#очиқ_мулоқот

✅ ФОТОРЕПОРТАЖ. Озиқ-овқат маҳсулотлари ишлаб чиқарувчиларининг таклифлари ўрганилди

Бугун, 17 июль куни ҳукумат вакиллари ва озиқ-овқат маҳсулотлари ишлаб чиқарувчи тадбиркорлар ўртасида очиқ мулоқот бўлиб ўтди.

Учрашув мобайнида экспорт қилишдаги тўсиқларни бартараф этиш, экспорт бозорларини кенгайтириш, солиқ юкини камайтириш, божхона тартиб-таомилларини соддалаштириш, инвестиция муҳитини яхшилаш, соғлом рақобатни ривожлантириш каби масалалар муҳокама қилинди.

Website|Telegram|Instagram|Facebook|X|Youtube

#очиқ_мулоқот

🛡ФОТОРЕПОРТАЖ. Тадбиркорлар мурожаатлари жойида ҳал этилмоқда

Ўзбекистон Республикаси Президентининг тадбиркорлар билан очиқ мулоқотига тайёргарлик кўриш мақсадида Бизнес-омбудсман девони ходимлари жойларда тадбиркорлар билан фаол мулоқотлар ўтказмоқда.

Мазкур учрашувлар давомида тадбиркорлик субъектларига янги қонунчилик ҳужжатлари ва имтиёзлар ҳақида батафсил маълумот берилмоқда. Бизнес-омбудсман девони томонидан тадбиркорлар билан доимий мулоқотни йўлга қўйиш ва уларнинг муаммоларини ҳал этиш бўйича тизимли ишлар амалга оширилмоқда.

👨‍💻 Батафсил сайтда ўқишингиз мумкин!

Website|Telegram|Instagram|Facebook|X|Youtube

#очиқ_мулоқот

🛡Электроника ва автомобилсозлик соҳаси: муаммолар ва ечимлар изланмоқда

Бугун, 26 июль куни Президентнинг тадбиркорлар билан очиқ мулоқотига тайёргарлик доирасида ҳукумат вакиллари ва электроника ҳамда автомобилсозлик соҳаси вакиллари иштирокида учрашув ўтказилди.

Бизнес-омбудсман Дилмурод Касимов, Савдо-саноат палатаси раиси Даврон Вахабов, Солиқ қўмитаси, Транспорт вазирлиги, Адлия вазирлиги, Техник жиҳатдан тартибга солиш агентлиги, Божхона қўмитаси, Тадбиркорликни қўллаб-қувватлаш бўйича Жамоатчилик кенгаши аъзолари ҳамда бошқа тегишли вазирлик ва идоралар раҳбарлари иштирокида ўтган очиқ мулоқотда тадбиркорларнинг экспорт, солиқ, божхонага оид масалалари ва тизимли муаммолари атрофлича муҳокама қилинди.

Билдирилган барча муаммо ва таклифлар тингланиб, ўрганиш учун тегишли мутасаддиларга йўналтирилди.

Website|Telegram|Instagram|Facebook|X|Youtube

#очиқ_мулоқот

🛡Фоторепортаж. Тадбиркорлик фаолиятини бошламоқчи бўлган фуқароларга кредит олиш учун сертификатлар топширилди

Жиззах вилоятида тадбиркорлар ва ишбилармонларнинг ҳуқуқлари ва қонуний манфаатларини ҳимоя қилиш, уларни қийнаётган муаммоларга ечим топиш мақсадида очиқ мулоқот ўтказилди.

Ушбу тадбирда Жиззах вилояти ички ишлар бошқармаси бошлиғи, генерал-майор Ғайрат Қодиров, Тадбиркорларнинг ҳуқуқлари ва қонуний манфаатларини ҳимоя қилиш бўйича вакил девони Жиззах вилояти шуъбаси раҳбари Сардор Усманов ва Зафаробод тумани ҳокими Ғайрат Эшпўлатовлар иштирок этди.

Сайёр қабул давомида тадбиркорлар томонидан турли масалалар кўтарилди. Хусусан, фаолиятни кенгайтириш учун кредит олиш, дорихона қуриш учун ер ажратиш, саломатлик маркази очиш ва бошқа масалалар юзасидан мурожаатлар билдирилди.

👨‍💻 Батафсил сайтда ўқишингиз мумкин!

Website|Telegram|Instagram|Facebook|X|Youtube