#Muhim

Korrupsiyaga duch kelsangiz xabar bering!

⚠️ Adliya organlari tizimida korrupsiyaga qarshi murosasiz urush e'lon qilingan.

📲 Bunda Adliya vazirligi tizimidagi, jumladan, adliya boshqarmalari va bo‘limlari, yuridik xizmat ko‘rsatish markazlari, notarial idoralar, davlat xizmatlari markazlari, FHDY organlari va yuridik ta'lim muassasalaridagi korrupsiya holatlari haqida ma'lumotlarni telegramdagi @antikorbot botiga, (71) 207-04-64 (1321 yoki 1322) telefon raqamiga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

@adliyangiliklari

#Qonunchilikdagi_yangiliklar

❗️422 ta Hukumat qarori bekor qilindi

“Qonunchilik bazasini yanada tizimlashtirish chora-tadbirlari to'g'risida”gi Hukumat qarori (396-son, 21.07.2022-y.) qabul qilindi

🔰 Qaror bilan normativ-huquqiy hujjatlarni “tartibga soluvchi gilotina” usuli orqali tizimlashtirish natijasida 422 ta Hukumat qarori o'z kuchini yo'qotdi.

📝 O'z kuchini yo'qotgan hujjatlarning 90 foizi (331 ta)ni yaxlit qarorlar, 10 foizi (91 ta)ni esa hujjatlarning ayrim bandlari tashkil qiladi.

🔘 Mazkur hujjatlarning bekor qilinishiga quyidagilar asos bo'ldi:

▫️keyinroq qabul qilingan hujjatlar bilan bir xil normalarning mavjudligi;
▫️normalarning keyinroq qabul qilingan hujjatlar normalariga zid kelib qolganligi;
▫️qarorlarning qabul qilinishiga asos bo'lgan yuqori yuridik kuchga ega bo'lgan hujjatlarining bekor qilinganligi natijasida o'z dolzarbligini yo'qotganligi;
▫️qarorlar bilan o'zgartirish va qo'shimchalar kiritilgan boshqa qarorlarning o'z kuchini yo'qotgan deb topilganligi;
▫️qarorlarda belgilangan bir martalik, vaqtinchalik bajarilishi lozim bo'lgan topshiriqlarning ijrosi ta'minlanganligi.

📌 Hujjat Adliya vazirligi tashabbusi bilan ishlab chiqilgan.

Kanalga ulanish👇👇👇
https://t.iss.one/huquqiyaxborot_lotin

#Adliya_hudud

Sayxunobod tumanidagi "Ittifoq" mahallasida "Huquqiy axborot kuni" o'tkazildi

👉Batafsil

@adliyangiliklari

#Davlat_xizmatlari

2022-yilning birinchi yarim yilligida tashkil etilgan tadbirkorlik subyektlari, jumladan yakka tartibdagi tadbirkorlar haqida #infografika

@adliyangiliklari

#Bilasizmi

Yuridik texnikumlarga qabul boshlanishiga 6 kun qoldi

Respublikada 14 ta yuridik texnikum tashkil etilgan.

🔰 Ularda quyidagi mutaxassisliklar bo‘yicha kadrlar tayyorlanadi:
➖ davlat huquqiy faoliyat;
➖ yuridik xizmat;
➖ sud-huquqiy faoliyat.

Yuridik texnikumlarga umumiy o‘rta ta'lim (11-sinfni) yoki o‘rta maxsus, kasb-hunar ta'limi muassasasini bitirganlar hujjat topshirishi mumkin.

O‘qishga kirish uchun abiturientlar hujjatlari Yagona interaktiv davlat xizmatlari portali yoki Davlat test markazining rasmiy veb-sayti orqali onlayn qabul qilinadi.

🗂 Hujjatlar qabul qilish joriy yilning 1-avgustidan 20-avgustgacha (shu kuni ham) bo‘lib o‘tadi.

Yuridik texnikumlarga O‘zbekiston fuqarolarini qabul qilish Davlat test markazi tomonidan o‘tkaziladigan test sinovlari orqali amalga oshiriladi.

Test sinovlari test sinovi topshiriladigan fanlar majmuasi, baholash mezonlari, test topshiriqlari soni TDYU bakalavriatiga kirish uchun belgilangan talablarga muvofiq bo‘lib o‘tadi.

🌐 Xorijiy fuqarolar yuridik texnikumlar tomonidan tashkil etiladigan suhbat natijasida qabul qilinadi.

Abiturientlar o‘qishga davlat buyurtmasi, to‘lov-kontrakt, shu jumladan, tabaqalashtirilgan to‘lov-kontrakt asosida qabul qilinadi.

O‘qish muddati 2 yilni tashkil etadi.

@adliyangiliklari

#Adliya_xabari

“Camp Law” bilan o‘zingizni Toshkent davlat yuridik universiteti talabasidek his qiling!

Toshkent davlat yuridik universiteti tomonidan “Camp Law” loyihasi yo‘lga qo‘yilmoqda.

