#Kun_tartibi

Viloyat hokimi Zoyir Mirzayev raisligida “Toshkent viloyati biznes markazini qurish” DUK binosida kengaytirilgan yigʻilish boʻlib oʻtdi.

Unda Oʻzbekiston Respublikasi Prezidentining “2024-2026-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi Qarori ijrosi yuzasidan viloyatdagi umumtaʼlim maktablari va maktabgacha taʼlim obyektlarini tenderda gʻolib boʻlgan quruvchi tashkilotlarining amalga oshirayotgan ishlari natijadorligi muhokama etildi.

Aytish mumkin, joriy yilda  tuman-shaharlardagi 39 ta obyektda qurilish va taʼmirlash ishlari amalga oshiriladi. Mazkur ishlar uchun 231 milliard 226 million soʻm mablagʻ yoʻnaltirilishi koʻzda tutilmoqda. Yana 11 ta obyekt boʻyicha yaqin kunlarda tender tanlovlari oʻtkazilishi maʼlum qilindi.

Yigʻilishda loyihachi hamda pudratchi tashkilotlar rahbarlariga belgilangan muddatlarda obyektlarni samarali va sifatli bajarilishi boʻyicha qatʼiy topshiriqlar belgilandi.

✅Telegram🌐Website📹YouTube✅Facebook🕊Twitter