#Sayyor_qabul

Kattaqo‘rg‘onliklarning huquqiy muammolari adliya tomonidan o‘rganildi

Tumanning “Qirg‘iz” mahallasida yashovchi fuqaro A.Muhammadiyev arxiv hujjatlarida ism va familiyasida xatoliklar chiqayotgani hamda uni bartaraf etishda amaliy yordam so‘rab qilgan murojaati adliya aralashuvi bilan qisqa fursatda hal etiladigan bo‘ldi.

Kattaqo‘rg‘onda tashkil etilgan sayyor qabulda kattaqo‘rg‘onliklarning shu kabi huquqiy muammolari tinglandi. Xabaringiz bor, Samarqand viloyat adliya boshqarmasi rahbariyatining fuqarolarning huquqiy muammolarini joyiga chiqqan holda o‘rganish va bartaraf etishga qaratilgan chora-tadbirlari asosida viloyat miqyosida sayyor qabullar tashkil etilib kelinmoqda.

👉Batafsil

@adliyangiliklari

#Adliya_xabari

Adliya vaziri Akbar Toshqulov Tojikiston adliya vaziri Muzaffar Ashuriyon bilan uchrashdi

2023-yil 23-avgust kuni Adliya vazirligi binosida vazir A.Toshqulov bilan Tojikiston Respublikasi Adliya vaziri M.Ashuriyon boshchiligidagi delegatsiya vakillari o‘rtasida uchrashuv bo‘lib o‘tdi.

Uchrashuv avvalida, O‘zbekiston adliya vaziri mehmonlarni vazirlikning faoliyati, uning maqsadi va vazifalari bilan tanishtirdi. Shuningdek, fuqarolarga davlat xizmatlarini ko‘rsatish sohasida so‘nggi yillarda amalga oshirilgan islohotlar haqida batafsil ma’lumot berdi.

O‘z o‘rnida, Tojikiston delegatsiyasi mamlakatimizda davlat xizmatlarini ko‘rsatish sohasidagi so‘nggi o‘zgarishlarni e’tirof etgan holda, mazkur yo‘nalishda hamkorlikni kuchaytirish va tajriba almashish borasida fikr almashishdi.

Shuningdek, uchrashuv so‘nggida mehmonlarga O‘zbekiston Respublikasi Adliya vazirligi faoliyatidagi axborot texnologiyalarni rivojlantirish va qo‘llash bo‘yicha jonli ekskursiya tashkil etildi.

Mehmonlar o‘z navbatida, mamlakatimizda amalga oshirilayotgan keng ko‘lamli islohotlarni, shu jumladan davlat xizmatlarini ko‘rsatish sohasidagi axborot texnologiyalarga oid yangiliklarni yuqori baholadi va ikki tomonlama hamkorlikni rivojlantirish zarurligiga mamnuniyat bilan ishonch bildirdi.

@adliyangiliklari

#Adliya_xabari

Adliya vaziri Samarqanddagi adliya organlarida bo‘ldi

Bugun adliya vaziri Akbar Toshqulov Samarqand viloyatida xizmat safarida. Dastlab vazir viloyatdagi adliya organlarida bo‘ldi va tizim xodimlarining ish sharoitlari, ish jarayonidagi muammolar hamda davlat xizmatchilariga qulay shart-sharoitlar yaratish borasdagi imkoniyatlarni ko‘zdan kechirdi.

Jumladan, Samarqand shahar adliya bo‘limi, davlat xizmatlari markazida bo‘lib, bu yerda jismoniy va yuridik shaxslarning davlat xizmatlaridan yanada qulay, oson foydalanishlari uchun yaratilayotgan imkoniyatlar ko‘lami bilan tanishdi. Ularni takomillashtirish bo‘yicha o‘z takliflarni berdi. Shuningdek, markazda xizmatlardan foydalanishda yo‘lga qo‘yilgan yangi tajriba — “oson”, “o‘rta” hamda “murakkab” toifalar, boshqa qulayliklarni ko‘zdan kechirdi.

— Ma'lumki, Samarqand shahri “millionli shahar”ga aylantirilmoqda, — deydi Akbar Toshqulov. — Natijada shaharning o‘zi 5 ta tumanga bo‘linadi. Bu o‘z navbatida shahar aholisining davlat xizmatlaridan foydalanishlari uchun yanada keng sharoitlarni yaratishni taqazo etadi. Shu munosabat bilan Samarqand shahrida kelgusida bir nechta yangi markaz binolari qurilib, foydalanishga topshirilishi rejalashtirilgan. Qorasuv, Siyob, So‘g‘diyona, Bog‘ishamol va Maroqand tumanlarida zamonaviy davlat xizmatlari markazlari ishga tushiriladi. Ularning dastlabkisi “Qorasuv” massivida qad rostlaydi. Tashkiliy ishlarni hozirdan boshlab yuborganmiz.

Adliya vaziri tizim mas'ullari bilan o‘zaro muloqotda bu borada ahamiyat qaratilishi lozim bo‘lgan muhim masalalar yuzasidan fikr-mulohazalarni o‘rtaga tashladi, takliflar bilan qiziqdi, keraklif tafsiyalarni berdi.

Xizmat safari davomida adliya vaziri Samarqand viloyat yuridik texnikumi binosini ham ko‘zdan kechirdi. Muassasa faoliyati, amalga oshirilayotgan ishlar bilan tanishdi.

@adliyangiliklari