ВАЗИР ЎРИНБОСАРИ ТОМОНИДАН 3 МИНГДАН ОРТИҚ АДАБИЁТЛАР ШАҲАР МАКТАБЛАРИ КУТУБХОНАЛАРИГА ТАҚДИМ ЭТИЛДИ

Хабарингиз бор, Республика ишчи гуруҳи таркибида Халқ таълими вазири ўринбосари Ваҳобжон Ражапов ҳам Андижон вилоятида бўлиб, таълим тизимига оид масалаларни кўздан кечирмоқда.

Вазир ўринбосари таълим муассасаларини кўздан кечириш жараёнида, мактаб жамоалари ва ўқувчи-ёшлар томонидан билдирилган таклифларга кўра вазирлик томонидан жорий йилнинг 22 октябр куни Андижон шаҳридаги мактабларга 3 мингдан зиёд адабиётлар ва китоблар жамланмалари тақдим этилди.

Ваҳобжон Ражапов мактаб кутубхоначилари билан мулоқотда ўқувчи-ёшларни китобхонликка янада жалб этиш, мактаб кутубхоналарини ўқувчиларни ўзига чорлайдиган масканга айлантиришга доир кўрсатмалар бериб ўтилди.

Андижон вилояти халқ таълими бошқармаси матбуот хизмати

#Live

Юртбошимиз томонидан халқ билан мулоқот ва инсон қадрини улуғлаш, халқни рози қилиш масалаларида тизимлар мутасаддиларини бевосита жойларга чиққан ҳолда ўрганиш юзасидан берган топшириқлари ижросини таъминлаш мақсадида Халқ таълими вазирлиги томонидан Андижон вилоятида "Сайёр қабул" ўтказилмоқда.

Сайёр қабулда вазир ўринбосари Ваҳобжон Ражапов томонидан фуқаролар ва педагоглар томонидан билдирилаётган мурожаатлар ўрганилмоқда.

Сайёр қабул давом этмоқда...

Ёш авлодни ватанга содиқ фарзандлар этиб тарбиялаш, улар ўртасида ҳарбий-ватанпарварлик руҳини шакллантириш бўйича қатор тадбирлар амалга оширилмоқда.

Хусусан, жорий йилнинг 22 октябр куни Андижон вилояти халқ таълими бошқармаси, вилоят мудофаа бошқармалари ҳамкорлигида Андижон шаҳридаги 14014-ҳарбий қисмда "Очиқ эшиклар куни" ўтказилди.

Унда шаҳар мактаблари ўқувчилари иштирок этиб, ватанимиз посбонлари томонидан ташкил этилган кўргазмали чиқишлардан баҳраманд бўлиб, уларга яратилган шарт-шароитлар билан танишдилар.

Жорий йилнинг 22 октябрь куни Андижон вилояти халқ таълими бошқармаси ҳамда Ички ишлар бошқармалари ҳамкорлигида “25 октябрь – Ички ишлар органлари ходимлари куни” муносабати билан ўтказилаётган “Мен келажакда Ички ишлар ходими бўламан” шиори остидаги иншолар кўрик-танловининг вилоят босқичи бўлиб ўтди.

Ёшларни ватанпарварлик руҳида тарбиялаш, уларни садоқатли ва шарафли бўлган мазкур соҳага қизиқишларини янада ошириш мақсадида ташкил этилган ушбу кўрик-танловнинг қуйи босқичларида жами 160 мингдан зиёд 8-11 синф ўқувчилари иштирок этди ва якуний босқичда туман (шаҳар) босқичларида ғолибликни қўлга киритган 48 нафар ўқувчилар ўзаро беллашдилар.

Тадбирнинг очилиш маросимида Халқ таълими вазири ўринбосари Ваҳобжон Ражапов ҳам иштирок этиб, айнан вилоятимизда ўтказилаётган ушбу танлов ёшларда чинакам ватанга содиқ фарзандлар бўлиш истагини уйғотишини алоҳида таъкидлади.
“Мен келажакда Ички ишлар ходими бўламан” мавзусида ўтказилган ушбу танлов ғолиблари “25 октябрь – Ички ишлар органлари ходимлари куни”да тантанали равишда эълон қилиниши режалаштирилган.

Андижон вилояти Халқ таълими бошқармаси матбуот хизмати