Birinchi O‘zbekiston-Xitoy hududlararo forumi: Surxondaryo viloyatida 2,5 mlrd dollarlik investitsiya loyihalarini amalga oshirish bo‘yicha shartnomalar imzolandi

Xitoyning Shinjon-Uyg‘ur avtonom viloyati Urumchi shahrida birinchi O‘zbekiston-Xitoy hududlararo forumi bo‘lib o‘tdi. Unda viloyatimiz hokimi Ulug‘bek Qosimov rahbarligidagi Surxondaryo delegatsiyasi ham ishtirok etdi.

Forum doirasida o‘tkazilgan “B2B” va “B2G” muzokaralarida Surxondaryo viloyati delegatsiyasi Xitoy tomonining rasmiylari va kompaniyalar rahbarlari bilan hamkorlikni kengaytirish, yangi loyihalarni amalga oshirish bo‘yicha o‘zaro manfaatli 2,5 mlrd dollarlik 25 ta investitsiya loyihalari va 130 mln dollarlik 7 ta eksport kelishuvlarini amalga oshirish bo‘yicha bitim va shartnomalar imzolandi.

Shuningdek, “Xinjiang International Convention & Exhibition Centre” markazida “Made in Uzbekistan” Oʻzbekiston mahsulotlari koʻrgazmasining ochilishi ham boʻlib oʻtdi. Ayni damda Surxondaryo viloyati uchun ajratilgan povilonda vohamizda ishlab chiqarilayotgan sanoat va qishloq xo‘jaligi mahsulotlari, hunarmandchilik, qurilish materiallari, mebel va aksessuarlar namoyish etilmoqda.

Batafsil

#Xitoy #hududlararoforum #shartnomalar #bitimlar #MadeinUzbekistan

Telegram | Facebook | Instagram | YouTube | Web-site | Twitter