#Чӣбоядкард

Чӣ бояд кард, агар низоми гармдиҳӣ кор намекунад❓

📣 Агар дар кори низоми гармдиҳии манзили шумо мушкиле ҳаст ва ё он корношоям шудааст, метавонед ба ситодҳои фаврии доимоамалкунанда дар ҳукумати шаҳр ва мақомоти ҳокимияти давлатии ҳамаи ноҳияҳои пойтахт муроҷиат намоед.

Ҳамаи арзу шикояти марбут ба ҳолати шабакаҳои гармидиҳӣ то нуқтаи интиқол (элеватор)-и хонаи мушаххас тариқи ☎️ хадамоти диспетчерӣ 231-75-01 ва 231-32-79, инчунин шабонарӯзӣ бо телефонҳои 932016127 ва 933001524 қабул карда мешаванд.

❗️Дар ҳамин ҳол, бояд донист, ки бартараф намудани нуқсу носозиҳо дар низоми гармидиҳии бино ва таҷҳизоти гармидиҳии дохили хона аз ҳисоби соҳибони манзил иҷро карда мешавад.

Мушкиле доред ва намедонед чӣ бояд кард? Ба мо нависед!

#Чӣбоядкард
❓Чӣ бояд кард, агар дар мактаб шуморо озор медиҳанд?

🏫 Агар дар мактаб мавриди озор ё булинг қарор гирифтед ва ё шоҳиди он шудед, фавран ба омӯзгорон, волидон, директор ва ё равоншиноси мактаб муроҷиат кунед. Ин барои амнияти шумо ва дӯстонатон  бисёр муҳим аст.

Омӯзгорон ва волидон дар ҳолати мустақилона наёфтани роҳи ҳал, метавонанд тариқи рақамҳои 221 79 89, 221 79 69  [email protected] ба Ваколатдор оид ба ҳуқуқи инсон ё намояндагии он дар минтақаҳо ва ё ВКД (221-87-20; 227-67-00) муроҷиат намоянд.

☎️ Рақамҳои дигари ниҳоди масъул:

Намояндагии Ваколатдор оид ба ҳуқуқи инсон дар минтақаҳо:

Хоруғ (ВМКБ): к. Ленин, 25, + (8) 3522-2-32-84, [email protected]

Хуҷанд (Суғд): к. Фирдавсӣ, 120, ошёнаи 4, + (8) 3422-6-28-68, [email protected]

Бохтар (Хатлон): к. Б.Ғафуров, 11, + (8) 3222-2-79-32, [email protected]

Кӯлоб (Хатлон): хиёбони И. Сомонӣ, 36, ошёнаи 4, ҳуҷраи 42, + (8) 3322-2-22-93, [email protected]

Турсунзода (НТҶ): к. И.Сомонӣ, 37, + (8) 3130-2-85-10, [email protected]

Исфара (Суғд): к. Марказӣ, 10, + (8) 3462-2-78-82, [email protected]

Айнӣ (Суғд): к. Рӯдакӣ, 37, (ошёнаи 2), + (992) 92-707-06-65, [email protected]

Рашт (НТҶ): шаҳраки Ғарм, к. И.Сомонӣ, 42, + (8) 3131-2-14-13, [email protected]

Қабодиён (Хатлон): к. И.Сомонӣ, 36, + (8) 3251-2-26-35, [email protected]

Вазорати корҳои дохилӣ:
(+992 37) 221-86-76, почтаи электронии [email protected].

Мушкиле доред ва намедонед чӣ бояд кард? Ба мо нависед!

#Чӣбоядкард
Чӣ тавр метавон РМА-и электронӣ гирифт❓

Доштани РМА барои ҳар як шаҳрванди болиғ ҳатмист. РМА-и электрониро метавон тавассути сомонаи Кумитаи андоз - andoz.tj ба даст овард.

