#Adliya_xabari

Adliya vaziri oʻrinbosari Davlatobod tumanida sayyor qabul oʻtkazdi

Adliya vaziri oʻrinbosari X.Meliyev ishtirokida Davlatobod tumanida sayyor qabul oʻtkazildi. Unda fuqarolarni qiynayotgan asosiy masalalar- kadastr va shaxsga doir hujjatlarni rasmiylashtirish, bandlik, moddiy yordam, sogʻlomlashtirish maskanlariga yoʻllanma olish hamda oilaviy munosabatlar bilan bogʻliq masalalarga qonuniy yechim izlandi.

Kun davomida 40 nafardan ziyod fuqaro qabul qilinib, ularning 30 dan ortiq masaladagi murojaati tinglandi. 12 ta murojaat boʻyicha huquqiy tushuntirish berildi, 13 ta murojaat joyida ijobiy hal etildi.

Jumladan, “Irvadon” mahallasida yashovchi fuqaroning subsidiya asosida tikuv mashinasi berishni soʻrab qilgan murojaati hal etilib, zamonaviy tikuv mashinasi berildi. Shu bilan birga, 8 nafar fuqaroning murojaati oʻrganish talab etganligi sababli tuman adliya boʻlimi ish yurituviga olindi.

📌 Kanalga ulanish

#Adliya_xabari

Adliya vaziri oʻrinbosari Xudoyor Meliyev Yangi Namangan tumani adliya boʻlimi faoliyati bilan tanishdi.

Vazir oʻrinbosari tomonidan adliya organlarining asosiy vazifasi qonunchilikni takomillashtirish boʻyicha takliflar ishlab chiqish, aholining huquqiy madaniyatini oshirishda mahallalardagi faollar imkoniyatidan foydalanish, “mahalla yettiligi” bilan bevosita hamkorlikni yoʻlga qoʻyish, aholining huquqiy ongini oshirishga xizmat qilishi taʼkidlab oʻtildi.

Yangi Namangan tumani, davlat xizmatlari markazlari hamda yuridik xizmat koʻrsatish markaziga borib, jismoniy va yuridik shaxslarni davlat xizmatlaridan tez va sifatli foydalanishlari uchun yaratilayotgan shart-sharoitlarni koʻzdan kechirdi.

Xodimlar bilan suhbat davomida aholiga xizmat koʻrsatishda tezkorlik va aniqlikka alohida eʼtibor qaratish lozimligi tushuntirildi.

📌 Kanalga ulanish

#Adliya_xabari

Adliya vaziri oʻrinbosari tomonidan Chinoz tumanining “Qozi” mahallasida sayyor qabul tashkil etildi

Adliya vaziri oʻrinbosari Alisher Karimov ishtirokida Toshkent viloyati Chinoz tumanida sayyor qabul oʻtkazildi. Unda fuqarolarni qiziqtirayotgan asosiy masalalar — ishga joylashish, ijtimoiy himoya, kadastr va shaxsga doir hujjatlarni rasmiylashtirish, bandlik, moddiy yordam, sogʻlomlashtirish maskanlariga yoʻllanma olish hamda oilaviy munosabatlar bilan bogʻliq masalalarga huquqiy tushuntirishlar berildi.

Sayyor qabullar davomida 53 nafarga yaqin fuqarolarning murojaatlari tinglanib, shundan 27 tasi joyida hal etildi, 16 tasiga huquqiy tushuntirishlar berildi hamda 10 ta murojaatlar ish yurituviga olindi.

Shu joyning oʻzida markaz xodimlari tomonidan 20 ga yaqin sayyor davlat xizmatlari ham koʻrsatildi.

📌 Kanalga ulanish

#Adliya_xabari

Adliya vaziri oʻrinbosari Toʻraqoʻrgʻon tumani adliya boʻlimi faoliyati bilan tanishdi

Adliya vaziri oʻrinbosari Xudoyor Meliyev Toʻraqoʻrgʻon tumani adliya boʻlimi, davlat xizmatlari markazlari, FHDY organi hamda yuridik xizmat koʻrsatish markazida jismoniy va yuridik shaxslarning davlat xizmatlaridan tez, oson va qulay foydalanishlari uchun yaratilgan sharoitlar bilan tanishdi.

