#SIRDARYO_VILOYATI 🚩
#HARAKAT_XAVFSIZLIGI🆘

⛰Xovos tuman Yo‘llardan foydalanish korxonasi davlat muassasasi ishchi-xodimlari tomonidan davlat ahamiyatiga ega bo‘lgan 4R32 “Yangiyer sh. —Paxtakor sh. — Jizzax—Chimqo‘rg‘on avtoyo‘li” avtomobil yo‘lining 0—1-kilometri oralig‘ida Paxtakor va Yoshlar ko‘chasining tutashgan qismiga transport vositalari harakatini tartibga soluvchi svetоfor o‘rnatilib, piyodalar o‘tish yo‘lagini chizish ishlari bajarildi.

✅Telegram | ✅Facebook |📹You Tube 🌐  Website

#BUXORO_VILOYATI🚩

🎉 Romitandagi deyarli 50 yillik ko‘prik qayta qurildi

🏠Mahallalarda aholi kayfiyati va infratuzilma bilan bog‘liq dolzarb tashvish-muammolarni hal etishga qaratilgan loyihalar doirasida keyingi oylarda Romitan tumanidagi 6 ta manzilda yo‘l va ko‘prik ta’miriga alohida e’tibor qaratildi. Jumladan, Sho‘rcha mahallasidan o‘tuvchi 4N 158 rusumli avtomobil yo‘lining 1,5-kilometrdagi ko‘prik ta’mirdan chiqarilib, uning mustahkamligini ta’minlash maqsadida temir-beton quvur o‘rnatish ishlari yakunlangan. Qolaversa, hozirda hududdagi "Istiqlol" mahallasida 4K 166 rusumli avtomobil yo‘lining 6,1- kilometridagi ko‘prikni mukammal ta’mirlash ishlari nihoyalangan.

🇺🇿 Davlatimiz rahbarining tegishli qaroriga muvofiq, joriy yilda birgina tumanda mahallalar infratuzilmasini yanada yaxshilashga doir umumiy qiymati 34 milliard so‘m mablag‘ ajratilgan bo‘lib, aholini tashvishga solayotgan va kechiktirib bo‘lmas manzillarga oid 8 ta infratuzilma loyihasini ro‘yobga chiqarishga kirishilgan.

📈Xususan, hududdagi "Istiqlol" mahallasining qo‘shni Peshku tumani "Guliston" mahallasi bilan bog‘lab turuvchi ko‘prik bundan qariyb 50 yil burun qurilgan bo‘lib, so‘nggi paytda yaroqsiz holatga kelgani bois, qayta rekonstruksiya qilishga muhtoj edi. Maxsus dastur asosida bu ishga qiymati 1,8 milliard so‘m mablag‘ ajratilib, tuman Yo‘llardan foydalanish davlat muassasasi tomonidan qayta qurish ishlari tezkor-sifatli olib borildi.

🚕Kuni kecha mazkur ko‘prikni foydalanishga topshirish tadbirida tuman hokimi Umid Barnoyev boshchiligidagi ma’muriy sektor rahbarlari, jamoatchilik vakillari, mehnat faxriylari, mahalla faollari hozir bo‘ldilar. Ushbu ko‘prik qurilishida jonbozlik ko‘rsatgan yo‘lsoz ishchi-mutaxassislarga minnatdorlik bildirilib, ularga esdalik sovg‘alari topshirildi.

✅Telegram | ✅Facebook |📹You Tube 🌐  Website