Амур өлкәһендә биш яҡташыбыҙ рудникта емереклектәр аҫтында ҡалған

Амур өлкәһе Зей муниципаль округындағы рудниктың ер аҫты эштәре участкаһында тау тоҡомдары ишелгән. 13 кешенең емереклектәр аҫтында ҡалыуы ихтимал, тип хәбәр итә Рәсәйҙең Ғәҙәттән тыш хәлдәр министрлығы. Улар араһында биш яҡташыбыҙ ҙа бар.

«Дүртәүһе — Сибайҙа, берәүһе Учалынан, 31-48 йәшлектәр. Барыһы ла машинист булып эшләй», — тип хәбәр ителә министрлыҡтан.

Һуңғы мәғлүмәттәр буйынса, шуға бәйле өлкәлә ғәҙәттән тыш хәл режимы индерелгән. Әлегә эшселәр менән бәйләнеш юҡ.

Факты о Радие Хабирове, которые получат огласку впервые.

Что заставляет Главу Башкортостана идти на серьезный риск для жизни? Насколько сложно руководителю республики принимать непопулярные решения, и каким образом Радий Хабиров причастен к «Крымской весне»?

Смотрите большое интервью с Главой Республики Башкортостан в день шестидесятилетия Радия Хабирова. 20 марта в 20:00, только на БСТ.

Өфөлә Салауат Юлаев һәйкәле һәм ул урынлашҡан ҡурған реставрациялана

Был турала Мәҙәни мираҫ объекттарын һаҡлау буйынса идаралыҡтан хәбәр итәләр. Эштәр быйыл башлана. Һәйкәлде урынынан алыу планлаштырыла. Реставрация бер нисә йыл барасаҡ. Милли герой Салауат Юлаевҡа һәйкәл 1967 йылдың 17 ноябрендә асылған.

Башҡортостанда “Рәсәй – спорт державаһы” форумы уҙа

Ул Өфөнөң 450 йыллыҡ юбилейы барышында, сентябрь-октябрь айҙарында ойошторола. Ил президенты Владимир Путин ошо турала документҡа ҡул ҡуйҙы. “Сара республикала спортты һәм физкультураны үҫтереү өсөн өҫтәмә этәргес буласаҡ”, ти "Спартак" физкультура-спорт ойошмаһының Башҡортостан Советы рәйесе Фуат Дәминдәров.

Владимир Путин «Рәсәй - спорт державаһы» форумын Өфөлә уҙғарыу тураһындағы күрһәтмәгә ҡул ҡуйҙы

Рәсәй Президенты Владимир Путин «Рәсәй - спорт державаһы» халыҡ-ара спорт форумын быйыл көҙ Өфөлә уҙғарыу тураһындағы күрһәтмәгә ҡул ҡуйҙы.
Дәүләт Башлығының ҡарары - республиканың донъя кимәлендәге сараны Өфөнөң 450 йыллығы билдәләнгән йылды Башҡортостандың баш ҡалаһында уҙғарыу тураһындағы тәҡдименә яуап. Ошо уңайҙан Башҡортостан Башлығы Радий Хәбиров социаль селтәрҙә республикаға күрһәтелгән ышаныс өсөн рәхмәт белдергән.

Хәйбулла районы Аҡъяр ауылында йәшәүсе Тәнзилә Байрамғолова 85 йәшлек ғүмер байрамын ҡаршыланы

Хәйбулла районы Аҡъяр ауылында йәшәүсе хеҙмәт ветераны Тәнзилә Байрамғолова 85 йәшлек ғүмер байрамын ҡаршыланы. Фиҙәҡәр хеҙмәте менән республика үҫешенә тос өлөш индергән хеҙмәт ветеранының шатлығын БЮТ ижади төркөмө лә уртаҡлашты.

Өфөлә бер тәүлектә 10 иҫерек водитель тотолған

Юл полицияһы туҡтатҡан 4 машинала водителдәрҙең танытмаһы бөтөнләй булмаған. 37 юл-транспорт ваҡиғаһы теркәлгән. Ҡағиҙә боҙоу осраҡтарының күбеһе хәүефһеҙлек ҡайышын эләктермәүгә, йәйәүлеләргә юл бирмәүгә бәйле.