Xodimlar bilan olib borilgan muloqotda koʻrsatilayotgan xizmatlar sifatini aniqlash va mavjud kamchiliklarni bartaraf etish bilan bir qatorda, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish koʻnikmalarini oshirish kerakligi taʼkidlandi.

Shuningdek, Toʻraqoʻrgʻon tumani fuqarolik holati dalolatnomalarini yozish boʻlimi faoliyatini oʻrganish jarayonida davlat xizmatlari markazining ikkinchi qavatida qayta taʼmirlab, jihozlangan tantanali nikohdan oʻtkazish joyi koʻzdan kechirildi.

📌 Kanalga ulanish

#Adliya_xabari

Adliya vazirligida zamonaviy texnologiyalar boʻyicha amaliy seminar oʻtkazildi

Adliya vazirligi xodimlari uchun zamonaviy texnologiyalar sohasida amaliy bilim va koʻnikmalarni oshirishga qaratilgan seminar boʻlib oʻtdi. Maqsad — xodimlarining kasbiy malakasini oshirish va ularni zamonaviy axborot texnologiyalari, jumladan sunʼiy intellekt sohasidagi bilimlar bilan taʼminlashdir.

Seminarda “Mohirdev” MChJ rahbari Anvar Narzullayev maʼruzachi sifatida ishtirok etdi. U sunʼiy intellekt texnologiyalari tarixi, ular yordamida maʼlumotlarni toʻplash va tahlil qilish usullari hamda sunʼiyi intellektning istiqbollari haqida batafsil maʼlumot berdi.

Tadbir davomida Anvar Narzullayev tomonidan quyidagi mavzular ochib berildi:
➖Sunʼiy intellekt texnologiyalarining rivojlanish bosqichlari va ularning bugungi kundagi oʻrni;
➖Maʼlumotlarni avtomatlashtirilgan tarzda yigʻish va tahlil qilish imkoniyatlari;
➖Sunʼiy intellektning davlat boshqaruvi va huquqiy sohalardagi qoʻllanilishi;
➖Kelajakda sunʼiy intellekt texnologiyalaridan foydalanishning istiqbollari.

Seminar yakunida ishtirokchilar oʻzlarini qiziqtirgan savollarga soha vakillaridan javob oldi.

📌 Kanalga ulanish

#Adliya_xabari

Adliya vaziri o‘rinbosari ishtirokida sayyor qabul o‘tkazildi

Adliya vaziri o‘rinbosari X.Meliyev tomonidan O‘ltinko‘l tuman “Dalvarzin” MFY binosida sayyor qabul tashkil etildi.

Qabulda viloyat adliya boshqarmasi, tuman adliya bo‘limi mas’ul xodimlari, xususiy amaliyot bilan shug‘ullanuvchi notariuslar, “mahalla yettiligi” a’zolari hamda mutasaddi tashkilotlar rahbarlari ishtirok etdi.

Sayyor qabullar davomida 22 nafar fuqarolarning murojaatlari tinglanib, shundan 2 tasi joyida hal etildi, 4 tasiga huquqiy tushuntirish berildi hamda 16 ta murojaat o‘rganib chiqish uchun ish yurituvga olindi.

📌 Kanalga ulanish

#Adliya_xabari

Maktablarda huquqiy fanlarni oʻqitilishini yanada takomillashtirish yuzasidan davra suhbati oʻtkazildi

Huquqiy taʼlimning holatini tahlil qilish, uni yaxshilash boʻyicha takliflar ishlab chiqish, huquq sohasidagi taʼlim ishlarining uslubiy jihatdan taʼminlanishini tashkil etish Adliya vazirligining asosiy vazifalaridan biri hisoblanadi.

