#Huquqiy_mahalla

Adliya vazirligi tomonidan Jizzax viloyati Zarbdor tumani “Taraqqiyot” MFYda “Huquqiy mahalla” loyihasi amalga oshirilmoqda.

Loyiha doirasida fuqarolarning xonadonlariga uyma-uy tashrif buyurilib, ularning huquqiy muammolari oʻrganilmoqda va muammolarni yechishga qaratilgan amaliy choralar koʻrilmoqda.

Xususan, davlat xizmatlari koʻrsatilib, fuqarolarga qonunchilik hujjatlarida belgilangan imtiyozlar, ularning huquqlariga oid muhim normalar haqida keng tushuntirish berib borilmoqda.

📌 Kanalga ulanish

#Huquqiy_mahalla

Adliya vazirligi tashabbusi bilan start olgan “Huquqiy mahalla” loyihasi doirasida Jizzax viloyati Zarbdor tumani “Taraqqiyot” MFY tajribasi asosida amalga oshirilishi kerak boʻlgan muhim vazifalar boʻyicha Adliya vazirligi masʼul boshqarma boshliqlari tomonidan hududiy adliya boshqarmalari xodimlariga tegishli tushuntirish tashkil qilindi.

Unda har bir hududda “Huquqiy mahalla” loyihasini tashkil etish, loyiha doirasida mahallada manzilli huquqiy targʻibot tadbirlarini amalga oshirish, shu jumladan ijtimoiy himoyaga muhtoj aholi qatlami va nogironligi mavjud boʻlgan shaxslarga uyma-uy kirgan holda bepul huquqiy maslahatlar berib borish, sayyor qabullar va davlat xizmatlarini tashkil qilish, shuningdek, mahalla binosida “Adliya kutubxonasi” va “Adliya sayli” tadbirini oʻtkazish boʻyicha amalga oshirilishi kerak boʻlgan ishlar kelishib olindi.

📌 Kanalga ulanish

#Huquqiy_mahalla

“Huquqiy mahalla” loyihasi doirasida adliya organlari xodimlari tomonidan Zarbdor tumanida faoliyat yurituvchi xotin-qizlar faollari uchun seminar tashkil etildi.

Mazkur seminarda xotin-qizlar faollarining sohasiga oid normativ-huquqiy hujjatlar, ularning asosiy vazifa va funksiyalari tushuntirilib, mahallalarda ayollarning ijtimoiy faolligini oshirish borasidagi keng koʻlamli islohotlar, “Energetika xavfsizligi” oyligiga oid hujjatlar mazmun-mohiyati yetkazildi.

Tadbir davomida ularning qiziqtirgan savollariga javoblar berilib, faoliyat sohasiga oid hujjat namunalari va 25 turdagi metodik qoʻllanmalar tarqatildi.

📌 Kanalga ulanish

#Huquqiy_mahalla

Adliya vazirligi tomonidan Jizzax viloyati Zarbdor tumani “Taraqqiyot” MFYda “Huquqiy mahalla” loyihasi amalga oshirilmoqda.

Loyiha doirasida Sogʻliqni saqlash vazirligi tomonidan “Taraqqiyot” oilaviy shifokorlik punkitida chuqurlashtirilgan tibbiy koʻrik tashkil qilindi.

Oʻtkazilgan tadbirda mobil laboratoriya va rentgen qurilmasini jalb etgan holda viloyat tibbiyot muassasalaridan terapevt, kardiolog, LOR, dermatolog, ginekolog, UZI, stomatolog, pediatr, xirurg va boshqa mutaxassislar tomonidan mahalladagi 351 nafar fuqarolar, shu jumladan nogironligi boʻlgan shaxslar chuqurlashtirilgan tibbiy koʻrikdan oʻtkazildi.

Tibbiy ko‘rik davomida 275 nafar bemorlarga ambulator sharoitida davolanish uchun dori-darmonlar tavsiya qilindi hamda 16 nafar bemorlarga tuman va viloyat tibbiyot muassasalariga davolanishlari uchun yo‘llanmalar berildi.

📌 Kanalga ulanish

#Huquqiy_mahalla

“Ushot”da “Huquqiy mahalla” loyihasi doirasida amalga oshirilgan ishlar oʻrganildi

Adliya vazirligi masʼullaridan iborat ishchi guruhining Buxoro viloyatiga xizmat safari davomida Jondor tumanidagi “Ushot” mahallasida “Huquqiy mahalla” loyihasi doirasida amalga oshirilgan ishlar bilan tanishildi.

Xususan, vazirlik masʼullari tomonidan ushbu mahallada uyma-uy yurgan holda fuqarolarning muammolari oʻrganildi hamda ularga huquqiy tushuntirishlar berildi. Oʻrganish talab etiladigan fuqarolarning murojaatlari yuzasidan masʼullarga kerakli koʻrsatmalar berdi. Aholini qiynayotgan asosiy masalalar – kadastr va shaxsga doir hujjatlarni rasmiylashtirish, meros, bandlik, subsidiya olish, taʼlim krediti, uy-joy taʼmiri, moddiy yordam hamda oilaviy munosabatlar bilan bogʻliq murojaatlar oʻrganilmoqda.

Bundan tashqari, mahallada 20 ga yaqin fuqarolarga sayyor tartibda davlat xizmatlari koʻrsatilib, ularning muammolari joyida hal etildi. Tuman FHDY boʻlimi tomonidan joyida 2 nafar fuqaroga farzandlarining tugʻilish guvohnomalari topshirildi. Mazkur loyiha doirasida mahalla aholisi uchun chuqurlashtirilgan tibbiy koʻrik tashkil qilindi. Tibbiy koʻrik jarayoniga 100 ga yaqin mahalla aholisi jalb etildi.

Tibbiy koʻrik doirasida mahalla aholisining tibbiy-ijtimoiy muammolari muhokama qilindi. Shifokorlar tomonidan turli kasalliklar kelib chiqishining oldini olish, fuqarolarning tibbiy savodxonligini oshirish, sogʻlom turmush tarzini shakllantirish boʻyicha profilaktik-targʻibot tadbirlari ham oʻtkazildi.

Loyiha doirasida “mahalla yettiligi” hamkorligida fuqarolarning huquqiy muammolari oʻrganilib, bir qator masalalarga yechim topilmoqda.

Jumladan, ushbu hududning tegishli koʻchalarida yoʻl belgilari, elektr taʼminotini yaxshilash maqsadida ustunlar oʻrnatilib, aholining bu boradagi murojaatlari oʻzining ijobiy yechimini topdi.

Shuningdek, tikuvchilikka qiziqqan yoshlarga subsidiya asosida tikuv mashinasi olishda amaliy koʻmaklashilib, egalariga tantanali ravishda topshirildi.

Amaliy tashrifning ikkinchi kuni vazirlik masʼullari tomonidan barcha tuman (shahar) adliya boʻlimlari xodimlari uchun “Zoom” platformasi orqali yigʻilish oʻtkazilib, “Huquqiy mahalla” loyihasi doirasida amalga oshirilgan ishlarning tahlili natijalari muhokama qilindi, bu borada boshqa tuman (shahar) adliya boʻlimlari amalga oshirishi lozim boʻlgan vazifalar, tegishli tavsiya va koʻrsatmalar berildi.

📌 Kanalga ulanish