Хәйбулла районы Петропавловский ауылында башланғыс мәктәп менән балалар баҡсаһы асылды

Хәйбулла районы Петропавловский ауылында ремонт һәм төҙөлөш эштәренән һуң башланғыс мәктәп менән балалар баҡсаһы асылды. Ауыл халҡы, уҡытыусылар, балалар һәм төҙөүселәр ҡатнашлығында үткән тантаналы сара хаҡында киләһе яҙмала.

Баймаҡ ҡалаһының төрлө хеҙмәт ойошма-предприятиелары араһында спартакиада старт алды

Сәләмәт ғаилә - көслө ғаилә. «Ғаилә йылы» уңайынан Баймаҡ ҡалаһының төрлө хеҙмәт ойошма-предприятиелары араһында спартакиада старт алды. “Баһадир” физкультура-һауыҡтырыу комплексында был юлы ҡала мәктәптәре хеҙмәткәрҙәренең ғаиләләре ярышты, эстафета мәктәпкәсә белем биреү учреждениеларына тапшырылды.

Башҡортостанда бысраҡ номерҙар өсөн штраф һалалар

Республика юлдарында Юл хәрәкәте хәүефһеҙлеге дәүләт инспекцияһы махсус рейд башланы. Инспекторҙар тәү сиратта бысраҡ номерҙарға иғтибар итә. Шулай уҡ ялған, эҙләүҙә булған, йә иһә дәүләт теркәүенән алынған автомобилдәрҙе асыҡлай. Юл хәрәкәте хәүефһеҙлеге буйынса баш автоинспектор Владимир Севастьянов машиналағы дәүләт номеры яҡшы уҡылырға тейеш тип иҫкәртә. Бысраҡ һәм саң баҫҡан номерҙар өсөн 500 һум штраф ҡаралған.

Республика халҡы Зыя Нуриевты иҫкә ала

Бөгөн совет осороноң дәүләт һәм партия эшмәкәре Зыя Нуриевтың тыуыуына 109 йыл тула. Зыя Нурый улы Өфө губернаһы Бөрө өйәҙе Үрге Ыласынтау ауылында тыуған. Ул төрлө йылдарҙа КПСС-тың Башҡортостан өлкә комитетының 1-се секретары, Советтар союзы әҙерләүҙәр министры, СССР Министрҙар Советы Рәйесе урынбаҫары булып эшләй. Иҡтисад фәндәре докторы, академик, Мазһар Иҫәнбаев фекеренсә, республикала Зыя Нуриев етәксе булған осорҙо төбәк өсөн иң уңышлы йылдар тип баһаларға мөмкин.

Башҡортостан ғалимдары Әхмәт ибн Фаҙландың ҡулъяҙмаларының күсермәһен алып ҡайтты

Иранға фәнни экспедиция менән барған тарихсы-ғалимдар Әхмәт ибн Фаҙландың ҡулъяҙмаларының күсермәһен алып ҡайтты. Республика йәмәғәтселеге өсөн Х быуат ғәрәп сәйәхәтсеһенең эше оло әһәмиәткә эйә. Шуларҙың береһе башҡорттарҙы тарихта танытҡан тәүге документтарҙың береһе.

Өфө ҡыҙҙары ярым финалда икенсе уйында ла дәғүәсеһенән еңелде

Ҡатын-ҡыҙҙар хоккей лигаһында плей-офф дауам итә. Ярым финалда “Ағиҙел” һәм “Динамо-Нева” командалары осраша. Икенсе уйын да Санкт-Петербург ҡыҙҙары файҙаһына булиттар серияһында 4-3 иҫәбенә тамамланды. Тәүге осрашыуҙа ла “Динамо-Нева” клубы көслөрәк булғайны. 23 мартта Санкт-Петербургта өсөнсө матч уҙа. Өс еңеү яулаған команда финалға сыға.

Өфөлә «Ағиҙел» Төбәк-ара полилингваль олимпиадаһы үтте

Дүртенсе тапҡыр ойошторолған ярышта 5-11 класс уҡыусылары көс һынашты. Улар «Беҙ - берҙәм һәм татыу ғаилә» темаһына бағышланған проекттар тәҡдим итте.