Ushbu vazifalar ijrosini ta'minlash doirasida bugun, 24-dekabr kuni Adliya vazirligida davra suhbati tashkil etildi. Tadbirda Maktabgacha va maktab taʼlimi vazirligi, Ichki ishlar vazirligi, “Taʼlim sohasidagi loyihalar markazi” loyiha ofisi, Kriminologiya tadqiqot instituti, Respublika taʼlim markazi, Toshkent davlat yuridik universiteti masʼul xodimlari, huquq fani oʻqituvchilari hamda darsliklar mualliflari ishtirok etdi.

Soha mutaxassislari umumiy oʻrta taʼlim muassasalarida oʻqitiladigan huquqiy fanlarni tahlil qilish va ularni yanada takomillashtirish masalalari muhokama qilib, taklif va tavsiyalar asosida kelgusidagi vazifalarni aniq belgilab oldi.

Shuningdek, umumiy oʻrta taʼlim muassasalarida oʻqitilayotgan huquqiy fanlar va kurslarni oʻquvchilarning yoshi, psixofiziologik xususiyatini eʼtiborga olib, kundalik hayotda toʻqnash keladigan huquqiy vaziyat va muammolarni oddiy, sodda tilda, turli illyustratsiyalar koʻrinishida huquqiy fanlardan innovatsion yangi avlod darsliklarini tayyorlash taʼkidlab oʻtildi.

Tadbirda bildirilgan taklif va tavsiyalar huquqiy darslik va oʻquv qoʻllanmalarini zamon talablari asosida takomillashtirish hamda ularning yangi avlodini yaratish, oʻquv dasturlarini ilgʻor xorijiy tajriba asosida yanada takomillashtirishga xizmat qiladi.

📌 Kanalga ulanish

#Adliya_xabari

Adliya vaziri oʻrinbosari Guliston shahar adliya boʻlimi binosining qurilish jarayonlari bilan tanishdi

Guliston shahri aholi soni va hududi jihatdan viloyatdagi katta hududlardan biri hisoblanadi. Shaharda bugungi kunda 98 mingdan ziyod aholi istiqomat qiladi.

Adliya vaziri oʻrinbosari X.Meliyev Sirdaryo viloyatida xizmat safarini yangi qurilayotgan Guliston shahar adliya boʻlimi binosining qurilish-pardozlash jarayonlari bilan tanishishdan boshladi.

Shahar markazida qad rostlayotgan ushbu bino Adliya vazirligining byudjetdan tashqari mablagʻlari hisobiga barpo etilmoqda.

Ayni kunda binoda qurilish jarayonlari yakunlanib, pardozlash ishlari olib borilmoqda.

Vazir oʻrinbosari pardozlash jarayonlari bilan tanishar ekan, adliya boʻlimi, davlat xizmatlari markazi, yuridik xizmat koʻrsatish markazi, FHDY, notarial va FHDY arxivi, notarius va “Madad” NNTning binoda joylashuvini toʻgʻri tashkil qilish, zamonaviy binoda xalqimizga sifatli va har tomonlama qulay boʻlgan sharoitlarni yaratish, foye va xonalarning yorugʻligiga alohida eʼtibor qaratish lozimligini taʼkidladi.

Uchrashuvda qurilish va pardozlash ishlarini sifatli amalga oshirish yuzasidan maslahat va koʻrsatmalar berildi.

📌 Kanalga ulanish

#Adliya_xabari

Adliya vaziri oʻrinbosari Guliston yoshlar texnoparki faoliyati bilan tanishdi

Texnoparkda yoshlarni ilm-fan, texnologiya va innovatsiyalar sohasida faoliyat yuritishga ragʻbatlantirish va ularga zamonaviy koʻnikmalarni oʻrgatish maqsad qilingan boʻlib, markazda sirdaryolik yoshlarning innovatsion loyiha va gʻoyalari yanada rivojlantirib borilmoqda.

Vazir oʻrinbosari texnopark faoliyati bilan tanishib, faoliyatning toʻgʻri yoʻlga qoʻyilganligi, yoshlar uchun zamonaviyy kasb-hunarlarni oʻrganish imkoniyatlari yaratilganligi holatini tahlil qildi.