Барои ин ба сомонаи andoz.tj ворид шуда, тугмаи “Шахсони воқеӣ, баъд “Баҳисобгирии РМА”-ро интихоб кунед. Дар равзанаи кушодашуда мебояд ному насаби гирандаи РМА, ном ва насаби падар ё модари ӯ, номи мақомоти андози маҳалли истиқомат, ҷинсият, санаи таваллуд ва навъи ҳуҷҷати тасдиқкунандаи шахсият ва рақаму санаи он, акси шахсӣ бо ҳуҷҷати тасдиқкунанда ва нусхаи шаҳодатнома ё шиносномаро боргузорӣ намуда, суроғаи ҷойи зист ва рақами телефону суроғаи электронии худи гирандаи РМА ё волидони ӯ ва маълумот дар бораи падар ё модарашро ишора кардан лозим аст. Воқеан, боргузории акси “ҳуҷҷати иловагӣ” ҳатмӣ набуда, шаҳрвандон метавонанд ҳуҷҷатеро, ки барои тасдиқи шахсияташон дуруст мешуморанд, илова кунанд. Масалан, акси шиносномаи яке аз волидонашонро.

Бо ҳамин дархости шумо барои баррасӣ қабул шуда, ҷавоби он тариқи СМС-паёмак ба телефони ишорашуда фиристода мешавад. Ҳангоми рад гардидани дархост, дар паёмак асосҳои қабул нашудани дархост навишта мешавад ва шаҳрванд метавонад номутобиқативу хатоҳои ҷойдоштаро ислоҳ намуда, дубора дархост фиристад. Дар ҳолати қабули он бошад, РМА фиристода шуда, шакли тасдиқшудаи гувоҳнома дар бораи гирифтани РМА дар шакли PDF ба почтаи шумо ирсол мегардад.

Мушкиле доред ва намедонед чӣ бояд кард? Ба мо нависед!

❓Чӣ бояд кард, агар барқро хомӯш карданд?

💡Ҳангоми қатъи барқ ва ё дигар мушкили ба он вобаста, метавонед ба ☎️рақамҳои боварии “Шабакаҳои тақсимоти барқ” дар шаҳри Душанбе - 446101818 -н. Сино ва 446506600 - се ноҳияи дигари пойтахт, муроҷиат кунед.

Мушкиле доред ва намедонед чӣ бояд кард? Ба мо нависед!

#Чӣбоядкард

❓Чӣ бояд кард, агар бо нақзи ҳуқуқи инсон рӯ ба рӯ шудед?

Ҳангоми нақзи ҳуқуқҳоятон, дучори табъиз ё нобарорӣ шудан ва ё ниёз ба машварати ҳуқуқӣ метавонед бо ариза ба Ваколатдор оид ба ҳуқуқи инсон муроҷиат намоед.

Ба Ваколатдор дар давоми як соли баъди поймол шудани ҳуқуқу озодӣ ё аз рӯзе, ки поймол шудани ҳуқуқҳо маълум гаштааст, метавон шикоят кард.

📄Аризаи шикоятӣ ба Ваколатдор танҳо пас аз муроҷиат ба мақомоти дигар қабул карда мешавад. Онро метавонед дар шакли хаттӣ бо зикри маълумоти дар экран буда ба почтаи электронӣ - [email protected] ё бевосита ба идораи Ваколатдор дар Душанбе ва минтақаҳо пешниҳод намоед.
📍Суроғаи идораҳои Ваколатдор оид ба ҳуқуқи инсон:

- ш. Душанбе, кӯчаи Бохтар 10; [email protected]
- ш. Хоруғ (ВМКБ): к. Ленин 25; [email protected]
- ш. Хуҷанд (в. Суғд): к. Фирдавсӣ 120 ошёнаи 4; [email protected]
- ш. Бохтар (в.Хатлон): к.Б. Ғафуров 11; [email protected]
- ш. Кӯлоб (в. Хатлон): Хиёбони И.Сомонӣ 36, ошёнаи 4, утоқи 42; [email protected]
- ш. Турсунзода (ШНТҶ): к. И. Сомонӣ, бинои 37; [email protected]
- ш .Исфара: к Марказӣ, 10; [email protected]
- н. Айнӣ: к. Рӯдакӣ 37 (ошёнаи 2); [email protected]
- н. Рашт (ШНТҶ): шаҳраки Ғарм, к. И.Сомонӣ 42; [email protected]
- н. Қубодиён: к.И. Сомонӣ,36; [email protected]

Ҳамчунин, ба Ваколатдор метавон телефонӣ - 2217989, 2217969 низ муроҷиат намуд.

