#Yangi_mutolaa #kitob

Mutolaani boshlab yubordim🔥

#kitob

Carpe diem guruhimizda navbatdagi muhokama uchun Said Ahmadning „UFQ trilogiyasini“ tanladik.

Kitobni hali sotib olmadim, ammo Mutolaa dan 3 bob oʻqidim.

Juda ajoyib va oddiy xalq tilida yozilgan kitob ekan.

#kitob #2025_yil_uchun
2025-yil uchun oʻqimoqchi boʻlgan kitoblarimdan eng birinchisi.

Kuni kecha sotib oldim kitobni. Birinchi ikki betdan olingan taassurot, kitobni tezroq oʻqi deyapti menga)

#carpe_diem #kitob
Vanihoyat Mixail Bulgakovning „Usta va Margarita“ asarini yakunladim.

Qisqa qilaman, asarni shoshilmasdan oʻqish kerak ekan.

#kitob

Fyodor Dostoevskiy „Jinoyat va Jazo “. Avvaliga kitobni oʻqishdan avval u haqida yozilgan taqrizlar bilan qiziqdim. Kitob janri, psixologik ekan. Bir tanishim aytgan edi, kitobni oʻqigandan soʻng, 1 hafta koʻchaga chiqa olmaganman degan edi. Haqiqatan shunday ekan. Kitobni oʻqish jarayonida hayotimda kulrang fon paydo boʻlgandek boʻldi. Gohida Raskolnikov boʻlib qolamanmi deb qoʻrqdim.

Asar mazmuni:
Asar muallif tomonidan juda ajoyib, hattoki insonni ichki koʻnikmalarigacha yetib bora oladigan holatda yozilgan. Men uchun asar qahramoni, menimcha hammada shunday, albatta Rodion Romanovich Raskolnikov. Sobiq talaba shu bilan birga qashshoq talaba. Uning bu holatga tushishiga oʻzini aybdor deb hisobladim. Qoʻlida bor hunar, yaʼni qoʻlidan keladigan ishga yoʻq, deb tamomila yana shu holatda va yana bundan ham abgor holatda yashaganiga oʻzi mutlaq aybdor. U turadigan hona mudirasining qizini yoqtirib (garchi hunuk boʻlsa ham) keyin uni oʻlimidan keyin, ishni ham tashlagani oʻzini jarga uloqtirgan birinchi ishlaridan biri menimcha. Ammo ikkinchi tomondan Raskolnikov inson uchun qaygʻura oladigan personaj. Chunki bogʻdagi qiz va, Marmeladovga qilgan yordami, unda biroz boʻlsa ham insoniylik hilqati qolganini isbotlaydi. Asarda Raskolnikov tamomila oʻz jinoyatiga iqror boʻlishi juda qiyin boʻldi, hattoki Porfiriy Petrovichning siquvlariga qaramay shuncha payt oʻz aybini yashirdi. Ammo asar soʻngida, uning Marhum Marmeladovning ayoli (gubernatorning qizi) Sonya bilan boʻlgan aloqasi, yani muhabbati unga oʻz aybini tan olishga turtki boʻldi.

Asarni yoqqan va yoqmagan joylaridan parchalar:

* Dunyaning, Svidrigaylovga bir manoda pul uchun, turmushga chiqishni hohlagani meni biroz taʼsirlantirdi. Nahot inson hayotini arzimagan pulga alisha olsa, ammo bir tomondan oʻyladimki u majbur ham edi.

* Raskolnikovning Razumihin tomonidan taklif etilgan kitoblar tarjimasini rad etgani, ahir u shu yoʻldan ketganda balki hayoti yaxshilangan boʻlar edi.

* Va albatta soʻngida „Har qanday jinoyat albatta jazolanishini, garchi u yaxshilik yoʻlida qilingan boʻlsa ham“ degan xulosaga keldim.

Ha shunday qanday Jinoyat qilmang, albatta jazo boʻladi. Garchi bu jinoyat ortidan yaxshilikni koʻzlagan boʻlsangiz ham.

Xulosa: Kitob juda yoqdi, lekin bu asar bir marta oʻqiladigan asar emas ekan, qayta-qayta oʻqish albatta asar mohiyatini yaxshiroq tushunishga yordam bera oladi.

@axadjonsblog

#kitob #carpe_diem

Carpe diem guruhimiz bilan navbatdagi tanlagan kitobimiz Abdulhamid Choʻlponning „Kecha va Kunduz“ romani edi.

Kitob haqida:

Tan olish kerak, asarda badiiylikka yaxshi eʼtibor berilgan. Mukammal lekin sodda boʻlgan soʻzlar bilan asar mazmunini, muallif bizga yetarlicha yetkazib bera olgan.

Asarda ayollarning pastga urilishi, qizlarga qoʻyilgan taqiqlar, rahbar va yordamchilar oʻrtasidagi munosabat, jadidlarning avval qoralangani, keyinchalik esa aynan kitob qahramoni buni tushinib yetgani mukammal yetkazib berilgan.
Shaxsiy fikr:

Toʻgʻri, har bir erkak, oila boshligʻi, ayolini kuni boʻyi uyda oʻtirishini, nomahramlar koʻzidan yiroq boʻlishini hohlaydi.
Ammo kelajakdagi farzand tarbiyasi ham, aynan ayolga bogʻliq. Agar ayol ilmli boʻlsa, farzandlar ham albatta ilmli boʻladi. Ayollarga qoʻyiladigan taqiqlar bilan beriladigan erkinlik oʻrtasidagi Muvozanatni saqlay olgan erkak, kelajakda albatta afsus qilmaydi.
Keyingi masala esa, ayolga boʻlgan eʼtibor.

Tavsiya qilaman

@axadjonsblog

#kitob #mutolaa
„Carpe Diem“ klubimizdagi navbatdagi mutolaamiz Oʻrxon Pomuqning „Mening otim qirmizi“ kitobi boʻladi.

Kitob boʻyicha savol tuzish navbati, bu safar meniki, yangi kitob, aytishlari boʻyicha yangicha janr.

#kitob #mutolaa

Carpe diem guruhimizning navbatdagi tanlovi Ulugʻbek Hamdamning „Toʻrtkoʻcha“ romani boʻldi.
Avvalroq guruhimiz bilan birgalikda mutolaa qilgan „Muvozanat“ romanining mantiqiy davomi ham deyishdi asarni.

Maʼlumot oʻrnida shuni aytish mumkinki, asar qahramonining hayoti yozuvchi hayoti bilan bir hil ekan.

@axadjonsblog

#kitob

Kutubxonam uchun, yangi kitob!