#BUXORO_VILOYATI
#YASHIL_MAKON_2024

🗺Shu kunlarda Buxoro avtomobl yo‘llari bosh boshqarmasi tomonidan A380 “G‘uzor–Buxoro–Nukus–Beyneu” avtomobil yo‘lining Buxoro viloyati hududidan o‘tgan 184—201-kilometrlari oralig‘ida yo‘lning ikki tomonida 5 qatordan daraxt ekish ishlari amalgna oshirilmoqda.

⚡️ — Bu hududda kuzgi mavsumda 32 mingta daraxt ekishni rejalashtirganmiz. Buning uchun avvalo, yerni chuqur yumshatish ishlarini bajaryapmiz. Chunki bu yerlar juda qattiq, daraxt ekib, o‘stirish mashaqqat. Qolaversa, sug‘orish tizimini ham puxta o‘ylab chiqib, yechim topdik. Hozirga qadar 1,5 mingga yaqin gujum, tut, jiyda kabi suvsizlikka chidamli, cho‘l hududida o‘sishga mos daraxt ekildi, - deydi boshqarma boshlig‘i Yaxshimurod Cho‘lliyev.

⌛Viloyat hokimi Botir Zaripov amalga oshirilayotgan ishlarni ko‘zdan kechirdi hamda mas’ullarga zarur topshiriq va ko‘rsatmalar berdi.

✅Telegram | ✅Facebook |📹You Tube 🌐  Website

#BUXORO_VILOYATI🚩

📣Shofirkon: "Hazor nur" ziyoratgohiga eltuvchi yoʻl obod qilinmoqda.

✅Telegram | ✅Facebook |📹You Tube 🌐  Website

#BUXORO_VILOYATI🇺🇿

🕓 Joriy yilning aprel oyida Jondor tumanidagi “Po‘loti” MFYdan oqib o‘tuvchi Zarafshon daryosi ustidagi, suv sathidan balandligi 15, eni 20, uzunligi salkam 40 metr masofadagi ko‘prik og‘ir yuk avomashinalari o‘tishi natijasida qulab tushgandi. Albatta, bu yo‘lovchilar, haydovchi va piyodalarning haqli e’tirozlariga sabab bo‘lgan.
🎤 Vazirlar Mahkamasining 2022-yil 24-oktabrdagi 614-sonli qaroriga asosan mazkur ko‘prik yangidan qurilib, aholiga foydalanish uchun топширилди.

🔈 Ko‘prikni ishga tushirish tadbirida tuman hokimligi, ma’muriy sektor rahbarlari, yo‘lsozlar jamoasi, jamoatchilik vakillari, qolaversa, mahalla faollari hozir bo‘ldilar.

🎆 Tadbirda ko‘prik qurilishida ishtirok etgan barchaga minnatdorlik bildirilib, esdalik sovg‘alari berildi. Inshoot ramziy lentasi qirqilgach, yaxshi niyatlar bilan aholi, nuroniy otaxonlar hamda mahalla faollari uchun to‘kin dasturxon yozildi.

⛔ Ta’mirtalab ko‘prikni qayta qurish uchun qiymati 3 milliard 800 million so‘m mablag‘ sarflandi. Qurilish ishlari Buxoro Yo‘llardan muntazam foydalanish davlat muassasasi tomonidan amalga oshirildi. Ahamiyatiga ko‘ra, ushbu ko‘prik o‘z atrofida 6 ta qishloqni birlashtirgan “Po‘loti” mahalla fuqarolar yig‘inida yashovchi 8 ming 500 dan ortiq fuqaro va haydovchilar uchun katta qulaylik yaratmoqda.

✅Telegram | ✅Facebook |📹You Tube 🌐  Website

#BUXORO_VILOYATI🇺🇿
#JARAYON

📣Ichki yo‘llar obod bo‘lmoqda

🚛"Obod xonadon", "Obod ko‘cha", "Obod mahalla" mezonlari asosida Vobkent tumanining "Ko‘liodina" MFYda yangilanish va bunyodkorlik ishlari o‘tgan yildan boshlangandi. 591 ta xonadon, 855 ta oila va 4 mingdan ortiq aholi istiqomat qiladigan mazkur mahalla ahlining talabidan kelib chiqib, qishloqlar ichki ko‘chalarini tartibga solish, yo‘l qurilishi, hudud infratuzilmasini yaxshilash, tabiiy va suyultirilgan gaz, elektr energiyasi, toza ichimlik suvi ta’minotida qator loyihalar amalga oshirilmoqda.

♾ Ko‘cha va qishloq yo‘llarini ta’mirlash va obodonlashtirish ishlari shu kunlarda mahallaning Ko‘liodina va Aravasozlar qishloqlarida davom ettirilmoqda. Hozirda bu qishloqlar ichki yo‘llarini asfaltlashtirish ishlari “Open budjet" loyihasi doirasida 3640 ta ovoz bilan yutib olingan.

