#КУН_МАВЗУСИ
🔰ЖОРИЙ ЎҚУВ ЙИЛИДА ЯГОНА МАКТАБ ФОРМАСИГА ЎТИШ: АФЗАЛЛИК, УСТУНЛИК, ЭЪТИБОР

✅Куни кеча Тошкент вилояти халқ таълими бошқармаси мутасаддилари ташаббуси билан шаҳар ва туманларда фаолият юритаётган ХТБ МАТ ва ТМФТЭ шўъбалари ҳамда тадбиркорлар билан биргаликда учрашув ташкил қилинди. Ўзбекистон Республикаси Вазирлар Маҳкамасининг 2022 йил 19 майдаги “Давлат умумий ўрта таълим муассасалари ўқувчиларини замонавий ягона мактаб формаси билан таъминлашнинг қўшимча чора-тадбирлари тўғрисида”ги қарори билан Халқ таълими вазирлиги томонидан 2022-2023 ўқув йилидан бошлаб давлат умумий ўрта таълим муассасаларида ўқувчилар учун мактаб формасини тўлиқ жорий этиш тўғрисидаги таклифлар маъқулланди. https://t.iss.one/toshkentvxtb/31272?single

✅Қарорга кўра, 2022-2023 ўқув йилидан давлат мактабларида ўқувчилар учун мактаб формаси тўлиқ жорий этилиши, бунда 2022 йил 10 августдан ҳар бир туман-шаҳарларда мактаб формаси ишлаб чиқарувчиларнинг савдо шохобчалари ташкил этиш. Кам таъминланган оилалар фарзандлари учун мактаб формаси маҳаллий бюджет ҳамда “Темир дафтар”, “Аёллар дафтари” ва “Ёшлар дафтари” жамғармалари маблағлари ҳисобидан сотиб олинишида кўмаклашилади.

✅Ягона мактаб формаси жорий этилишида қандай афзалликлар мавжуд, деган савол туғилиши табиий. Демак,
📌биринчидан, ўқувчилар ўртасида ижтимоий табақалашувнинг олдини олади. Ўқувчилар ташқи кўриниш ва кийимларнинг қимматбаҳолигига қараб эмас, балки синфдошларининг билими, одобига, жамоат ишларидаги фаоллигига кўпроқ эътибор қаратишига эришилади;
📌иккинчидан, ўқувчиларда вазият ва маконга қараб кийиниш маданияти, қолаверса, “кўз-кўз қилиш”, кибрланиш каби иллатларга салбий муносабатни шакллантиради. Уларнинг интизомини мустаҳкамлайди. Таълим-тарбия жараёнидаги кийиниш тартибига амал қилиш орқали ёшлар жамиятдаги тартиб-қоидаларга қатъий амал қилиш кераклигини англайдилар.

✅Муҳим жиҳатларидан яна бири, мактаб формасига амал қилиш ўқувчиларда ҳар кунги кийим танлаш муаммосини ҳал қилади, ота-оналарни фарзанди учун бир неча хил кийимлар олиб бериш билан боғлиқ ортиқча сарф-харажатларининг олдини олади. Бир сўз билан айтганда, янги ўқув йилидан мактаб формасининг тўлиқ жорий этилиши таълим-тарбия жараёнига ижобий таъсир кўрсатади.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰1 сентябрдан ўқувчилар учун ягона мактаб формаси тўлиқ жорий қилинади

⚡️Хабарингиз бор ҳукуматнинг 19 майдаги (271-сонли) қарорига мувофиқ 2022-2023 ўқув йилидан бошлаб, ўқувчилар учун ягона мактаб формасини тўлиқ жорий этишга қарор қилинди. Жорий йилда республикадаги мавжуд барча умум таълим мактабларининг 1 синфдан 10 синфига қадар ягона мактаб формасига ўтилади.

⚡️Эътиборлиси, ҳудудалардаги кам таъминланган, эҳтиёжманд оилалар фарзандларига мактаб формалари харидда кўмаклашилади.

⚡️Тошкент вилояти ҳалқ таълими бошқармаси тасарруфидаги мавжуд мактабларда таҳсил олаётган ўқувчилардан келиб чиқиб, жорий йил 1 июнга қадар ҳудудлар кесимида 2022-2023 ўқув йилида мактаб формаларига эҳтиёжи аниқланди ва шундан келиб чиқиб жараёнлар бошланди. https://t.iss.one/toshkentvxtb/31307

⚡️Шу ўринда эслатиб ўтиш керак, мазкур формаларни тикиш учун мулжалланган корхоналар дастлаб мутасаддилар ва ота-оналар таклифларини инобатга олиб, ўқувчининг ёши, синфига қараб маҳсулот тайёрлашга киришган.
❗️Эслатиб ўтамиз, ягона мактаб формаси хариди учун махсус мактаб ярмаркалари 10 августдан ўз фаолиятини бошлайди.

