Viloyatimiz hokimi Ulug‘bek Qosimov Sariosiyo tumanida 4,6 mlrd so‘mlik loyiha asosida yangidan qurilgan 180 o‘rinli bog‘cha binosini foydalanishga topshirish tadbirida ishtirok etdi.

Shuningdek, O‘zbekiston yozuvchilar uyushmasi raisi Sirojiddin Sayyid bilan tumandagi 18-sonli maktab faoliyati bilan tanishib, “Otalar yig‘ilishi”da qatnashishdi.

Tashrif davomida “Anorzor” kichik sanoat zonasida yo‘lga qo‘yilgan loyihalar bilan ham tanishildi.

Batafsil: https://surxondaryo.uz/blog/2014

#Surxondaryo #bogcha #yangibino #maktab #Otalaryigilishi #KSZ

Telegram | Facebook | Instagram | YouTube | Web-site | Twitter

Viloyat hokimi Ulug‘bek Qosimovning o‘tgan yili Bandixon tumani Birdamlik mahallasiga tashrifida berilgan topshiriqqa asosan hududdagi tibbiyot maskanini yangidan qurish bo‘yicha loyiha-smeta hujjatlari ishlab chiqilib, Bosh vazirning Surxondaryoga tashrifida taqdimot qilindi. Loyihani amalga oshirish uchun respublika byudjetidan 2,6 mlrd so‘m mablag‘ ajratilib, qurilish ta’mirlash ishlari olib borildi.

Bugun zamonaviy tipda qad rostlagan tibbiyot maskani yangi binosi foydalanishga topshirildi. Tadbirda viloyat hokimi, nuroniylar, tibbiyot xodimlari, soha mas’ullari hamda faollar ishtirok etdi. So‘z olganlar Prezidentimizning aholi salomatligini ta’minlashga qaratayotgan e’tibori sabab Birdamlik mahallasi aholisi ham sifatli tibbiy xizmatdan foydalanish imkoniyatiga ega bo‘lganligini ta’kidlab, buning uchun davlatimiz rahbariga o‘z minnatdorchiliklarini bildirishdi.

Tadbirda, shuningdek, tibbiyot maskanida “Elektron poliklinika” tizimini joriy etish uchun kompyuter jamlanmalari, patronaj hamshiralariga elektroskuterlar va tibbiyot sumkalari ham topshirildi. Viloyat rahbari bu kabi yaratilgan sharoitlardan so‘ng, aholining tibbiy xizmatdan roziligini ta’minlash uchun shifokor va patronaj hamshiralari sidqidildan xizmat qilishlari lozimligini ta’kidladi.

#Surxondaryo #tibbiyot #poliklinika #yangibino

Telegram | Facebook | Instagram | YouTube | Web-site | Twitter