat_royxatidan_otkazish
#Statistika

🏢 Davlat kadastrlari palatasi hududlar bo‘yicha 2023-yil 18-24- yanvar kunlari davomida ko'chmas mulkka bo'lgan huquqlarni davlat ro'yxatidan o'tkazish yuzasidan jami ma’lumotlarni taqdim etadi.

📊 Yuqorida ro‘yxatdan o'tkazish uchun kelib tushgan arizalar soni va ularning qanchasi ro‘yxatdan o‘tkazilganligi bo‘yicha statistik ma’lumotlarga ega bo‘lishingiz mumkin.

📈 O'tgan vaqt oralig'ida davlat ro'yxatidan o'tkazilgan obyektlar soni umumiy 7 167 tani tashkil etdi. Shundan Buxoro viloyatida 246 ta ko‘chmas mulk obyekti davlat ro‘yxatidan o‘tkazilgan. Jami kelib tushgan arizalar soni esa, 951 tani tashkil etgan.

Telegram | Facebook | Instagram

#Xabaringiz_bormi❓

Kadastr pasportini shakllantirish qaysi holatlarda bepul rasmiylashtiriladi?

✅ Vazirlar Mahkamasining 535-sonli qaroriga asosan quyidagi hollarda kadastr pasportini rasmiylashtirish bepul amalga oshiriladi:

🏢Ko‘chmas mulk obyekti bo‘yicha birlamchi kadastr yig‘majildi (pasporti) mavjud bo‘lib, begonalashtirilganda yoki obyektda o‘zgarishlar (rekonstruksiya, qo‘shimcha va alohida qurilish) mavjud bo‘lmaganda;

🏘 Ko‘chmas mulk obyektining bir qismi begonalashtirilganda obyektning qolgan qismiga yoki rekonstruksiyasiz toifasi o‘zgarganda;

📋 Kadastr yig‘majildi (pasporti) yo‘qolganda (yaroqsiz holga kelganda va ko‘chmas mulk obyekti ko‘rsatkichlari o‘zgartirilmasdan).

❗️ Mazkur xizmatdan Davlat xizmatlari markaziga borgan holda yoki YIDXP (my.gov.uz) orqali elektron tarzda foydalanishingiz mumkin.

Telegram | Facebook | Instagram

«E-auksion» platformasiga dehqonchilik uchun yangi yerlar savdoga chiqarilmoqda

Buxoro viloyatida 5 mingdan ortiq yer uchastkalarini elektron tanlovda ishtirok etib 30 yilga ijaraga oling!

▪️Olot tumanida 846 ta (ko‘rish)
▪️Buxoro tumanida 531 ta (ko‘rish)
▪️Vobkent tumanida 789 ta (ko‘rish)
▪️G‘ijduvon tumanida 703 ta (ko‘rish)
▪️Kogon tumanida 349 ta (ko‘rish)
▪️Qorako‘l tumanida 235 ta (ko‘rish)
▪️Qorovulbozor tumanida 118 ta (ko‘rish)
▪️Peshko‘ tumanida 260 ta (ko‘rish)
▪️Romitan tumanida 269 ta (ko‘rish)
▪️Jondor tumanida 506 ta (ko‘rish)
▪️Shofirkon tumanida 785 ta (ko‘rish)

❗️ Auksion savdolarida qatnashish tartibini o'rganish (video)

Telegram | Facebook | Instagram