Байназарҙар МХО-ға мунса эшләгән

Изге рамаҙан айында ҡылған изгелектәргә сауаптарҙың күпләп артыуын беләбеҙ – Аллаға шөкөр, изгелектә ярышыуҙан төңөлмәй беҙҙең халыҡ – “Айыҡ ауыл 2024” республика конкурсында ҡатнашып, сара артынан сара үткәреп, эш өҫтөнә эш атҡарған байназарҙар ошо айҙа МХО-лағы яҡташ яугирҙәргә тағы бер мунса әҙерләгән .

Егеттәрҙең эш барышы менән район ветерандар советы чатында район ветерандар советы рәйесе Олег Марс улы Ғәлиев таныштыра килде. Мунса әҙер булып, район үҙәгенә килтерелгән.

Бөрйән районы халҡынан яугирҙәргә сираттағы ылау әҙер. Бөгөн район ветерандар советы рәйесе О.Ғәлиев, уға ярҙам итергә килгән шәхси эшҡыуар Данил Кәримов, ДРСУ егеттәре Руслан Аллағолов, Фәнил Мырҙабаев, Илшат Шәмиғолов, Ғәзим Баязитов, Йәмил Капаровтартар фураға мунса менән ГАЗ-66 машинаһын тейәү менән мәшғүл.

Коллегабыҙ Рафиҡ Әхмәтшиндан сәләм килде

БР Журналистары союзы рәйесе Вәдүт Исхаҡов махсус хәрби операцияла ҡатнашҡан коллегабыҙ, БСТ каналы хәбәрсеһе Рафиҡ Әхмәтшиндың хәлен һорашҡан. Хеҙмәттәшебеҙ яуап итеп, алғы һыҙыҡтан видеосәләм ебәргән.

Имен-һау йөрөп ҡайт, Рафиҡ Үзбәк улы!

‼️Башҡортостан вахтовиктарын ҡотҡарыуға өҫтәмә көс ебәрелгән

Амур өлкәһенә Рәсәй Ғәҙәттән тыш хәлдәр министрлығының өҫтәмә көстәре йүнәлтелгән. Ведомство башлығы Александр Куренков ошондай күрһәтмә биргән.

«Пионер» руднигындағы ҡотҡарыу эштәре мәсьәләләре РФ хөкүмәте рәйесе урынбаҫары — Рәсәй президентының Алыҫ Көнсығыш федераль округындағы вәкиле Юрий Трутнев етәкселегендәге кәңәшмәлә ҡаралды.
Иҫегеҙгә төшөрәбеҙ, Амур өлкәһендә бәләгә тарыған шахтерҙар араһында биш яҡташыбыҙ ҙа бар.

Радий Хәбиров бөгөн «Пространстволы үҫеш стратегияһы» сессияһында ҡатнаша

Уны Мәскәүҙә Рәсәй хөкүмәте рәйесе Михаил Мишустин үткәрә. Республика башлығы социаль селтәрҙә хәбәр итеүенсә, кәңәшмәлә ҡатнашыусылар халыҡтың йәшәү сифатын һәм кимәлен күтәреү, иҡтисади үҫеш темптарын тиҙләтеү, технологик үҫеш, милли именлекте тәьмин итеү йәһәтенән 2025 йылға тиклем илдең үҫешен тикшерәсәк. Бөгөн ҡабул ителәсәк ҡарарҙар Башҡортостандың 2030 йылға тиклемге үҫеш стратегияһында ла иҫәпкә алынасаҡ, тип билдәләне төбәк етәксеһе.

«Хеҙмәт резервтары» хәйриә фонды сираттағы гуманитар ылау әҙерләй

Яугирҙар Ватанды һаҡлағанда, тылдағылар улар тураһында хәстәрлек күрә. «Хеҙмәт резервтары» хәйриә фонды Өфө районы ирекмәндәрен берләштереп, сираттағы гуманитар ылау әҙерләй. Чесноковка ауылында урынлашҡан штабҡа төрлө әйберҙәр, аҙыҡ-түлек, көндәлек кәрәк-яраҡтары, маскировка селтәрҙәре йыйыла.

«Башсельхозтехника» предприятиеһында аграрийҙар өсөн уҡыуҙар бара

Дәрестәр барышында яңы техника өлгөләре, уларҙы ҡулланыу, ремонтлау үҙенсәлектәре, өҫтөнлөктәре менән танышырға мөмкин. Предприятие биләмәһендә Рәсәйҙә етештерелгән заманса техника күргәҙмәһе лә ойошторолған.

