❗️Паймона Назарова, ки 11 рӯз бедарак буд, ёфт шудааст

Раёсати корҳои дохилӣ дар Хатлон эълон кард, ки Паймона Назарова, сокини 16-солаи ноҳияи Фархор пас аз 11 рӯзи бедаракшавӣ пайдо шудааст.

Ин ниҳод рӯзи 22-юми август гуфт, ин ноболиғ, ки аз 10-уми август дар ҷустуҷӯ қарор дошт, аз сӯйи пулиси Данғара ёфт ва ба модараш супурда шуд.

Мақомот бидуни пешниҳоди маълумоти бештар ба касоне, ки дар ёфтани ин духтар кумак кардаанд, сипос гуфтаанд.

Раёсати корҳои дохилӣ дар Хатлон қаблан аз гум шудани Паймона Назарова хабар дода, аз сокинон барои ёфтанаш кумак хоста буд. Сабаби бедарак шудани ин наврас маълум нест.

📸: Пулиси Хатлон

⏺Хабарҳои бештар ➡️Telegram ва MAX

❗️Бунёди биноҳои “осмонбӯс”. Тоҷикистон таҷҳизоте харидааст, ки мустаҳкамии биноҳои аз 75 ошёна болоро ташхис мекунад

Оё дар Тоҷикистон сохтмони биноҳои баландошёна имконпазир аст?

ИН ҶО ХОНЕД

❓Дар ҳавои гарм чӣ хӯрдану чӣ нӯшидан лозим нест?

Муфассал

#СОҲИБҶАШН

Рустам Азизӣ, низоъшиноси тоҷик ва коршиноси масоили динӣ 40-сола шуд.

Ӯ аз коршиносони ҷавону фаъоли тоҷик аст, ки дар мавзӯъҳои доғ, аз ҷумла масоили сиёсӣ, динӣ ва мубориза бо даҳшатафканӣ пажӯҳиш карда, даҳҳо мақола ва маҷмуаҳои илмӣ навиштааст.

Азизӣ аз камтарин коршиносон аст, ки бо расонаҳо мунтазам ҳамкорӣ карда, дар бораи масоили гуногун, аз ҷумла фаъолияти расонаҳо ва матолиби нашркардаи онҳо, андешаро баён ва онро нақд мекунад.

Ӯ факултети забонҳои шарқии Донишгоҳи давлатии Хуҷандро хатм карда, фаъолияти меҳнатиашро дар ҳамин боргоҳ оғоз кардааст.

Соли 2012 ба Институти фалсафа, сиёсатшиносӣ ва ҳуқуқи Академияи илмҳо ба кор гузашта, соли 2015 муовини директори Маркази исломшиносӣ таъйин шуд. Азизӣ то соли 2023 дар ин мансаб буд.

Ҳоло ба пажӯҳиш машғул аст. Ӯ ҳамчунин яке аз фаъолони ҷомеаи шаҳрвандӣ буда, андешаҳои худро вобаста ба масоили доғ дар шабакаҳои иҷтимоӣ иброз медорад.

"Тоҷикистон дар пешорӯйи чолишҳои ифротгароӣ” охирин китоби ӯ аст, ки дар ҳаммуалифи бо Шералӣ Ризоён навиштааст.

Ӯ ҳамчунин, дар тарҷума ва баргардони намунаҳое аз мероси ниёгон, аз ҷумла, бахшҳое аз "Китобу-ш-шифо"-и Ибни Сино (Хитоба, Ҷадал), "Саводу-п-азам"-и Ҳакими Самаркандӣ, "Шаҷараномаи мансуб ба Мирсаид Алии Ҳамадонӣ" (дар хамақалами бо Ф. Баротзода) саҳм гузоштааст.

⏺Хабарҳои бештар ➡️Telegram ва MAX

🌤 ВАЗЪИ ҲАВО БАРОИ 23 АВГУСТИ СОЛИ 2026

☀️Дар вилояти Суғд – Ҳавои тағйирёбандаи бебориш пешгӯӣ мешавад. Ҳарорат: дар водиҳо рӯзона 29+34º гарм, шабона 17+22º гарм, дар ноҳияҳои кӯҳӣ рӯзона 21+26º гарм, шабона 7+12º гарм.

