🚫Ҷиноят дар Тоҷикистон зиёд шудааст

Соли гузашта дар Тоҷикистон 22 ҳазору 315 (соли 2023 – 21 319) ҷиноят ба қайд гирифта шудааст, ки ин дар муқоиса ба соли 2023, 996 ҳолат зиёд мебошад.

Дар ин бора имрӯз Рамазон Раҳимзода, вазири корҳои доххилии Тоҷикистон дар нишасти матбуотӣ хабар дод.

Аз ҷумла:

🔻одамкушӣ ва сӯйиқасд ба ҷон 75 ҳолат,

🔻роҳзанӣ 28 ҳолат,

🔻таҷовуз ба номус 41 ҳолат,

🔻авбошӣ 1 ҳазору 663 ҳолат,

🔻қаллобӣ 3 ҳазору 480 ҳолат,

🔻дуздӣ 3 ҳазору 858 ҳолат,

🔻ғайриқонунӣ нигоҳ доштан ва тайёр кардани силоҳ 31 ҳолат,

🔻тамаъҷӯӣ 61 ҳолат,

🔻муомилоти воситаҳои нашъадор 745 ҳолат

сабт шудааст.

#НишастиматбуотӣАП

✅Бо 😍 бошед: Telegram ✅

🚫 Додгоҳи олӣ номи ҳамлагар ба муфтии Тоҷикистон ва ду ҳамроҳи ӯро эълон кард

Рустам Мирзозода, раиси ин ниҳод имрӯз дар нишасти матбуотӣ аз ҳамлавари ба муфтӣ Муҳаммадрофеъ Иззатуллозода ном бурда, тасдиқ кард, ки ӯ ба 26 соли зиндон маҳкум гардидааст.

Ҳамчунин, Мирзозода аз ду ҳамроҳи ӯ Маҳмадҷон Шодихонов ва Қиёмиддин Файзуллоев ном бурд ва гуфт, ки аввали ба муддати 13 сол ва дуввумӣ ба муҳлати ду сол равонаи зиндон шуданд.

Онҳо бо кадом моддаҳои кодекси ҷиноӣ айбдор шудаанд, дар навори мо муфассал бинед.

Бояд гуфт, ки рӯзи 11-уми сентябр наздикии шом як шахси ношинос дар назди масҷиди марказии шаҳри Душанбе ба Саидмукаррам Абдулқодирзода ҳамла кард, ки дар натиҷа муфтии кишвар дар пешониаш захм бардошт.

Вазорати корҳои дохилӣ он замон гуфт, як нафар аз ҳиссиёти авбошӣ бо корд ба муфтӣ ҳамла карда, тартиботи ҷамъиятиро вайрон кард ва бар зидди ӯ “парвандаи ҷиноятӣ” боз кардаанд.

Ду нафари дигар кай ва чӣ гнуа боздошт шудаанд, маълум нест.

#НишастиматбуотӣАП

✅Бо 😍 бошед: Telegram ✅

🚫Рустам Мирзозода, раиси Додгоҳи олии Тоҷикистон имрӯз дар нишасти хабарӣ гуфт, дар бораи қабули қонуни афв маълумот надорад ва ҳеҷ пешниҳоде ҳам дар ин масъала ба ниҳоди онҳо ворид нашудааст.

🔻Мирзозода ҳамчунин гуфт, ки соли гузашта чор додрас (судя) ба далели содир кардани рафторе, ки шаъну шарафи судяро паст мезанад, ба ҷавобгарӣ кашида шуда, аз мансабҳои худ барканор гардиианд.

🔻Раиси Додгоҳи олӣ дар идома гуфт, ки дар соли гузашта ягон "ҳукми сафед" аз ҷониби додгоҳҳои кишвар содир нашудааст.

#НишастиматбуотӣАП

✅Бо 😍 бошед: Telegram ✅

❗️Корбарони гиромӣ!

📆 Пагоҳ, 14-уми феврал ниҳодҳои зерин нишасти матбуотӣ баргузор мекунанд:

🏛 Дотситонии кул;

🏯 Оҷонсии зиддифасод;

🏦 Вазорати молия;

❓ Агар шумо ба ин мақомот савол дошта бошед, метавонед онҳоро тавассути мо – хабарнигорони "Азия-Плюс" пешниҳод кунед. Саволҳои худро дар шарҳ нависед.

