#MUKOFOT
🌺E’TIBOR, E’TIROF, E’ZOZ

Bu yilgi bahorning, bayramning shukuhi o‘zgacha bo‘ldi, ayniqsa, go‘zallik va nafosat bayrami “8 mart - Xalqaro xotin-qizlar kuni” munosabati bilan Respublikamizdagi fidoiy ustozlarimiz Xalq ta’limi vazirligi tomonidan “Xalq ta’limi a’lochisi” ko‘krak nishoniga munosib ko‘rilishi ko‘ngillarni bir olam zavqqa to‘ldirdi.

Ana shunday e’tiboru e’tirofga Toshkent viloyati xalq ta’limi tasarrufidagi 124-sonli imkoniyati cheklangan bolalar uchun ixtisoslashtirilgan yordamchi maktab-internati boshlang‘ich sinf o‘qituvchisi Damira Dadaboyeva ham musharraf bo‘ldi. https://t.iss.one/toshkentvxtb/29320

Kezi kelganda aytish kerak, ustozlik bu- buyuk va sharafli taqdir mukofoti! Tanlanganlargina – ustozlikka loyiq bo‘ladi! Tanlanganlar ichidan tanlanish esa ikka karra mukofot. Damira Dadaboyeva ana shunday munosiblardan.

Damira opa uzoq yillardan buyon mazkur dargohda faoliyat yuritadi. Imkoniyati cheklangan bolalar bilan ishlash, ular bilan til topishish oson emas. O‘z kasbining ustasi, mahoratli pedagog Damira Pardayevna bu mashaqqatli vazifani shu kunga qadar qoyilmaqom qilib uddalab kelmoqda.

Kuni kecha mazkur mukofot- “Xalq ta’limi a’lochisi” ko‘krak nishonini viloyat xalq ta’limi boshqarmasi boshlig‘i Azamat Kamalov tantanali ravishda Damira opaga toshirdi.

Toshkent viloyati xalq ta’limi boshqarmasi mahoratli pedagog Damira Dadaboyevani 8 mart – Xalqaro xotin-qizlar kuni hamda yuksak mukofot bilan tabriklaydi.
MUKOFOT MUBORAK BO‘LSIN USTOZ!

🖊Toshkent viloyat xalq ta’lim boshqarmasi Axborot xizmati
Kanalga ulanish 👉@toshkentvxtb