👍 Тадбиркорлар ҳуқуқларини ҳимоя қилиш бўйича ҳудудларда семинарлар ўтказилмоқда

Ўзбекистон Республикаси Президентининг 2024 йил 14 ноябрдаги "Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида"ги ПФ-184-сонли Фармонининг мазмун-моҳиятини кенг жамоатчиликка етказиш мақсадида Қорақалпоғистон Республикаси, Сирдарё ва Хоразм вилоятларида бир қатор тадбирлар ўтказилди.

Жумладан, Қорақалпоғистон Республикаси Камбағалликни қисқартириш ва бандлик вазирлигида Бизнес-омбудсман девони ходимлари томонидан Давлат меҳнат инспекцияси инспекторлари учун семинар-тренинг ташкил этилди.

Сирдарё вилоятида ҳам ушбу Фармоннинг мазмун-моҳияти юзасидан ҳудудий Қурилиш ва уй-жой коммунал хўжалиги соҳасида назорат қилиш инспекциясида семинар ўтказилди.

Хоразм вилоятида эса Ҳазорасп туман ҳокимлиги мажлислар залида тадбиркорлар иштирокида ўқув семинари бўлиб ўтди.

Ушбу семинарларда тадбиркорларнинг ҳуқуқ ва манфаатларини ҳимоя қилиш, уларнинг фаолиятига ноқонуний аралашувларнинг олдини олиш, текширувлар ўтказиш тартибини такомиллаштириш каби масалалар муҳокама қилинди.

Website|Telegram|Instagram|Facebook|X|Youtube

👍 Тадбиркорларнинг муаммолари ўрганилмоқда

Андижон вилоятида инвестиция ва тадбиркорлик муҳитини янада яхшилаш борасида вилоятдаги йиллик айланмаси 100 млрд сўмдан ошган юзга яқин йирик тадбиркорлар билан жойларда учрашувлар ўтказилмоқда.

Хусусан, Андижон ва Хонобод шаҳарлари, Қўрғонтепа, Балиқчи ва Шаҳрихон туманларидаги 30 га яқин корхоналарда мавжуд муаммо ва таклифлар жойига чиққан ҳолда ўрганилди.

Шунингдек, Тошкент вилоятидаги бозорлар, савдо марказлари ва йирик кўнгилочар масканларда фаолият юритувчи тадбиркорлик субъектлари билан Прокуратура, ИИВ, Миллий гвардия ҳамда ФВВ билан ҳамкорликда профилактик тадбирлар ўтказилмоқда.

Ушбу тадбирлар давомида тадбиркорларга давлат томонидан назорат қилишда жорий этилган янги тартиб, ёнғин хавфсизлиги қоидаларига риоя этиш ва бошқа масалалар юзасидан тушунтиришлар берилмоқда.

Website|Telegram|Instagram|Facebook|X|Youtube

👍 Бизнес-омбудсман тадбиркорлар билан очиқ мулоқот ўтказди

Тошкент вилояти божхона бошқармасида тадбиркорлар билан очиқ мулоқот ўтказилди. Унда Бизнес-омбудсман Дилмурод Касимов, Мажбурий ижро бюроси директори Музаффар Эгамбердиев, Тошкент вилояти божхона бошқармаси бошлиғи Каҳрамон Умаров ҳамда ҳудудда фаолият олиб бораётган тадбиркорлар иштирок этди.

Учрашув давомида тадбиркорлар ўзларини қийнаётган муаммоларни очиқ муҳокама қилиш ва ечим топиш имкониятига эга бўлдилар. Бизнес-омбудсман ва божхона ходимлари ҳар бир мурожаатни диққат билан тинглаб, уларни ҳал этиш бўйича тегишли чора-тадбирлар белгилаб олдилар.

👍 Маълумот учун, Тошкент вилояти божхона бошқармаси тасарруфида 16 та божхона пости, 71 та божхона омбори мавжуд. 2024 йил давомида вилоят божхона бошқармаси томонидан тадбиркорлик фаолиятини қўллаб-қувватлаш мақсадида уларга божхона тўловларидан 6,4 трлн сўм имтиёзлар берилди.

Website|Telegram|Instagram|Facebook|X|Youtube

👍 Тадбиркорлар муаммоларини ҳал этишда амалий ёрдам

Ўзбекистон Республикаси Президенти томонидан инвестицияларни кенг жалб этиш ва экспорт ҳажмини оширишга қаратилган видеоселектор йиғилишида божхона омборларида технологик асбоб-ускуналарнинг узоқ муддат сақланиб қолаётганлиги ва бу борада тадбиркорларга кўмаклашиш зарурлиги таъкидланди.

Мазкур топшириқ ижросини таъминлаш мақсадида Тошкент шаҳар божхона бошқармасининг “Тошкент-товар” божхона постида тадбиркорлар билан учрашув ташкил этилди.

Унда Бизнес-омбудсман ўринбосари Ж.Урунов, Тошкент шаҳар божхона бошқармаси бошлиғи Т.Саидов, шунингдек, ҳокимият, банк, мажбурий ижро, сертификация идоралари вакиллари иштирок этди.

👍 Батафсил сайтда танишишингиз мумкин.

Website|Telegram|Instagram|Facebook|X|Youtube