☀️Дар вилояти Хатлон – Ҳавои тағйирёбанда пешгӯӣ шуда, рӯзона бебориш дар назар аст. Дар баъзе ноҳияҳо гарду ғубор пешгӯӣ мешавад. Ҳарорат: дар водиҳо рӯзона 34+39º гарм, шабона 19+24º гарм, дар ноҳияҳои доманакӯҳӣ рӯзона 27+32º гарм шабона 16+21º гарм. 

☀️Дар шаҳру ноҳияҳои тобеи ҷумҳурӣ – Ҳавои тағйирёбанда пешгӯӣ шуда, дар ноҳияҳои алоҳида борони кӯтоҳмуддат дар назар буда, дар баъзе ноҳияҳои кӯҳӣ шиддат мегирад ва эҳтимоли раъду барқ дар назар аст. Дар ноҳияҳои алоҳида гарду ғубор пешгӯӣ мешавад. Ҳарорат: дар водиҳо рӯзона 32+37º гарм, шабона 17+22º гарм, дар ноҳияҳои кӯҳӣ рӯзона 28+33º гарм, шабона 10+15º гарм.

☀️Дар Вилояти Мухтори Кӯҳистони Бадахшон – Ҳавои тағйирёбанда пешгӯӣ шуда, дар ноҳияҳои алоҳида борони кӯтоҳмуддат меборад. Ҳарорат: дар ғарби вилоят рӯзона 25+30º гарм, дар баъзе ноҳияҳо то 33+35º гарм, шабона 14+19º гарм, дар баъзе ноҳияҳо то 22+24º гарм, дар шарқи вилоят рӯзона 14+19º гарм, шабона 3+8º гарм.

☀️Дар шаҳри Душанбе – Ҳавои тағйирёбанда, шабона борони кӯтоҳмуддат борида, эҳтимоли раъду барқ дар назар аст ва гарду ғубор пешгӯӣ мешавад. Ҳарорат: рӯзона 32+34º гарм, шабона 18+20º гарм.

☀️Дар шаҳри Хуҷанд – Ҳавои тағйирёбанда, рӯзона бебориш пешгӯӣ мешавад. Ҳарорат: рӯзона 29+31º гарм, шабона 18+20º гарм.

☀️Дар шаҳри Бохтар – Ҳавои тағйирёбандаи бебориш пешгӯӣ шуда, гарду ғубор дар назар аст. Ҳарорат: рӯзона 35+37º гарм, шабона 21+23º гарм.

☀️Дар шаҳри Хоруғ – Ҳавои тағйирёбанда пешгӯӣ шуда, борони кӯтоҳмуддат меборад. Ҳарорат: рӯзона 25+27º гарм, шабона 20+22º гарм.

☀️Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 23 августи соли 2026

Ҳамаи рӯйдоди муҳими таърихи имрӯз дар чанд сатр.

♦️ЭЪЛОНИ ЧОРАБИНИҲОИ 23 АВГУСТ

♦️ЯК РӮЗИ ТАЪРИХ – 23 АВГУСТ

♦️МАВЛУДИ ШАХСИЯТҲО

♦️САНАҲОИ МУҲИМИ ҶАҲОНӢ

♦️ВАЗЪИ ҲАВО БАРОИ 23 АВГУСТ

Ин ҳамаро дар матлаби мо хонед. ⤵️

⚽️ Голи футболбози "Хуҷанд" аз ҳудуди 60 метр ба дарвозаи "Равшан"

🏟 Давронҷон Эргашев, муҳофизатгари дастаи "Хуҷанд"-и шаҳри Хуҷанд тақрибан аз 60 метр ба дарвозаи тими "Равшан"-и шаҳри Кӯлоб гол зад.

Ин голи зебо дар бозии аввали даври нимниҳоии Ҷоми Тоҷикистон, ки бо ҳисоби 1 бар 3 ба фоидаи "Хуҷанд" анҷом ёфт, зада шуд.

Набарди "Равшан"-у "Хуҷанд" рӯзи 22-юми август дар Варзишгоҳи марказии Душанбе сурат гирифт.

❗️Роҳбурди нави Тоҷикистон барои таъмин бо сӯзишворӣ: Русия манбаъи асосӣ аст, аммо Эрон ҷойгузин мешавад

Доир ба нақшаҳои кӯтоҳмуҳлат ва дарозмуҳлати Тоҷикистон барои воридоти маводи сӯхт.

