#Раддия

Жумадан олдинги нафл намози

“Ким жума намозидан олдинги нафл намозини қораласа у (мусулмонларнинг) ижмосига қарши чиқибди."
Имом Ибн Ражаб Ҳанбалий роҳимаҳуллоҳ

Имом, аллома, муҳаддис, фақиҳ, олим Ибн Ражаб Ҳанбалий роҳимаҳуллоҳ айтадилар: “Қуёш заволга кетган ва (жума куни, жума намозини адо этишдан аввал) имом минбарга чиқиши оралиғидаги вақтда нафл (суннат) намозини ўқиб олиш мустаҳаб бўлади. Биз бу борада (салафи солиҳлар ва улардан кейинги) уламолар ўртасида ихтилоф борлигини билмаймиз”.
Бирор бир мусулмон киши “Жума куни қуёш заволга кетганидан кейин нафл-суннат намозини ўқимаслик керак” деган гапни айтмаган, аксинча бу гапни айтган киши мусулмонларнинг ижмосига қарши эканлиги айтилган”.
Ибн Ражаб роҳимаҳуллоҳ шу гаплардан сўнг саҳобалардан мана шу вақтда нафл намоз ўқиш мустаҳаб эканлиги ҳақида кўплаб ривоятлар келтирдилар ва шундай дедилар: “Уламолар жума намозининг фарзидан олдин ўқиладиган намоз равотиб намозми ёки худди аср намозидан олдинги нафл намоз кабими деган масалада ихтилофга боришган. Аксар олимлар бу намоз суннати муаккада намоз эканига иттифоқ қилишган. Авзоъий, Саврий, Абу Ҳанифа ва у зотнинг шогирдлари ва Имом Аҳмад роҳимаҳуллоҳлан шулар жумласидандир. Бу гапни Имом Абу Яъло ўзларининг “Шарҳул мазҳаб” асарларида, бундан ташқари Ибн Ақийл ҳам келтирадилар. Бу гап Имом Шофеъий роҳимаҳуллоҳнинг мазҳабида ҳам саҳиҳ гап деб келтирилади”.

Аммо ҳанбалийларнинг мутааххир уламолари бу намозни муаккада суннат эмас, балки мустаҳаб намоз деб айтишган. Бу салафи солиҳларга эргашаман деган кишига жума намозининг фарзи олдидаги тўрт ракаат суннатини тарк қилишига ҳужжат бўлмайди.

(Фатҳул Борий, 5/541)

Матнни Кўкалдош ўрта махсу ислом билим юрти Матбуот котиби Рустам Охунжонов тайёрлади ва ўқиди

@ahnafuz – diniy-ma'rifiy kanal!
📲 Rasmiy sahifalarimiz:
taplink.cc/ahnafuz

❗️Қуръонийлар хатаридан огоҳ бўлинг!

Зикирё домла БОБОРАҲИМОВ

Ўзбекистон мусулмонлари идораси
Фатво маркази мутахассиси

@AhliSunnaValJamoaUz

@ahnafuz – diniy-ma'rifiy kanal!
📲 Rasmiy sahifalarimiz:
taplink.cc/ahnafuz