#Intellektual_mulk

O‘tkir Hoshimovning o‘g‘li shikoyat qildi

👉Batafsil

@adliyangiliklari

#Intellektual_mulk

“KONTRAFAKT MAHSULOTINI QANDAY FARQLASH MUMKIN?”

Bugun ijtimoiy tarmoqlar orqali kontrakfakt mahsulotlar va ularni qanday qilib ajratish mumkinligi haqida murojaat tarqaldi.

Samarqand viloyat adliya boshqarmasining Intellektual mulk huquqini himoya qilish boʻlimi boshligʻi Gʻiyos Madiyev bilan suhbat orqali shu masalaga oydinlik kiritamiz.

@adliyangiliklari

​#intellektual_mulk

Muallif vafoti uning mualliflik huquqi tugashini anglatmaydi
 
Ma’lumki, mamlakatimizda mualliflik huquqlarini tartibga soluvchi tegishli qonunga muvofiq muallifning mulkiy huquqlari meros bo‘lib o‘tadi va merosxo‘rlar mualliflarning huquqlarni himoya qilishga haqli hisoblanadi.

Xususan, O‘zbekiston xalq yozuvchisi O‘tkir Hoshimovning merosxo‘ri F.Xoshimov muallifning asarlariga bo‘lgan mulkiy huquqlarini himoya qilish maqsadida adliya organlariga murojaat qildi.

O‘z navbatida adliya organlari tomonidan O‘.Hoshimov asarlaridan merosxo‘rning ruxsatisiz hamda tegishli tartibda shartnoma tuzmasdan foydalangan “Z.K.” nomli nashriyotning mansabdor shaxsiga nisbatan O‘zbekiston Respublikasi Mamuriy javobgarlik to‘g‘risidagi kodeksining 177(1)-moddasi bilan mamuriy huquqbuzarlik to‘g‘risidagi bayonnoma rasmiylashtirildi va tegishli sud tomonidan jarima jazosini tayinlandi.

Bundan tashqari qonunchilikda muallif asaridan ruxsatsiz foydalanish natijasida yetkazilgan zarar qoplanishi o‘rniga bazaviy hisoblash miqdorining yigirma baravaridan ming baravarigacha tovon to‘lanishi belgilangan.

Shunga muvofiq davogar F.Xoshimov Toshkent shahar Shayxontohur tumanlararo sudiga mualliflik huquqlari buzilgani uchun tovon puli va ma’naviy zarar undirish haqidagi da’vo arizasini kiritgan. Natijada sud davogar F.Xoshimov foydasiga “Z.K.” nomli nashriyotning mansabdor shaxsiga nisbatan 12 million 500 ming so‘m miqdorda tovon puli to‘lash lozimligi haqida qaror qabul qilgan.

@adliyangiliklari

#Intellektual_mulk

Kontrafakt mahsulotlarning yorliqlari yoqib yuborish yoʻli bilan yoʻq qilindi

Adliya vazirligiga Mars, Incorporated (AQSh) kompaniyasining ishonchli vakili “SNICKERS” hamda “BOUNTY” tovar belgilaridan “A.B” MChJ tomonidan huquq egasining roziligisiz foydalanib kelayotganligi yuzasidan chora ko‘rish to‘g‘risida murojaat etgan.

Kompaniyaga tegishli “SNICKERS”, “BOUNTY” tovar belgilariga adashtirib yuborish darajasida fonetik, hamda grafik jihatdan o‘xshash bo‘lgan “SNIKERS”, “BOUNT” belgilardan foydalangan holda kontrafakt mahsulotlar (muzqaymoq) ishlab chiqarib, savdoga taklif etib kelinayotganligi aniqlandi.

Aniqlangan huquqbuzarlik holati bo‘yicha “A.B” MChJga nisbatan O‘zbekiston Respublikasi Maʼmuriy javobgarlik to‘g‘risidagi kodeksining 177-moddasi birinchi qismi boʻyicha ma’muriy bayonnoma rasmiylashtirilib ishni ko‘rib chiqish uchun tegishli sudga yuborildi.

Shuningdek, kontrafakt mahsulotlarning yorliqlari yoqib yuborish yoʻli bilan yoʻq qilindi.

@adliyangiliklari

#Intellektual_mulk

Huquq egasiga tegishli tovar belgining himoyasi ta’minlandi

Adliya vazirligiga “B. SH.” MChJ ga tegishli muhofazaga olingan tasviriy ko‘rinishdagi tovar belgisidan “N-M” MChJ tomonidan huquq egasining ruxsatisiz foydalanilayotganligi hamda jamiyatning mutlaq huquqlari buzilayotganligi yuzasidan murojaat kelib tushdi.

Murojaatni ko‘rib chiqish natijasida tovar belgisidan “N-M” MChJ tomonidan ruxsatsiz foydalanilayotganlik holati aniqlanib, ushbu jamiyatga nisbatan huquqbuzarlikni bartaraf etish to‘g‘risida majburiy bo‘lgan taqdimnoma kiritildi. Natijada jamiyat tomonidan Adliya vazirligining taqdimnomasi belgilangan muddatda bajarilmaganligi uchun jamiyat rahbari fuqaro A.A.Mga ma’muriy huquqbuzarlik to‘g‘risidagi bayonnoma rasmiylashtirilib, tegishli tartibda ko‘rib chiqish uchun sudga taqdim etildi.

Jinoyat ishlari bo‘yicha Olmazor tuman sudi tomonidan “N-M” MChJ rahbari fuqaro A.A.M Ma’muriy javobgarlik to‘g‘risidagi kodeksining 177-moddasi birinchi qismi va 198 (4)-moddasi birinchi qismida keltirilgan huquqbuzarlik holatlarini sodir etganligi uchun unga nisbatan belgilangan tartibda jarima jazosi tayinlandi.

👉Читать новость на русском языке

@adliyangiliklari