Агар шоҳиди нақзи ҳуқуқи кӯдак шудед, метавонед бевоста ба Ваколатдор оид ба ҳуқуқи кӯдак - 221-46-92, [email protected] [email protected] муроҷиат кунед.

Тамоми хизматрасониҳои ваколатдор ройгон аст.

Мушкиле доред ва намедонед чӣ бояд кард? Ба мо нависед!

#Чӣбоядкард

❓Чӣ бояд кард, агар шоҳиди қоидавайронкунӣ дар роҳ шудед?

🚗Ҳангоми шоҳиди вайрон кардани қоидаҳои роҳ аз ҷониби иштирокчиёни ҳаракат, аз ҷумла таваққуфи нодуруст ва риоя накардан ба аломатҳои роҳ, шудан, метавонед навор гирифта тариқи Телеграм - +992 939 222 111 ба сомонаи ВКД ирсол кунед.

Мушкиле доред ва намедонед чӣ бояд кард? Ба мо нависед!

#Чӣбоядкард

❓Чӣ бояд кард, то аз шӯшаҳои овезони бомҳо ва афтиши барфи обшуда эмин монд?

❄️Барои дар ҳавои сарду барфии зимистон аз афтиши шӯшаву барфҳои обшуда ҳифз намудани худ ва наздиконатон, мувофиқи тавсияи Кумитаи ҳолатҳои фақулодда ва мудофиаи граждании назди Ҳукумати Ҷумҳурии Тоҷикистон, ба ҳолати бомҳо таваҷҷуҳ намоед:

- аз рӯйи имконият канори бомҳои биноҳои истиқоматиро аз шӯаву яхпораҳо тоза кунед;

- дар зери боми хонаҳо, ки шӯшаҳо овезонанд ё эҳтимолияти афтидани барф мавҷуд аст, наистед. Агар чунин зарурат пеш омад, кӯшиш намоед аз зери бом ба зудӣ бигзаред;

Ҳангоми мушоҳида кардани шӯшаҳо ва яхпораҳои овезон ё тӯдаи барф дар бому роҳравҳо метавонед тариқи рақамҳои ☎️(37) 233-53-37 ба Корхонаи воҳиди давлатии “Хоҷагии манзилию коммуналӣ”-и кишвар хабар диҳед. Кормандони хадамоти коммуналӣ масъуланд, ки ба иттилои шумо вокуниш нишон диҳанд.

Мушкиле доред ва намедонед чӣ бояд кард? Ба мо нависед!

#Чӣбоядкард

❓Чӣ бояд кард, агар обҳисобкунак кор намекунад?

Дар ҳолати аз кор баромадан ё фарсуда шудани обҳисобкунакҳо шумо метавонед барои иваз кардани онҳо ба Корхонаи «Обу корези Душанбе» - 2222033 ☎️муроҷиат кунед.

🧊Ҳамчунин, мувофиқи тавсияи ин ниҳод, дар фасли сармо кӯшиш намоед обҳисобкунакҳои худро дар ҷойи гарм нигоҳ доред.

Мушкиле доред ва намедонед чӣ бояд кард? Ба мо нависед!

#Чӣбоядкард

❓Чӣ бояд кард, агар шоҳиди фурӯш ва ё истифодаи ғайриқонунии маводи тарфгарӣ(пиротехникӣ) шудед?

❗️Мувофиқи моддаи 199 (1) Кодекси ҷиноятии Ҷумҳурии Тоҷикистон, ворид, фурӯш ва истифодаи маводи тарфгарӣ ё пиротехникӣ манъ аст.

🧨Агар бо фурӯш ё истифодабарии ғайриқонунии маводи пиротехникӣ рӯбарӯ шудед, метавонед тариқи рақамҳои боварӣ - 221-21-21 ва ё 19-19 ба Вазорати корҳои дохилӣ муроҷиат намоед.

Ҳангоми шоҳиди истифодаи маводи пиротехникӣ, аз ҷумла “хлопушкаҳо” аз ҷониби кӯдакон шудан, метавонед фавран ба рақамҳои зикршуда ва ё ба нозири минтақавӣ муроҷиат намоед.

Мушкиле доред ва намедонед чӣ бояд кард? Ба мо нависед!

#Чӣбоядкард