Муфассал

💢Боздошти се нафар бо гумони оташ задани бозори Ҳисор дар соли 2023

Вазорати корҳои дохилӣ (ВКД) аз боздошти се мард хабар дод, ки ба қасдан оташ задани Бозори масолеҳи сохтмонии шаҳри Ҳисор дар соли 2023 гумонбар мешаванд.

Ин ниҳод рӯзи 22-юми август аз гумонбарон Далер Солизода ва Алишер Ортиқов (Артиков)-и 35-сола, ҳамчунин, Муҳиддин Муҳаммадов (Мухаммедов)-и 34-сола ном бурда, гуфт, ки ҳарсе сокинони шаҳри Ҳисоранд.

Ба гуфтаи манбаъ, Далер Солизода ба далели хусумати шахсӣ бо як соҳибкори бозори мазкур, бо ҳамсинфаш Алишер Ортиқов нақшаи оташ задани бозорро тарроҳӣ карда, барои анҷоми ин кор Муҳиддин Муҳаммадовро ҷалб кардаанд. ВКД афзудааст, ки Муҳаммадов баъди оташ задани бозор аз Солизода ба воситаи Ортиқов 15 ҳазор сомонӣ гирифтааст.

Муҳаммадов дар як навори ВКД, ки маълум нест таҳти чӣ шароите сабт шудааст, гуфтааст, ки “як резинаки пластмас”-ро оташ зада, дар канори бозор гузоштааст, ки ин сабаби сар задани сӯхтор шудааст.

Назари ҳарсе гумонбар ва пайвандонашон дар робита ба ин қазия ба расонаҳо дастрас нест.

Ҳоло алайҳи онҳо бо гумони “қасдан несту нобуд кардани молу мулк” (моддаи 255-и КҶ) парвандаи ҷиноӣ оғоз шудааст.

Оташсӯзӣ дар Бозори масолеҳи сохтмонии шаҳри Ҳисор рӯзи 31-уми августи соли 2023 рух дода, 400 метри мураббаъро фаро гирифта буд. Он вақт ВКД сабаби ин сӯхторро “расиши кӯтоҳи ноқилҳои барқӣ байни растаҳои чӯбу тахта” номид. Дар пайи ин воқеа, ба иттилои расмӣ, соҳибкорони бозор 12 миллиону 820 ҳазор сомонӣ зарар дидаанд.

Ин аз камтарин мавридҳоест, ки мақомот қасдан оташ зада шудани як бозорро эълон мекунанд.

⏺Хабарҳои бештар ➡️Telegram ва MAX

📆 ЯК РӮЗИ ТАЪРИХ - 23 АВГУСТ

Соли 2001 – Тарҳи Қонуни “Дар бораи афву бахшиши умумӣ” тасдиқ шуд, ки тибқи он 19 ҳазор нафар аз зиндону боздоштгоҳҳо ва таъқиби ҷиноятӣ озод шуданд.

Соли 2010 – Аз боздоштгоҳи Кумитаи амнияти миллӣ дар маркази шаҳри Душанбе 25 маҳбус фирор карданд, ки миёни онҳо панҷ шаҳрванди Русия, чор шаҳрванди Афғонистон, ду шаҳрванди Узбакистон ва 14 шаҳрванди Тоҷикистон буданд. Бо гузашти бештар аз як сол ҳамаи фирориён боздошт ё кушта шуданд.

Соли 2010 – Дар ҷануби шаҳри Душанбе, наздикии пойгоҳи низомии 201-уми Русия кӯшиши амали террористӣ пешгирӣ шуд.

Соли 2019 – Тарҳи муосирсозии Нерӯгоҳи барқи обии “Қайроққум” оғоз ёфт.

Соли 2019 – Дар мавзеи шаҳри қадимии Карони Дарвоз таҳқиқотгарон расадхонае пайдо кардаанд, ки эҳтимол,  то асри 15-и мелодӣ фаъолият мекардааст.

Соли 2020 – Ҳизби демократ номзадии Саидҷаъфар Усмонзода, раиси пешини ин ҳизб ва собиқ вакили порлумонро ба мақоми раисҷумҳури Тоҷикистон пешниҳод кард.

