Joriy yilning 19-noyabr kuni ijtimoiy tarmoqlarda "Paxtaobod tumanidagi 38-maktab o'qituvchisi o'quvchini urmoqda" sarlavhasi ostidagi xabarlar yuzasidan

MUNOSABAT

Ijtimoiy tarmoqlarda muhokamalarga sabab bo'lgan holatga oydinlik kiritish maqsadida joriy yilning 20-noyabr kuni Andijon viloyati maktabgacha va maktab ta’limi boshqarmasi boshlig‘i R.Karimov ishtirokida boshqarma ishchi guruhi Paxtaobod tumanidagi 38-umumta’lim maktabida bo‘lib holat o‘rganildi.

O‘rganish yakunlariga bag‘ishlangan “Pedagogik Kengash”da maktabda nosog’lom muhit deya iddao qilingan videotasvirlar bilan bog‘liq masalalar atroflicha ko‘rilib, maktab jamoasi fikrlari hamda faxriy ustozlar takliflari tinglandi.

“Pedagogik Kengash”ning yakuniy qaroriga muvofiq ijtimoiy tarmoqlarda muhokamalarga sabab bo‘lib, maktabda ijobiy ma’naviy muhitni tashkil etishdagi sovuqqonligi uchun maktab rahbari O.Xga “Xayfsan” intizomiy jazo chorasi, ta’lim tizimi imidjiga salbiy ta’sir ko‘satish xarakteridagi holatni keltirib chiqarib, ushbu videomateriallarni tarqatilishida ishtirok etgan maktabning ma’naviy-ma’rifiy ishlar bo‘yicha direktor o‘rinbosari M.B hamda jismoniy-tarbiya fani o‘qituvchisi O.M egallab turgan lavozimlaridan ozod etildi.

Shu o‘rnida barcha ta’lim muassasalarida yosh avlodga bilim berayotgan fidoyi ustozlarimizni "O'qituvchi-o'quvchi munosabatlari"da pedagogik etika-estetika qoidalariga rioya qilgan holda muomalada bo‘lishlari hamda ustoz sifatida ularga shaxsiy namuna ko‘rsatishlari zarurligini ta’kidlaymiz.

Qolaversa, qadrli Ota-onalarimizni o‘z farzandlariga ustoz-murabbiylarning inson kamolotidagi o‘rni, ularga xurmat va ehtirom tuyg’ulari ostida munosabatda bo‘lish singari tushunchalarni shakllantirishda “Oila-mahalla-maktab” tamoyillari asosida faol hamkorlikka chorlab qolamiz.

MAKTABGACHA TA’LIM TASHKILOTI METODISTLARI MALAKASINI OSHIRISHGA QARATILGAN O’QUV SEMINARLARINING 3-BOSQICHI O’TKAZILMOQDA

Xabaringiz bor, Maktabgacha va maktab ta’limi vazirligi tashabbusi bilan xalqaro loyihalar doirasida xorijiy mutaxassislarni jalb etgan holda maktabgacha taʼlim tashkilotlarining pedagog xodimlarini qisqa muddatli malaka oshirish kurslarida oʻqitish maqsadida hududlarda o‘quv haftaliklari tashkil etilmoqda.

Xususan, joriy yilning 20-24-noyabr kunlari Andijon viloyatidagi barcha tuman, shaharlarda maktabgacha ta’lim tashkilotlari metodistlari uchun “Bolalarni erta yoshdan rivojlantirishni takomillashtirish” loyihasi asosida o‘quv jarayonlari tashkil etilmoqda.

Zamonaviy metodikalar, ilg’or xorijiy tajribalar va psixologik yondoshuvlar asosida tashkil etilayotgan 40 soatga mo‘ljallangan ushbu seminarlarda 1 ming 200 dan ziyod metodistlar malakalasini oshirish rejalashtirilmoqda.

BIZNES OMBUDSMAN HAMDA MAKTABGACHA VA MAKTAB TA'LIMI BOSHQARMASI XODIMLARI "YASHIL MAKON" AKSIYASIDA ISHTIROK ETISHDI

✅🍀Biznes Ombudsman hamda viloyat maktabgacha va maktab ta'limi boshqarmasi xodimlari tomonidan boshlangan «Birgalikda daraxt ekamiz» chellenji Andijon tumanidagi ta'lim muassasasida ham tashkil etildi.

“Yashil makon” umumilliy harakatining kuzgi mavsumini samarali tashkil qilish va hududlarni xususan ta'lim muassasalarini ko‘kalamzorlashtirish ishlarida tadbirkorlik sub’yektlari ham o‘zining xissasini qo‘shmoqda.

Andijon tumanida tashkil etilgan mazkur loyiha doirasida tadbirkorlarning ishtirokini samarali tashkil etish yuzasidan navbatdagi uchrashuv o‘tkazildi va amaliy ishlarga o‘tib, manzarali va mevali daraxtlar, gul ko‘chatlari ekib, obodonlashtirish, ko‘kalamzorlashtirish ishlarini amalga oshirdilar.

Xabaringiz bor, ta’lim muassasalarida yosh avlodga sifatli ta’lim berish bilan bir qatorda ularni o‘zbekona qadriyatlar ruhida tarbiyalash masalalariga alohida e’tibor qaratilmoqda.

Xususan, joriy yilning 20-noyabr kuni Qo‘rg’ontepa tumanidagi ta'lim muassasalari rahbarlari, maktab ma’naviyatchilari va psixologlari uchun "Jaholatga qarshi ma'rifat" mavzusida davra suhbati o'tkazildi hamda "Tinchlik qadri" videofilmi namoyish etildi.

Davra suhbati davomida viloyat hokimi o‘rinbosari R.Arziyev, maktabgacha va maktab ta'limi boshqarmasi boshlig’i o'rinbosari G.Omonova hamda targ‘ibot guruhi a’zolari tomonidan o'quvchilar davomatini qat'iy nazorat qilish, chet davlatlariga chiqib ketishni oldini olish, joriy o’quv yilida yoshlar ma’naviyati bilan ishlash tizimini yangi bosqichga olib chiqish, ertamiz egalari bo‘lgan yosh-avlodni yot mafkuralardan himoya etish, yoshlar o‘rtasida jinoyatchilik va huquqbuzarlik kabi salbiy illatlarga qarshi kurashda maktab ma'naviyatchilari jonbozlik ko‘rsatishligi zarur ekanligi alohida ta’kidlandi.