Texnopark rahbariyati va xodimlari bilan muloqotda IT sohasiga oid qonunchilikdagi yangiliklar, biznes gʻoyalarini amalga oshirish uchun inkubatsiya dasturlarini taqdim etish, investorlar bilan hamkorlik yuzasidan fikr-mulohazalar bildirilib, zarur taklif va tavsiyalar berildi.

📌 Kanalga ulanish

#Adliya_xabari

Adliya vaziri oʻrinbosari Xudoyor Meliyev Guliston tuman adliya boʻlimi faoliyati bilan tanishdi

Guliston tuman adliya boʻlimining yangi binosi Oʻzbekiston Respublikasi Konstitutsiyasining 32 yilligi arafasida foydalanishga topshirilgan edi.

Yangi binoda adliya, davlat xizmatlari markazi, FHDY, yuridik xizmat koʻrsatish markazi, “Madad” NNT bir tom ostidafaoliyat yuritmoqda.

Vazir oʻrinbosari dastlab davlat xizmatlari markazida fuqarolarga yaratilgan shart-sharoitlar, kichik kutubxona, Wi-Fi hudud, oʻz-oʻziga xizmat koʻrsatish burchaklari faoliyatini koʻzdan kechirdi.

Shundan soʻng, tizim xodimlari bilan muloqot qilinib, aholining kundalik hayotida uchraydigan huquqiy muammolarni aniqlash va onlayn mahalla platformasi orqali kelib tushgan huquqiy muammolarni bartaraf etish, bu borada “mahalla yettiligi” bilan doimiy hamkorlik qilish zarurligi taʼkidlandi.

Uchrashuv mobaynida davlat va huquqiy xizmatlar sifatini yanada oshirish yuzasidan xodimlarning takliflari tinglanib, zarur tavsiya va koʻrsatmalar berildi.

📌 Kanalga ulanish

#Adliya_xabari

Adliya vaziri oʻrinbosari Xudoyor Meliyevning Sirdaryo viloyatida xizmat safari Boyovut tumanidagi “BOYOVUT COTTON TEXTILE” masʼuliyati cheklangan jamiyati qoshidagi ip yigiruv korxonasi faoliyatini oʻrganish bilan davom etdi.

Adliya masʼullari korxonada ishlab chiqarish jarayonlari bilan tanishdi. Uchrashuvda tadbirkorning sohani yanada kengaytirish hamda yangi loyihalarni amalga oshirish, aholi bandligini taʼminlash boʻyicha taklif va rejalari oʻrganilib, zarur tavsiya va tushunchalar berildi.

Shundan soʻng Boyovut tuman adliya boʻlimi faoliyati oʻrganilib, xodimlar bilan muloqot qilindi.

Davlatimiz rahbarining 2024-yil 24-maydagi farmoni ijrosini tashkil qilish, aholining kundalik hayotida uchrayotgan huquqiy muammolarni aniqlash, “Onlayn mahalla” tizimiga kiritilgan huquqiy muammolarni bartaraf etish va bu borada “mahalla yettiligi” bilan doimiy ishlash yuzasidan aniq vazifalar belgilab berildi.

Vazir oʻrinbosari Boyovut tumanidagi “Ibrat” mahallasida tashkil etilgan “Adliya kuni” tadbirida ishtirok etdi hamda sayyor qabul oʻtkazdi.

Tadbirda “Ibrat”, “Navroʻz”, “Maʼnaviyat”, “Farhod” mahallalaridan kelgan fuqarolar oʻz muammolari bilan vazirlik masʼuliga murojaat qilishdi.

Sayyor qabul davomida 30 ga yaqin fuqarolarning kadastr, ijtimoiy himoya, mehnat munosabatlari, tibbiyot, kommunal soha, davlat xizmatlaridan foydalanish, mulkiy huquqlarga oid bir qator muammolari masʼullar tomonidan koʻrib chiqildi.

Qabul davomida 5 nafar fuqarolarning murojaatlari joyida hal etildi, 10 nafar fuqarolarga muammolarining huquqiy yechimlari tushuntirildi, qolgan 10 dan ortiq murojaatlar ish yurituvga qabul qilinib, ijrosi nazoratga olindi.