Усмонзода моҳи июли соли 2024 боздошт гардид ва моҳи феврали соли 2025 барои бо зӯроварӣ ғасби ҳокимият бо истифода аз мақоми хидматӣ, хиёнат ба давлат, барангехтани кинаю адоват ё низои иҷтимоӣ, нажодӣ, миллӣ, маҳалгароӣ ё динӣ, иштирок дар фаъолияти ҳизбҳои сиёсӣ, иттиҳодияҳои ҷамъиятӣ, динӣ…, ҳамчунин қаллобӣ гунаҳкор дониста шуда, ба 27 сол зиндон маҳкум шуд.

⏺Хабарҳои бештар ➡️Telegram ва MAX

❓Чӣ бояд кард, агар...

❓Чӣ бояд кард, агар дар бораи ба нафақа саволе доред?
ПОСУХ ИН ҶОСТ

❓Чӣ бояд кард, агар дар роҳ танбашавии нақлиёт ба миён омад?
ПОСУХ ИН ҶОСТ

❓Чӣ бояд кард, агар аз мушкиле дар соҳаи маориф шикоят карданиед ва ё пешниҳоде доред?
ПОСУХ ИН ҶОСТ

❓Чӣ бояд кард, агар дар болобар (лифт) дармондед?
ПОСУХ ИН ҶОСТ

❓Чӣ бояд кард, агар дар нақлиёти ҷамъиятӣ аз меъёр зиёд мусофир савор карданд?
ПОСУХ ИН ҶОСТ

❓ Мушкиле доред ва намедонед чӣ бояд кард? Ба мо нависед.
——-
❗️Агар шумо шоҳиди рӯйдоду ҳодисаи муҳиме шудед, аз он ба мо акс, навор ва маълумот фиристед. Барои ирсоли паём тугмаи поёнии гӯшаи рости саҳифаи моро пахш кунед. 💬

#Чӣбоядкард

⏺Хабарҳои бештар ➡️ Telegram ва MAX

❓Балети тоҷик бе ҳунарпешаи мард мемонад. Чаро дар Тоҷикистон раққос будан душвор аст?

Мутахассисон мегӯяд, бархурди ҷомеа яке аз омилҳои аслии дилсардии ҳунарпешаҳои мард аст.

МУФАССАЛ

⚽️Бонувони "Артиш" марҳилаи интихобии Ҷоми Осиёро бо шикасти бузург аз "Ан-Наср" ба охир расонданд

🇹🇯🇸🇦Дастаи футболи бонувони "Артиш" (КМВА)-и Тоҷикистон дар бозии охири марҳилаи интихобии Ҷоми Осиё-2026/27 аз тими "Ан-Наср"-и Арабистони Саудӣ бо ҳисоби бузурги 0:12 шикаст хӯрд.

Ин дидор шоми 23-юми август дар Варзишгоҳи марказии шаҳри Ҳисор баргузор шуд.

Артишиҳо ҳамроҳ бо дастаҳои "Хотуни Бам"-и Эрон, "Ал-Иттиҳод"-и Урдун ва Ан-Наср"-и Арабистон дар гурӯҳи “Е” қарор доштанд.

Пас аз се даври рақобатҳо, ки аз 17 то 23-юми август дар Ҳисор сурат гирифтанд, "Хотуни Бам"-и Эрон бо 7 имтиёз аз ин гурӯҳ ба марҳилаи асосии Ҷоми Осиё роҳ ёфт. Дастаҳои дигар аз идомаи мусобиқа маҳрум шуданд.

Дастаи "Артиш"-и шаҳри Душанбе барои аввалин бор дар марҳилаи муқаддамотии Ҷоми Осиё ширкат карда, бо бохт дар ҳама бозиҳо натавонист ба Ҷоми Осиё роҳ ёбад. Ин тим дар даври аввал аз "Хотуни Бам" бо натиҷаи 5:0 ва аз "Ал-Иттиҳод" бо ҳисоби 5:1 шикаст хӯрда буд.

Ягона голи бонувони "Артиш"-ро дар марҳилаи интихобии Ҷоми Осиё Сайёра Саидова зад .

📸: ТВ "Варзиш"

⏺Хабарҳои бештар ➡️Telegram ва MAX