❤️ Президент Шавкат Мирзиёев раислигида ижтимоий ҳимоя соҳасида амалга оширилган ишлар ва 2025 йилдаги устувор вазифалар юзасидан видеоселектор йиғилишида белгиланган асосий вазифалар.

Telegram |WhatsApp| Youtube | Facebook | Instagram | Медиабанк | Сайт

🇹🇷Истанбулда IV Халқаро стратегик коммуникация форуми бўлиб ўтди

Жорий йил 13-14 декабрь кунлари Туркия президенти ҳузуридаги Коммуникация бошқармаси томонидан тўртинчи марта ташкил этилаётган Халқаро стратегик коммуникация форуми (Stratcom Summit 24) “Коммуникацияда сунъий интеллект: тенденциялар, тузоқлар ва ўзгаришлар” мавзусида бўлиб ўтди.

Туркиянинг энг катта алоқа саммити бўлган Stratcom Summit 24'да 30 давлатдан етакчи давлат ва хусусий ташкилотлар, фуқаролик жамияти, оммавий ахборот воситалари, илмий доиралар ва таҳлил марказларидан маҳаллий ва хорижий экспертлар, шу жумладан, Ахборот ва оммавий коммуникациялар агентлиги директорининг биринчи ўринбосари Дилшод Саиджонов ҳамда Ахборот хизматлари фаолиятини ташкил килиш ва мувофиклаштириш бошкармаси бошлиғи Жасур Ҳусанов иштирок этди.

Тадбир Туркия Вице-президенти Жевдет Йилмаз ва Президент ҳузуридаги Коммуникация бошқармаси раҳбари Фаҳреттин Алтуннинг очилиш нутқлари билан бошланди.

Икки кун давом этган Халқаро стратегик коммуникациялар форумида 8 та панел, 4 та маъруза ва 6 та индивидуал сессияларда сунъий интеллектнинг коммуникация соҳасида юзага келтирган ўзгаришлари барча жиҳатлари билан кўриб чиқилди, янги технологиялар томонидан тақдим этилган имкониятлар ва қийинчиликлар таҳлил қилинди.

Маълумот учун: Stratcom Summit 24 коммуникация соҳасидаги сунъий интеллектнинг ўзгартирувчи таъсирига эътибор қаратади ва оммавий коммуникация, янги алоқа стратегиялари, журналистика, рақамли медиа ва дипломатия, дезинформацияга қарши кураш ва инқирозни бошқариш, рақамли ахлоқ ва киберхавфсизлик каби турли долзарб масалаларни муҳокама қилади.

Telegram |WhatsApp| Youtube | Facebook | Instagram | Медиабанк | Сайт