🖱 Dasturga muvofiq, bu loyiha amaliyotiga qiymati 1 milliard 300 million so‘m mablag‘ ajratilib, evaziga 3200 metr masofadagi yo‘l qismini asfaltlashtirish maqsad qilingan. Ayni kunda hududda tuman yo‘lsozlari tomonidan yo‘l asosini tekislash, asfaltlashtirish ishlari boshlangan.

✅Telegram | ✅Facebook |📹You Tube 🌐  Website

#BUXORO_VILOYATI🇺🇿
#JARAYON

🇺🇿Buxoro tumani: “Arabxona” va “Ko‘chkisafed” qishloqlarini bog‘lovchi taʼmirtalab koʻprik qayta qurildi

  🎹 4N 163 "Surxon q.- Ko‘chkisafed q. - Navkaz q." avtomobil yo‘lining Buxoro tumani hududi 6-kilometridagi Jondor kanali ustidan o‘tuvchi ko‘prik Arabxona va Ko‘chkisafed qishloqlarini bog‘laydi. Serqatnov qishloq ko‘prigi ogʻir yuk avomashinalari vazniga dosh berolmay ta’mirtalab holga kelib qolgan edi. Albatta, bu yoʻlovchilar, haydovchi va piyodalar uchun havfli vaziyatlarni keltirib chiqarar edi.

  🚛  Mazkur ko‘prik aholi talablaridan kelib chiqqan holda mahallalarda infratuzilma bilan bog‘liq eng dolzarb masalalarni hal etishga qaratilgan chora-tadbirlar manzilli ro‘yhatiga kiritildi hamda yangidan qurilib, kuni kecha aholiga foydalanish uchun topshirildi. 

   🎲 Koʻprikni ishga tushirish tadbirida tuman hokimi Anvarjon Ochilov boshchiligidagi sektor rahbarlari, jamoatchilik vakillari, mahalla faollari hamda yoʻlsozlar jamoasi ishtirok etdilar.

   📍 Taʼmirtalab koʻprikni qayta qurish uchun qiymati 2 milliard soʻmdan ortiq mablagʻ sarflandi.

    🇺🇿 Tadbirda yig‘ilganlar qurilish ishlarini tez va sifatli amalga oshirgan Buxoro Yoʻllardan muntazam foydalanish davlat muassasasi jamoasiga minnatdorlik bildirdilar.

✅Telegram | ✅Facebook |📹You Tube 🌐  Website

#BUXORO_VILOYATI
#OAV_biz_haqimizda

"Бухарский вестник" gazetasining 2024-yil 93-sonida  o‘qing: "АВТОМОБИЛЬНЫЕ ДОРОГИ: экономические артерии страны"

✅Telegram | ✅Facebook |📹You Tube 🌐  Website

#BUXORO_VILOYATI🇺🇿
#JARAYON🔈

⛔ Jondor tumanining 4 mingga yaqin aholisiga ega "Ushot" mahallasining “drayveri” hunarmandchilikdir 712 ta xonadon mavjud mahalla joriy yilda yangi qiyofa kashf etdi. Ta’mirlash-tiklash ishlari bilan birga, aholi xonadonlari va ko‘chalar  tartibga keltirildi, obodonlashtirildi va ko‘kalamzorlashtirildi. 2 kilometr yo‘l qismi ta’mirdan chiqarildi.
   🛑 Bu sa’y-harakatlarga xayrixoh bo‘lgan ushotliklar mahallaning ichki yo‘llarida ayrim yo‘l belgilariga ehtiyoj borligi haqida murojaat bilan chiqishgan edi.
   🚶‍♀Tuman Yo‘llardan foydalanish korxonasi davlat muassasasi tomonidan 16 dona yo‘l belgilari o‘rnatildi.

✅Telegram | ✅Facebook |📹You Tube 🌐  Website

#BUXORO_VILOYATI

📍YANGI KO‘PRIK FOYDALANISHGA TOPSHIRILDI

 🔽  Vobkent tumani "O‘zbakon" mahallasi hududidagi ko‘prik nafaqat Vobkent va Gʻijduvon tumanlarini, balki viloyatimizni Navoi viloyati bilan bog‘lab turadi.

🇺🇿O‘zbekiston Respublikasi Prezidentining 2024-yil 17-iyuldagi 259-sonli maxsus qaroriga asosan mazkur ko‘prik zamonaviy tarzda qayta qurilib, foydalanishga topshirildi. Loyihaviy qiymati 3 milliard so‘m bo‘lgan ushbu inshoot pudratchi tashkilot Romitan Yo‘llardan muntazam foydalanish davlat muassasasi tomonidan yangidan qurildi. Qurilish ishlarida 30 dan ortiq quruvchilar va 20 dan ortiq texnikalar ishlatildi.

