ANDIJONDA RESPUBLIKA PSIXOLOGLAR FORUMI O‘TKAZILDI

Xabaringiz bor, Maktabgacha va maktab ta’limi vazirligi tomonidan hududlarda ta’lim muassasalarida faoliyat olib borayotgan maktab psixologlari uchun “Maktabgacha va maktab taʼlimi tizimidagi Ijtimoiy-psixologik xizmat va kasb-hunarga yo‘naltirishda innovatsion yondashuv” mavzusidagi Respublika psixologlar forumlari o‘tkazilmoqda.

Aynan mazkur forumning navbatdagisi joriy yilning 7-dekabr kuni Andijon viloyatida tashkil etilib, yil davomida maktablardagi ma’naviy-ma’rifiy muhitni yaxshilash, o’quvchilarni kasb-hunarga yo’naltirish va ularni ruhiy barqarorliklarini ta’minlash yo’nalishida na’munali faoliyat olib borgan 150 nafar psixologlar vazirlik hamda boshqarma tomonidan taqdirlandilar.

Taqdirlash marosimida Respublika tashxis markazi bo’lim boshlig’i M.Holdarov hamda boshqarma vakili I.Mirzayevlar o’quvchilarni kasb-hunarga yo’naltirish, iqtidorli yoshlar bilan ishlash va ularni katta hayotga tayyorlashda psixologlar o‘rni katta ekanligi ta’kidlandi.