🇺🇿 🇨🇳 Ўзбек ва хитой адабиётлари таржимаси бўйича келишувга эришилди

Маълумки, шу кунларда халқаро ҳамкорлик ташаббуслари ҳамда халқаро маданий мерос ҳафталиклари шиори остида қатор халқаро форумлар, учрашувлар ва мулоқотлар бўлиб ўтмоқда.

Жумладан, "Ўзбекистонда сўз эркинлиги ва ОАВ, ижтимоий тармоқларнинг кенг ривожланиши - демократик қадриятларни кенгайтириш йўлида" мавзусидаги Форумда ўз тадқиқотлари ва таҳлиллари асосида хулосалари, мулоҳазалари билан қатнашган Хитой ва Марказий Осиёни ўрганиш маркази директори Сяотун Чжан ҳамда АОКА директорининг ўринбосари Ғ.Бозоров ва мутасадди ходимлар иштирокида ўтказилган учрашувда ҳамкорлик масалалари муҳокама қилинди.

Хитой вакили мамлакатларнинг адабиёти, маданияти, тарихи билан кенг таништириш мақсадида асарлар таржимасини кенгайтириш, бунда мумтоз адабиётлардан тортиб, замонавий адиблар ижодигача қамраб олиш, икки томон кутубхоналарида таржима асарларни кўпайтириш юзасидан таклифлар билдирди.

АОКА директорининг ўринбосари Ғ.Бозоров Хитой Халқ Республикаси босма ва нашрлар ишлари миллий агентлиги билан турли қўшма дастур ва лойиҳаларни амалга ошириш орқали маданий алоқаларни кенгайтиришни мақсад қилган икки томонлама меморандум имзолаш режалаштирилаётганини, ўзбек-хитой адабиётлари таржималари сонини ошириш ҳам ушбу меморандумда кўзда тутилганини таъкидлади.

Шунингдек, АОКА ва Ёшлар ишлари агентлиги ҳамкорлигида давлатимиз раҳбарининг тегишли қарори билан йўлга қўйилган "Минг китоб" лойиҳаси ҳақида маълумот бериб, ушбу лойиҳа доирасида энг харидоргир ва кўп ўқилган Хитой асарларини таржима қилиш учун таклифлар бериш мумкинлигини айтди.

Келаси йилда бўлиб ўтадиган "Tashkent Book Fest" IV Халқаро китоб кўргазма-ярмаркасида хитойлик адиблар, ноширлар, матбаачилар иштирок этиш орқали босма-матбаа нашрларини Ўзбекистонда тарғиб қилиш имконияти яратилиши қайд этилди.

Мазмунли ва конструктив тарзда бўлиб ўтган учрашувда самарали ҳамкорликни йўлга қўйишга келишилди.

Telegram |WhatsApp| Youtube | Facebook | Instagram | Медиабанк | Сайт

🟠 Беруний номидаги ЮНЕСКО – Ўзбекистон халқаро мукофоти таъсис этилди

🔸Мукофот икки йилда бир маротаба сунъий идрок соҳасида одоб-ахлоқ ва инклюзивликни ривожлантириш ҳамда халқаро илмий ҳамкорликни мустаҳкамлашга хизмат қилувчи залворли лойиҳаларга берилади.

🔸Ғолиблар мустақил халқаро ҳакамлар ҳайъати томонидан саралаб олинади ва жаҳон илм-фанига қўшган ҳиссаси эътирофи рамзи сифатида пул мукофоти, сертификат ва медал билан тақдирланади.

🔸Илк тақдирлаш маросими 2025 йилнинг ноябрь ойида Самарқанд шаҳрида ЮНЕСКО Бош конференциясининг 43-сессияси доирасида бўлиб ўтади, бу эса мазкур ташаббуснинг Ўзбекистон ва халқаро ҳамжамият ўртасидаги муносабатларни мустаҳкамлашда муҳим аҳамиятга эга эканини ифодалайди.

Telegram |WhatsApp| Youtube | Facebook | Instagram | Медиабанк | Сайт