Өфөлә экотакси барлыҡҡа килде

Руль артында - Валерия Кирәева,ҡала халҡынан сүп-сар йыйып уны ҡабул итеү пункттарына алып китә. Ҡаты ҡалдыҡтар тапшырып йыйылған аҡсаны баш ҡалалағы хосписҡа йүнәлтә. Был хаҡта тулыраҡ киләһе яҙмала.

Бөгөн - Бөтә донъя социаль эш көнө

Һөнәри байрам йыл да марттың өсөнсө шишәмбеһендә билдәләнә. Республиканың халыҡты социаль хеҙмәтләндереү өлкәһендә эшләүселәр көсө менән һаулыҡ мөмкинлектәре сикләнгән граждандарға, өлкән быуын вәкилдәренә оло хәстәрлек күрһәтелә. Мәрхәмәтле һөнәр эйәләре менән БЮТ ижади төркөмө осрашты

Башҡортостан автономияһына - 105 йыл

1919 йылдың 20 мартында Рәсәй Эшсе-Крәҫтиән хөкүмәте менән Башҡортостан хөкүмәте араһында Башҡорт Совет автономияһы тураһында килешеүгә ҡул ҡуйыла. Тарихсылар был ваҡиғаны Рәсәй тарихындағы иң мөһимдәр рәтенә ҡуя - тап төбәк менән үҙәктең килешеүе Федератив мөнәсәбәттәргә нигеҙ һала. Тарихсы Нурислам Ҡалмантаев та документтың баһаһын ҙур тип иҫәпләй. Уға тиклемге үҙалылыҡ документаль раҫланмаған, ә 1919 йылдағыһың яңы власть таный һәм рәсми иғлан итә.
Башҡорт автономияһы Рәсәйҙә тәүгеһе һәм үҙ формаһы буйынса берҙән-бере. Мәскәү беҙҙең шарттарға риза булып, килешеү төҙөй, башҡа республикаларға автономия декрет, йәғни указ менән генә бирелә.

Бөгөн Башҡортостан башлығы Радий Хәбировҡа 60 йәш

Иң тәүгеләрҙән булып республика етәксеһен юбилейы менән М. Шайморатов исемендәге беренсе башҡорт батальоны һалдаттары ҡотланы.

Башҡортостанда етем балаларға кеҫә аҡсаһы бирелә

Дәүләт Йыйылышы–Ҡоролтай закон проекты әҙерләгән. Уға ярашлы етемдәргә айына 1 мең һумға тиклем тапшырылып бара. Сумма ҙур булмаһа ла, бындай алым балаларҙы аҡса тотонорға өйрәтә, ти депутаттар. Социаль ярҙам өсөн бюджеттан яҡынса 5 миллион һум тотонола.

БСТ каналы Радий Хәбировтың тыуған көнөндә эксклюзив интервью күрһәтәсәк

Бөгөн Башҡортостан башлығы Радий Хәбиров 60 йәшлек юбилейын билдәләй. Юбилейы алдынан төбәк етәксеһе беҙҙең каналға эксклюзив интервью бирҙе. Коллегабыҙ Дмитрий Каретко ойошторған әңгәмәлә ул үҙ эшмәкәрлегендә бығаса билдәле булмаған факттар менән бүлешә.
Республика башлығы Радий Хәбиров менән ҙур интервьюны бөгөн киске сәғәт һигеҙҙә Башҡортостан юлдаш телевидениеһында ҡарағыҙ.

Башҡортостан башлығы юбилей иртәһен «Патриот» хәрби-илһөйәрлек паркында ҡаршы алды

Башҡортостан башлығы 60 йәшлек юбилей иртәһен Рәсәй Геройы Максим Серафимов исемендәге «Патриот» хәрби-илһөйәрлек паркында ҡаршы алды. Әлеге минуттарҙа Радий Хәбиров «Ирҙәрсә һөйләшеү» республика йәштәр илһөйәрлек форумында ҡатнаша. Сараға 250 уҡыусы саҡырылған, улар араһында махсус хәрби операцияла ҡатнашыусыларҙың балалары, кадеттар һәм юнармеецтар бар.