⛰Ochilish marosimida Respublikasi ishchi guruhi a’zolari, viloyat hokimi o‘rinbosari, viloyat Avtomobil yo‘llari Bosh boshqarmasi boshlig‘i Yaxshimurod Cho‘liyev tuman hokimligi mas’ullari, mahalla faollari hamda yo‘lsozlar ishtirok etdi.

📈Tadbirda so‘zga chiqqanlar yangi qurilgan ko‘prik xalqqa uzoq yillar mobaynida samarali xizmat qilishini ta’kidladilar. Nuroniy otaxonlar ko‘prikni ochib beruvchi ramziy tasmani kesib, uning birinchi foydalanuvchilari bo‘ldilar. Ochilish davomida yaxshi niyatlar bilan qur’on tilovat qilindi. Ko‘prik qurilishida ishtirok etgan Romitan Yo‘llardan muntazam foydalanish davlat muassasasi xodimlariga tuman hokimligining esdalik sovg‘alari topshirildi.

✅Telegram | ✅Facebook |📹You Tube 🌐  Website

#BUXORO_VILOYATI🇺🇿
#JARAYON⛔

❄️ Sovuq, qorli kunlarda yo‘lsozlar yumushi va mas’uliyati yanada ortadi. Mavsum munosabati bilan Buxoro viloyati avtomobil yo‘llari bosh boshqarmasi hamda uning tuman, shahar bo‘limlari tomonidan maxsus shtablar, yo‘llarni tezkor tozalash brigadalari tashkil etilgan.

🔩 Ma’lumki, yo‘l qoplamasini tozalash, shuningdek, yo‘llarga qum-tuz aralashmasi sepish uchun ixtisoslashtirilgan texnika faol qo‘llaniladi. Bu muz hosil bo‘lishining oldini olishga va baxtsiz hodisalar xavfini kamaytirishga yordam beradi.
Viloyat hududidagi umumfoydalanuvdagi avtomobil yo‘llarini qor va muzlardan tozalash uchun mavjud barcha maxsus texnika vositalari jalb etilgan. Yo‘lsozlar samarali ishlashi uchun zarur ish qurollari bilan ta’minlangan.

📌Erta tongdanoq Buxoro Yo‘llardan muntazam foydalanish davlat muassasasi tomonidan umumfoydalanuv yo‘llarini qor va muz qoldiqlaridan tozalash ishlariga kirishildi.

✅Telegram | ✅Facebook |📹You Tube 🌐  Website

#BUXORO_VILOYATI

⚡️Vobkentda mahallalarning ichki yo‘llari shag‘allashtirilmoqda

⌛Aholiga munosib turmush sharoitini yaratish, hududlarda muhandislik- kommunikatsiya tarmoqlarini yangilash va shay holatda saqlash, obodonlashtirish ishlariga ayni kunda Vobkent tumanida ham e’tibor kuchaytirilgan.

🕓Joriy yilning birinchi yarmi davrida hududda umumiy qiymati 76 milliard so‘mga teng bo‘lgan jami 68 ta loyiha ro‘yobga chiqarilib, yangilangan obyektlar foydalanishga qabul qilingan. Bu haqdagi dalolatnomalari respublika “Open budjet” portaliga yuklangan. Bundan ko‘rinadiki, o‘nlab qishloq xonadonlari va ularda yashayotgan aholi vakillari duch kelayotgan tashvish-muammo, ya’ni yo‘l, elektr energiyasi, gaz, ichimlik suvi kabi ta’minotdagi nuqson va kamchiliklar bartaraf qilingan. 

🔽Bugunga kelib esa tumanning qator qishloqlarida ichki yo‘llar tuman Yo‘llardan foydalanish davlat muassasasi hamda obodonlashtirish boshqarmasi ishchi-mutaxassislari tomonidan shag‘allashtirilmoqda. Bu amaliy ishni o‘z zimmasiga olib, yo‘l solishda jonbozlik ko‘rsatayotgan tuman Yo‘llardan foydalanish davlat muassasasi ishchi-mutaxassislari ish sifati respublika ishchi guruhi hamda hududdagi ma’muriy sektori mutasaddilari tomonidan qoniqarli baholanmoqda. Buni so‘nggi ikki oyda hududdagi "Kosari", "O‘zbakon", "Sariosiyo", "Charmgaron", "Rozmoz", "Qo‘ng‘irot", "Qo‘qin", "Xalach" va "Beshrabot" kabi mahallalarda yo‘l qismlarida olib borilgan shag‘allashtirish va asfaltlashtirish ishlari bilan ham izohlash mumkin.  
 
◾️Tuman yo‘lsozlar jamoasi tomonidan bugunga kelib hududdagi 178 kilometrdan oshiq yo‘l qismiga xizmat ko‘rsatilayotgan bo‘lib, shundan 32 kilometr yo‘l respublika ahamiyatidagi, 147 kilometri esa mahalliy ahamiyatdagi yo‘l hisoblanadi.

✅Telegram | ✅Facebook |📹You Tube 🌐  Website