📌 Kanalga ulanish

#Adliya_xabari

Adliya vazirligida Sud ekspertiza sohasi boʻyicha davra suhbati oʻtkazildi

Adliya vazirligida sud, prokuratura, ichki ishlar organlari, davlat sud-ekspertiza muassasalarining masʼul mutaxassislari, advokatlar va boshqa tegishli tashkilotlarning vakillari ishtirokida “Sud ekspertiza sohasida 2024-yil davomida amalga oshirilgan ishlar, mavjud muammolar va kelgusidagi vazifalar” mavzusida davra suhbati oʻtkazildi.

Tadbirda Oʻzbekistonda davlat sud-ekspertlik muassasalari faoliyatini muvofiqlashtirish yuzasidan 2024-yil davomida amalga oshirilgan ishlar va kelgusidagi vazifalar yuzasidan xorijiy davlatlarning tajribalari asosida fikr va mulohazalar bildirildi.

Jumladan, sohani yanada rivojlantirish maqsadida ishlab chiqilgan “Sud-ekspertlik faoliyati toʻgʻrisida”gi Qonun va“Sud-ekspertlik faoliyatini takomillashtirishning qoʻshimcha chora-tadbirlari toʻgʻrisida”gi Prezident qarori loyihalarida nazarda tutilgan muhim masalalarni amalga oshirish lozimligi qayd etildi.

Bundan tashqari, nodavlat sud-ekspertiza tashkilotlari faoliyatiga oid amalga oshirilgan muhim islohotlar va kelgusidagi vazifalar yuzasidan ham maʼruzalar qilindi.

Ishtirokchilar sud ekspertiza sohasida kelgusida bajarilishi lozim boʻlgan eng muhim va dolzarb ustuvor vazifalar batafsil muhokama qildi.
Sohani yanada takomillashtirish va mavjud muammo va kamchiliklarni bartaraf etish yuzasidan tegishli taklif va tavsiyalar berildi.

📌 Kanalga ulanish

#Adliya_xabari

Adliya vazirligining "Matonat" filmi "Oltin Humo" mukofotiga sazovor bo‘ldi.

Kuni kecha boʻlib oʻtgan "Oltin xumo – 2024" kinotaqdimotida "Matonat" filmi "Hakamlar hay’atining maxsus sovrini" bilan taqdirlandi.

"Oltin xumo" milliy mukofoti O‘zbekiston Kinoarboblari ijodiy uyushmasi tomonidan 2019-yildan beri har yili gʻoliblarga taqdim etib kelinadi. Mukofot kino sohasidagi eng yorqin yutuqlarni taqdirlash va oʻzbek kinematografiyasidagi zamonaviy tendensiyalarga haqqoniy baho berish maqsadida ta’sis etilgan.

Ma’lumot uchun: "Matonat" hujjatli filmida denovlik nogironligi bor ayol Dilorom Yoʻldosheva haqida hikoya qilinadi.

Film 2024-yil 18-oktyabr kuni “Kino san’ati saroyi”da premyera qilindi. Filmda Adliya vazirligining "Madad" ijtimoiy-huquqiy loyihasi doirasida Dilorom Yoʻldoshevaning oddiy hunarmanddan tadbirkorga aylanish jarayonlari aks ettirilgan.

Film taqdimotidan soʻng Dilorom Yoʻldosheva BBCning 2024-yilda dunyoning ilhomlantiruvchi va ta’sirli 100 ayoli roʻyxatiga kiritildi.

2024-yil 13-dekabr kuni Dilorom Yo‘ldosheva O‘zbekiston Respublikasi Prezidentining Farmoniga asosan “Mardlik” ordeni bilan mukofotlandi.

📹 Filmni tomosha qilish: https://www.youtube.com/watch?v=oTCyEmyI1jo

📌 Kanalga ulanish

#Adliya_xabari

Adliya vaziri oʻrinbosari Forish tumanida tadbirkorlar bilan uchrashdi

Adliya vaziri oʻrinbosari Xudoyor Meliyev Jizzax viloyatining Forish tumanida joylashgan “ROCKFIBER” zavodi faoliyati bilan tanishdi.