Ҳайати таҳририяи "Азия-Плюс" аз миёни саволҳо муҳимтарин ва мубрамтаринашро барои пешниҳод ба мансабдорон интихоб мекунанд.

Мо ҳар рӯз дар саҳифаҳои худ дар шабакаҳои иҷтимоӣ номи ниҳодҳое, ки рӯзи дигар нишаст мегузаронанд, нашр мекунем, то шумо огоҳ бошед ва саволҳои худро пешниҳод кунед.

#НишастиматбуотӣАП

✅Бо 😍 бошед: Telegram ✅

⚡️Рустам Мирзозода, раиси нави Додгоҳи олии Тоҷикистон ҳукми Рухшона Ҳакимова, рӯзноманигори тоҷик, ки бо гуноҳи “хиёнат ба давлат” ба 8 соли зиндон маҳкум шуд, ба гурӯҳи “ҷиноятҳои махсусан вазнин” шомил донист ва гуфт, ки қонунгузорӣ ба таъхир гузоштани иҷрои онро пешбинӣ накардааст.

Бештар дар навор бинед.

#НишастиматбуотӣАП

✅Бо 😍 бошед: Telegram ✅

⚡️Соли 2024 дар Тоҷикистон садама зиёд ва сӯхтор камтар шудааст

Дар Тоҷикистон давоми соли гузашта 1 ҳазору 233 садамаи нақлиётӣ ба қайд гирифта шудааст. Ин дар муқоиса бо соли 2023, 122 маротиба (соли 2023 – 1 ҳазору 111 садама) бештар будааст.

Дар ин бора имрӯз, 13-уми феврал дар нишасти хабарии Вазорати корҳои дохилии кишвар иттилоъ доданд.

Ба гуфтаи ин ниҳод, дар пайи ин ҳодисаҳо 552 нафар (соли 2023 – 519 кас) ҷон бохта, 1 ҳазору 353 нафар ҷароҳат бардоштаанд.

Ҳамчунин, дар ВКД гуфтанд, ки соли 2024 дар кишвар 1 ҳазору 175 сӯхтор сар зад, ки дар натиҷаи онҳо 17 нафар, аз ҷумла, 11 ноболиғ ҷони худро аз даст додаанд. Соли 2023 1 ҳазору 269 сӯхтор рух дода, дар онҳо 23 нафар ба ҳалокат расида буданд.

Тавре ки дар ВКД гуфтанд, сӯхторҳои соли 2024, 43 милиону 822 ҳазор сомонӣ зарар расонидаанд.

#НишастиматбуотӣАП

✅Бо 😍 бошед: Telegram ✅

🚫Оҷонсии зиддифасоди Тоҷикистон мегӯяд, соли гузашта дар натиҷаи гузаронидани 484 санҷиши молиявӣ дар вазорату идора ва дигар ниҳодҳои кишвар 425,7 миллион сомони зарари молиявӣ ошкор кардааст.

Сулаймон Султонзода, директори Оҷонсии мазкур имрӯз, 14-уми феврал дар нишастти матуботӣ гуфт, ки аз ин маблағ 411,9 миллион сомонӣ ба буҷаи давлат баргарддонида шудааст.

Султонзода изҳор дошт, ки ба ғайр аз ин, кормандони ин ниҳод аз ҳисоби ҷаримаҳои маъмурӣ 87,9 миллион сомонии дигар ба будҷаи давлат фоида овардаанд.

Директори Оҷонсии зиддифасод гуфт, дар умум фоидае, ки кормандони ин ниҳод соли 2024 ба давлат овардаанд, 513 миллион сомониро ташкил медиҳад. Аз ин ҳисоб 384 миллиони он ба буҷет ва 115,8 миллион ба фоидаи ташкилоту муассисаҳои давлатӣ ва шаҳрвандон будааст.

#НишастиматбуотӣАП

✅Бо 😍 бошед: Telegram ✅