Yoshlarning huquqiy savodxonligini oshirishga qaratilgan yangi loyihada maktab, litsey va texnikumlarning 14 yoshdan 18 yoshgacha bo‘lgan o‘quvchilari ishtirok etishi mumkin.

O‘zbek va rus tillarida tashkil etilayotgan loyiha dasturidan huquqiy savodxonlik va Legal English darslari, davlat tashkilotlariga tashriflar hamda yirik loyihalar o‘rin olgan.

🗓 31-iyulga qadar camplaw.uz sayti orqali ro‘yxatdan o‘ting va 1-avgustdan o‘zingizni Toshkent davlat yuridik universiteti talabasidek his qiling!

Loyiha davomida ishtirokchilar uchun tushlik va kofe-breyklar ham tashkil etiladi.

👉 Batafsil ma'lumotni camplaw.uz saytidan olishingiz mumkin.

@adliyangiliklari

#Adliya_xabari

Bugun, 27-iyul kuni soat 16:00 da Adliya vazirligi tomonidan Axborot va ommaviy kommunikatsiyalar agentligida matbuot anjumani o‘tkaziladi.

Mavzu: Prezident hujjatlari ijrosini ta'minlashda ko‘rilayotgan choralar. Davlat organlarida Prezident hujjatlari ijro holati.

📲 Matbuot anjumani translyatsiyasini UzReport TV telekanali va telekanalning YouTube va Facebookdagi sahifalari orqali JONLI tomosha qiling.

👉 Ushbu matbuot anjumaniga OAV vakillari, mustaqil jurnalist va blogerlarni taklif qilamiz.

@adliyangiliklari

#Adliya_teleloyiha

Xabaringiz bor, Adliya vazirligi va "O‘zbekiston" telekanali tomonidan o‘zaro hamkorlikda "YURIDIK KLINIKA" ko‘rsatuvi yo‘lga qo‘yildi.

Ko‘rsatuvning navbatdagi soni bugun, 27-iyun kuni soat 12:00 da "O‘zbekiston" telekanali orqali jonli efirga uzatiladi.

Mavzu: Tadbirkorlik sohasidagi muammolar va qonunchilik masalalari.

Ko‘rsatuvda Adliya vazirligi mas'ul xodimlari va boshqa mutasaddilar sizlardan kelib tushgan savollarga javob beradi.

Mavzu yuzasidan o‘z savollaringizni @yuridiklinikabot Telegram-boti orqali yuborishingiz mumkin.

❗️ Jonli efir vaqtida o‘zingizni qiziqtirgan savollarga javob topish imkoniyatiga egasiz.

@adliyangiliklari

#Davlat_xizmalari

#Infografikada 2022-yilning 1-yarim yilligi mobaynida aholi tomonidan eng ko'p foydalanilgan davlat xizmatlari top-5 taligi aks etgan.

@adliyangiliklari

#Onlayn_xizmatlar

Elektron raqamli imzo sertifikatini olish uchun DXMga borish shart emas, buni masofadan amalga oshirish mumkin

Adliya vazirligi va Davlat soliq qoʻmitasi tomonidan jismoniy va yuridik shaxslarga elektron raqamli imzo kaliti va sertifikatini maxsus axborot resursi (e-imzo.uz) orqali berish mexanizmi joriy qilingan. Bunda ushbu davlat xizmatidan murojaat etuvchi hali elektron raqamli imzo sertifikatiga ega boʻlmagan hollarda ham foydalanishi mumkin.

Videoqo'llanma orqali Siz xizmatdan mustaqil ravishda foydalanishingiz mumkin.

📹 VIDEOQOʻLLANMA

@adliyangiliklari

#Adliya_hudud

📹 Adliya boshqarmalari boshliqlari uchun noan'anaviy uchrashuv tashkil etildi

Navoiyda huquqiy tajriba almashish maqsadida viloyat adliya boshqarmalari boshliqlaridan tarkib topgan delegatsiya ikki kun davomida Navoiy va Zarafshon shaharlarida bo‘ldi. Birinchi kun tafsilotlari mazkur lavhada.

Ma'lumot o‘rnida aytib o‘tish joiz, joriy yilning shu davriga qadar Navoiy viloyat adliya boshqarmasi, tuman shahar adliya bo‘limlariga 4000 ga yaqin murojaat kelib tushgan. Shundan, 3000 ga yaqini ijobiy hal etilgan bo‘lib, 700 dan ortig‘iga huquqiy tushuntirish berilgan, 300 ga yaqini tegishliligiga ko‘ra davlat organlari va tashkilotlariga yo‘naltirilgan.

@adliyangiliklari

#Adliya_xabari

⚡️Adliya vazirligi tomonidan Axborot va ommaviy kommunikatsiyalar agentligida matbuot anjumani o‘tkazilmoqda.

Mavzu: Prezident hujjatlari ijrosini ta'minlashda ko‘rilayotgan choralar. Davlat organlarida Prezident hujjatlari ijro holati.

📹 Onlayn translyatsiya

@adliyangiliklari