#Футбол
#ДХХ_кубоги

Хабарингиз бор, Бўка тумани "Дўстлик" МФЙ ёшлари футбол бўйича ДХХ раиси кубоги баҳсларининг Тошкент вилояти босқичида ғалаба қозониб, мусобақанинг республика босқичига йўлланмани қўлга киритишган эди.

Бугун туман ҳокимлигида туман ҳокими Низомиддин Аббосов, ҳоким ўринбосарлари ва футболчиларнинг ота-оналари иштирокида ёшларга республика босқичида фойдаланиладиган футбол формалари ва спорт оёқ кийим (бутса)лар топширилди.

Тадбир давомида туман ҳокими, ота-оналар ва меҳмонлар футболчи ёшларимизга омад тилаб, республика босқичида ҳам чемпионликни тантана қилишларига ишонишларини таъкидлашди.

Тадбирдан сўнг футболчи ёшлар жойлашган автобус мусобақанинг республика босқичи ўтказиладиган Тошкент шаҳрига жўнаб кетишди.

Бўка тумани ҳокимлиги ахборот хизмати

#ДХХ_кубоги

✅Хабарингиз бор, ДХХ кубоги мусобақаларининг якуний босқичига ҳам етиб келдик. Катта футбол бўйича вилоятимизнинг Бўка тумани “Дўстлик” МФЙ жамоаси ярим финал босқичида турнир фаворитларидан бири бўлган Жиззах вилояти жамоасини иродали ғалаба эвазига мусобақадан чиқариб юборди.

⚽️Финалдаги рақиб эса Сирдарё вилояти жамоаси. Вилоятимиз шаънини ҳимоя қилаётган “Дўстлик” жамоасига бутун оҳангаронликлар ҳамда “Қорахитой” ва “Увак” МФЙ футбол жамоалари номидан финал баҳсида омадлар тилаб қоламиз.

👍“Қорахитой” жамоаси эса ўз табригини алоҳида мем шаклида юборишибди. Мана бу ҳақиқий спорт ва ўзаро ҳурмат, дўстликнинг олий намунаси. Чунки вилоят босқичида бир-бирига рақиб бўлган жамоалар республика босқичида баррикаданинг бир томонида бўлишади. Барчани финал ўйинига чорлаб қоламиз.

Финал 27 август куни соат 18:00 да ЖАР спорт мажмуасида бўлиб ўтади.

P.S. Эслатиб ўтамиз мусобақанинг вилоят босқичи финал ўйинида “Дўстлик” ва “Қорахитой” жамоалари ўзаро куч синашган эди.

@ohangaronthokimligi

#ДХХ_кубоги

Ярим финал таасуротлари.

Фотога эътибор беринг, ўнгдан биринчи турган Бўка тумани Бош имом ҳатиби Баҳриддин домла Шарипов.
Домла қатори кўпчилик кўз ёшларни тийиб туролмаган эди.

Бўлган воқеадан барчани ҳабари бор, асаблар таранглиги билан кечган ўйинда пенальтилар сериясида Бўканинг “Дўстлик” жамоаси ғалаба қозонди.

Биринчи хиссиётлар тўлқини ҳисоб 1:1 бўлганда кечди, умид билан оҳиригача кутдик.
Пенальтилар сериясида ҳам вазият бошида оғир туюлди.
Йигитлар асл характерини намойиш этди, аниқлик билан, кучли йўналтирилган зарба ортидан келган ГОЛ жамоани финалга олиб чиқди.
(Рақиб дарвозабони ҳолатини тасаввур қилинг)

Эмоцияларни таърифлаб беролмайман.

Ғалаба доимий ҳамроҳимиз бўлсин.
Бугун финал.
Жамоани аввало Яратганнинг ўзи қўлласин.
Элнинг, Ота-Оналарининг дуоси қўлласин.

Бўка туман ҳокими маслаҳатчиси Тимурбек Нуриддинов.