Bazalt va boshqa koʻplab bazalt kompozit qurilish materiallari ishlab chiqarishga ixtisoslashgan mazkur zavod oʻz faoliyatini 2015-yilda boshlagan. Zavodda 725 nafar mahalliy aholi ish bilan taʼminlangan.

Uchrashuvda mavjud imkoniyatlar va imtiyozlar yuzasidan huquqiy tushuntirishlar berildi.

Shu bilan birga, Forish tumanida adliya boʻlimi, yuridik xizmat koʻrsatish markazi, davlat xizmatlari markazi hamda FHDY boʻlimlari xodimlari bilan ham suhbat tashkil etilib, mazkur yilda erishilgan yutuqlar va yangi yildagi rejalar haqida oʻrtoqlashildi.

Sohada olib borilayotgan yangiliklardan xodimlarning xabardorlik darajasi oʻrganildi. Oʻz faoliyatida xalqimizga xizmat qilishning ahamiyati va masʼuliyati haqida ham taʼkidlandi.

📌 Kanalga ulanish

#Adliya_xabari

Adliya vaziri oʻrinbosari Sharof Rashidov tumanida sayyor qabul oʻtkazdi

Adliya vaziri oʻrinbosari X.Meliyev tomonidan Sharof Rashidov tumanining “Qo’shko’prik” mahallasida sayyor qabul tashkil etilib, aholi muammolari oʻrganildi.

Xususan, 28 ta murojaat qabul qilindi. Ularning aksariyatini kadastr, kredit, tibbiyot, subsidiya, pensiya masalalari bilan bogʻlik boʻlgan muammolar tashkil etdi. Soha bilan bogʻlik boʻlgan 2 ta murojaat joyida ijobiy hal etildi, oʻrganish talab etiladigan muammolar ish yurituvga qabul qilindi hamda ayrimlari tegishli tashkilotlarga yoʻnaltirildi.

Shuningdek, fuqarolarga sayyor davlat xizmatlaridan foydalanish imkoniyati yaratildi.

Shu bilan birga adliya vaziri oʻrinbosari “mahalla yettiligi” vakillari bilan uchrashib, ularning faoliyatida yuzaga kelayotgan muammolar va ularni bartaraf etish yuzasidan takliflari bilan oʻrtoqlashdi.

Muloqot davomida mahallada jinoyatchilik va huquqbuzarliklarni oldini olish, aholi bandligini taʼminlash, ijtimoiy himoyaga muhtoj aholini qoʻllab-quvvatlash orqali ularga huquqiy yordam koʻrsatish, ajrimlar va oilaviy zoʻravonliklarni oldini olish boʻyicha tavsiyalar berilib, bu borada “mahalla yettiligi” aʼzolarining ham fikr-mulohazalari tinglandi.

Shu kunning oʻzida X.Meliyev tuman adliya boʻlimi faoliyati bilan ham yaqindan tanishib, xodimlar bilan muloqot oʻtkazdi va belgilangan vazifalarni amalga oshirish borasida tavsiyalar berdi.

📌 Kanalga ulanish

#Adliya_xabari

Qoraqalpogʻiston Respublikasi Ellikqalʼa tumani adliya boʻlimi davlat xizmatlari markazi yangi binosining ochilish marosimi boʻlib oʻtdi.

Ochilish marosimida Qoraqalpogʻiston Respublikasi adliya vaziri E.Tursunov va tuman hokimi B.Niyazimbetovlar nutq soʻzlab, yaratilayotgan imkoniyat va sharoitlar fuqarolarimizning huquqlarini taʼminlashga, ularga tez, oson va qulay davlat xizmatlarini koʻrsatishga, vaqtlarini tejashga xizmat qilishi taʼkidlab oʻtildi.

Markaz aholining barcha qatlamlariga, jumladan, yosh bolali ayollar, nogironligi boʻlgan shaxslar, yoshlar va nuroniylarga xizmat koʻrsatishga moʻljallangan. Bino zamonaviy shaharsozlik meʼyorlari asosida qurilgan boʻlib, aholi uchun keng sharoitlar yaratishga alohida eʼtibor qaratilgan.

📌 Kanalga ulanish