Башҡортостан дәүләт ҡурайсылар ансамбленә һайлап алыу башланды

Тәүге тур бөгөн Хөсәйен Әхмәтов исемендәге Башҡорт дәүләт филармонияһында үтте. Үҙ көсөн 30-ҙан ашыу сәхнә оҫтаһы һынап ҡараны. Улар араһында ҡурайсылар ҙа, думбырасылар ҙа, скрипкасылар ҙа бар. Сөнки ҡурайсылар ансамбле составында башҡа милли музыка ҡоралдары ла ҡаралған. Хәбәр итеүебеҙсә, Башҡортостан дәүләт ҡурайсылар ансамбле Республика башлығы Радий Хәбировтың башланғысы менән ойошторолдо.

Депутаттар ҙур эттәрҙе морондоҡһоҙ йөрөткән өсөн ҡатыраҡ яза тәҡдим итте

Дәүләт Йыйылышы–Ҡоролтай ошоға бәйле закон проектын ҡабул итергә ниәтләй. Ҙур эттәрҙе морондоҡһоҙ йөрөткән өсөн 4 мең һумға тиклем штраф һалына. Ғәмәлдәге ҡануниәт буйынса 500 һум ҡарала ине. Март айындағы пленар ултырышҡа закон проектына төҙәтмә әҙерләнгән. Уҫал эт кешегә ташланған осраҡта, хайуан хужаһын енәйәт яуаплылығына тарттырыу ҡарала.

Өфөлә шағир һәм композитор Миҙхәт Әбделмәнов арабыҙҙан китте

Бөгөн шағир, Башҡортостандың Яҙыусылар союзы ағзаһы, композитор, республикабыҙҙың атҡаҙанған сәнғәт эшмәкәре Миҙхәт Мәжит улы Әбделмәнов 82 йәшендә донъя ҡуйған.

Ул популяр башҡарыусылар өсөн тиҫтәләгән йырҙар ижад иткән, күбеһе хитҡа әүерелгән. Elvin Grey, Әлфиә Әмирханова, Рөстәм Асаев кеүек артистарҙың репертуарында уның шиғырҙарына йырҙар бар.

Миҙхәт Әбделмәнов менән хушлашыу иртәгә, 22 мартта, Башҡорт дәүләт филармонияһында иртәнге сәғәт 10-да була. Уны тыуған яғында - Благовар районының Яныш ауылында ерләйҙәр.

Яңауылда махсус хәрби операция барышында һәләк булған яугирҙарға таҡтаташ асылды

Яңауыл ҡалаһының «Дан» аллеяһында яҡташтарыбыҙ өлкән лейтенант Владислав Асхатов, рядовойҙар Илһам Хафизов, Илдар Миңлейәнов һәм Илсур Хәйҙәровтар хөрмәтенә дүрт яңы мемориаль таҡтаташ асылды. Улар дүртеһе лә махсус хәрби операция барышында һәләк булған. Тантаналы шарттарҙа Ватан именлеге өсөн башын һалған батырҙарҙы хөрмәтләп иҫкә алдылар.

Туймазы ҡалаһының «Бөркөт» ирекмәндәр ойошмаһы яугирҙарға сираттағы гуманитар ылау әҙерләй

Еңеүҙе бергәләп яҡынайтайыҡ! Туймазы ҡалаһында ойошторолған «Бөркөт» ирекмәндәр ойошмаһы яугирҙарға сираттағы гуманитар ылау әҙерләй. Ярҙам башлыса урындағы халыҡ көсө менән туплана.

Стәрлетамаҡ районында быйыл тәүге зональ агроконференция уҙҙы

Сарала алдағы сәсеү кампанияһының тактикаһы һәм стратегияһы билдәләнде. Республикала 2 миллион 880 мең гектар сәсеүлек майҙанының 1 миллион 760 мең гектары иген һәм ҡуҙаҡлы иген культураларына бүленәсәк.Ҡалған майҙандар техник, мал аҙығы һәм картуф сәсеү өсөн тәғәйенләнә. 2024 йылғы ялан миҙгеле илдең күп кенә төбәктәрендә ҡатмарлы буласаҡ тип билдәләй эксперттар.

Рәшит Ниғмәтиҙең шиғырҙар йыйынтығы брайл шрифында нәшер ителде

Ул Мәкәрим Төхвәтшин исемендәге Республика һуҡырҙар өсөн махсус китапхананың тифләнәшриәт бүлегендә донъя күрҙе. Тиҙҙән күреү һәләтенән мәхрүм булғандар ҙа Башҡортостандың халыҡ шағиры ижады менән таныша аласаҡ. Әле китап техник эшкәртеү үтә һәм артабан Белорет, Бәләбәй, Стәрлетамаҡ ҡалаларындағы һуҡырҙар өсөн китапхана филиалдарына таратыла.