📸Суратларда Қуйи Чирчиқ туманидаги мактабларда тикув цехлари мутасаддилари ота-оналар ва жамоатчилик билан форма хусусида фикрлар алмашмоқда.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰СЕМИНАР

✅Жорий йил 29 июль куни Халқ таълими вазирлиги ташаббуси билан Тошкент вилояти Бўстонлиқ тумани халқ таълими тасарруфидаги 3-сонли умумтаълим мактабида “2022-2023 ўқув йили учун нашр этиладиган дарсликлар ва ўқув-методик мажмуаларни мактабларда қабул қииб олиш ҳамда ўқувчиларни дарсликлар билан тўлиқ таъминлаш масалалари”га бағишланган Республика амалий семинари ўтказилди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ 🔰КОНСТИТУЦИЯГА КИРИТИЛГАН ЎЗГАРТИРИШЛАР БЎЙИЧА ЖАМОАТЧИЛИК МУҲОКАМАСИ ЯКУНЛАНДИ

❗️30 июль ҳолатига кўра, ўзгартиришлар киритиш тўғрисидаги қонун лойиҳасига киритилган таклифларнинг умумий сони 117,3 мингдан ортиқни ташкил этди.

Бугун, 1 августда Ўзбекистон Конституциясига киритилган ўзгартиришларнинг умумхалқ муҳокамаси якунланди.

Қайд этилишича, қонунчилик палатасининг масъул қўмиталари халқдан келиб тушган таклифларни умумлаштириш, таҳлил қилиш ва қонун лойиҳасини такомилига етказиш борасидаги фаолиятини давом эттиради.

Эслатиб ўтамиз, Ўзбекистон Конститутсиясининг янги таҳрири лойиҳасининг жамоатчилик муҳокамаси 5 июлга қадар, сўнгра 15 июлга қадар давом этди. Кейинроқ, муҳокамани яна 1 августгача узайтиришга қарор қилинди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰Ўқувчиларга мактаб формалари тарқатилди

⚡️Куни кеча Ўрта Чирчиқ тумани ҳокими Ихтиёр Қосимов ташаббуси билан тумандаги 289 нафар "Темир дафтар"да рўйхатда турувчи оилаларнинг фарзандларига "Гавҳархон" оилавий тадбиркорлик корхонасига буюртма асосида тиктирилган мактаб формалари бепул тарзда тақдим қилинди.

🎥Батафсил видеолавҳада томоша қилишингиз мумкин.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰ОЛМАЛИҚ ШАҲРИДАГИ ҚУРИЛИШ-ТАЪМИРЛАШ ИШЛАРИ АМАЛГА ОШИРИЛАЁТГАН УМУМТАЪЛИМ МАКТАБЛАРИ ҲОЛАТИ ЎРГАНИЛДИ

⚡️Аввал хабар берганимиздек, 9 август куни Тошкент вилояти халқ таълими бошқармаси бошлиғи Азамат Камалов вилоят халқ таълими тасарруфидаги манзилли дастурлар асосида қурилиш-таъмирлаш ишлари олиб борилаётган умумтаълим мактабларида бўлди.

⚡️Кун аввалида Оҳангарон туманидаги қурилиш-таъмирлаш ишлари амалга оширилаётган мактаб бинолари ҳолати, янги ўқув йилига тайёргарлик даражасини ўрганган бошқарма бошиғи Олмалиқ шаҳридаги мукаммал таъмирдан чиқарилаётган 14-сонли умумтаълим мактабида бўлди. https://t.iss.one/toshkentvxtb/31778

⚡️Ўзбекистон Республикаси Президентининг 2022 йил 22 январдаги ПҚ 98-сонли қарори асосида мукаммал таъмирдан чиқарилаётган мазкур мактаб 960 ўринли бўлиб, айни кунлар ишлар жадал олиб борилмоқда. Янги ўқув йилига фойдаланишга топширилиши режалаштирилган.

⚡️Бошқарма бошлиғи таъмирланаётган муассаса биносини тўлиқ ўрганиш билан бир қаторда масканда ободонлаштириш ишлари билан танишиб, бир қатор таклиф ва тавсиялар берди. Жумладан, ҳудуддаги мавжуд дарахтларга эътиборли бўлиш ва янги ниҳоллар ўтқазишга кенгроқ аҳамият бериш кераклигини таъкидлади.

⚡️Азамат Камалов шу куннинг ўзида яна Пискент ва Бўка туманларидаги қурилиш-таъмирлаш ишлари амалга оширилаётган мактабларда ҳам бўлди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb