ВАЗИР ЎРИНБОСАРИ ТОМОНИДАН ЎҚУВЧИЛАРНИ КАСБ-ҲУНАРГА ЙЎНАЛТИРИШ ИШЛАРИ ТАҲЛИЛ ҚИЛИНДИ

Хабарингиз бор, Республика ишчи гуруҳи таркибида Халқ таълими вазири ўринбосари, Республика ишчи гуруҳи аъзоси Ваҳобжон Ражапов ҳам Андижон вилоятида бўлиб, мактабларда ўқувчи-ёшларга сифатли таълим бериш билан бир қаторда касб-ҳунарга йўналтириш ишларини кўздан кечирмоқда.

Жорий йилнинг 21 октябр куни вазир ўринбосари Андижон шаҳридаги 13-умумтаълим мактабида бўлиб, шаҳар мактаблари директорлари ва психологлари билан ўзаро мулоқотда мактабдаги ҳар бир ёшнинг нафақат таълим-тарбия олиши, балки уларни қайси касб-ҳунар йўналишларига қизиқишлари бор эканлигини аниқлашда айнан мактаб психологлари жонбозлик кўрсатишлари зарур эканлигини алоҳида таъкидлади.

Шунингдек, Ваҳобжон Ражапов Андижон вилояти халқ таълими бошқармасида туман (шаҳар) халқ таълими бўлими мудирлари ва уларнинг маънафий-маърифий ишлар бўйича ўринбосарлари иштирокида ўтказилган йиғилишда мактаб фаоллар заллари, спорт майдончалари ва кутубхоналари ёшлар учун хизмат қилишга шаъй ҳолатда бўлмоғи, ҳудудлардаги таълим тизими мутасаддилари маҳалла етакчилари билан ҳамкорликда иш ташкил этишлари лозим эканлиги тўғрисида керакли кўрсатмалар бериб ўтди.

Андижон вилояти халқ таълими бошқармаси матбуот хизмати

Андижон вилояти прокуратураси ташаббуси билан Хўжаобод туманидаги 17-кар болалар махсус мактаб-интернатида вилоят халқ таьлими бошқармаси ҳамда вилоят педагогларни қайта ўқитиш ва малакасини ошириш маркази ўқитув-профессорларини жалб қилган ҳолда ўқув семинари ташкил этилди.

Семинарда вилоят прокуратураси бўлим бошлиғи Х.Джалолов иштирок этиб, алоҳида таьлим эҳтиёжларига эга болаларга таьлим беришнинг хуқуқий асосларини тушунтириб ўтди.

Малака ошириш маркази ходимлари семинарда қатнашган 17-кар болалар ҳамда тумандаги заиф эшитувчи болалар махсус мактаб-интернати ўқитувчиларига таьлим беришда замонавий ва ўзига хос методикалар ҳақида тушунчалар берди.

Ўзбек тилига давлат тили мақоми берилганига ўттиз уч йил тўлиши муносабати билан таьлим муассасаси ўқувчилари тадбир иштирокчиларига бадиий ва ижодий чиқишларини намойиш қилдилар.

21 октябр-Ўзбек тилига давлат тили мақоми берилганлиги 33 йиллиги муносабати билан ҳудудларда ўтказилган тадбирлардан лавҳа