Өфөнән Көнсығыш сығыу юлы файҙаланыуға тапшырылды

Республиканың иң ҙур инфраструктура проектының ғәмәлгә ашырылыуы Рәсәй күләмендә тарихи ваҡиға. Ваҡытында Борис Ельцин нигеҙ һалған объект өс тиҫтә йыл ваҡыт үткәндән һуң ниһайәт, сафҡа инде. Төҙөлөш «Хәүефһеҙ һәм сифатлы автомобиль юлдары» милли проектына ярашлы алып барылды. Белгестәр билдәләүенсә, күләмле объект М-5 һәм М-7 федераль трассаларын тоташтырып, Өфө урамдарынан транзит ағымдарын кәметергә мөмкинлек бирер тик көтөлә. Көнсығыш сығыу юлынан тәүгеләрҙән булып беҙҙең ижади төркөм дә үтте.

Радий Хәбиров МХО-ла батырҙарса һәләк булған яугирҙарҙың яҡындарына дәүләт наградалары тапшырҙы

Башҡортостан башлығы Радий Хәбиров махсус хәрби операцияла батырҙарса һәләк булған яугирҙарҙың яҡындарына дәүләт наградалары тапшырҙы. Подполковник Андрей Мигуновтың батырлығы «Ҡыҙыл Йондоҙ», старшина Олег Маленков, рядовой Игорь Никитин , ефрейтор Дим Шәрипов «Ҡаһарманлыҡ « ордендары менән баһаланды. Яҡташтарыбыҙ махсус операция биләмәһендә үҙ ғүмерен аямай неонацстарға ҡаршы көрәштә һәләк булды

Өфөлә фундаменталь һәм клиник урология һәм онкология буйынса Халыҡ-ара конгресс башланды

Сараның тәүмаҡсаты - Рәсәй һәм сит илдәр урология берләшмәләре араһында эшлекле хеҙмәттәшлекте нығытыу. Халыҡ-ара кимәлдә билдәле белгестәр үҙҙәренең һуңғы тикшеренеүҙәре, практик эштәре менән таныштыра. Шулай уҡ Башҡорт дәүләт медицина университетында башҡорт хирургтары күрһәтмә операциялар яһай. Яман сир менән көрәштә ҡулланылған алдынғы технологиялар хаҡында киләһе яҙмала.

Башҡортостанда контракт буйынса хәрби хеҙмәткә һайлап алыу дауам итә

3 ай эсендә Өфөнөң махсус хәрби операцияла ҡатнашыусыларға һәм уларҙың ғаилә ағзаларына ярҙам итеү үҙәгенә 1000-дән ашыу мөрәжәғәт ҡабул ителгән. Улар араһында социаль-көнкүреш мәсьәләләре, шулай уҡ медицина реабилитацияһы, эшкә урынлашыу, шифаханаларҙа дауаланыуға бәйле мәсьәләләр бар. Үҙәктә контракт буйынса хәрби хеҙмәткә һайлап алыу буйынса консультация алырға ла мөмкин. Ҡала райондары хакимиәте хеҙмәткәрҙәре талаптар һәм кәрәкле документтар тураһында аңлатасаҡ.

Баймаҡ ҡалаһының «Нәсихәт» мәсетендә көн дә ифтар мәжлестәре үтә

Ураҙа тотоу - изге ғәмәл. Мосолмандарҙың көтөп алған изге Рамаҙан айында Баймаҡ ҡалаһының “Нәсихәт” мәсетендә көн дә ифтар мәжлестәре үтә. Халыҡ күпләп тәрәуих намаҙына йыйыла. Тулыраҡ киләһе яҙмала.

Өфө парашютсыһы донъя рекорды ҡуйырға ниәтләй

Александр Лынник-бард, яҙыусы һәм радио алып барыусы, 64 йәшендә бала саҡ хыялын тормошҡа ашыра. Әле ул Ерҙең Төньяҡ ярымшарына һикереүгә әҙерләнә. Һикереү Өфөнөң юбилейына, осоусы Валерий Чкаловтың тыуыуына 120 йыл тулыуға һәм Космонавтика көнөнә арнала.