#Adliya_tashabbus

Бепул ҳуқуқий маслаҳат керакми ? Адлия ҳуқуқий маршига марҳамат!

Адлия вазирлиги аҳоли учун фойдали ва зарур тадбирларни мунтазам ташкил этишда давом этмоқда.

Мустақилликнинг 30 йиллиги шодиёналари арафасида Тошкент шаҳрида “Адлиядан адлиягача” ҳуқуқий марши ташкил этилади.

Ҳуқуқий марш жорий йилнинг 28 август куни соат 9:00 да Юнусобод туман адлия бўлими биносидан бошланиб, Адлия вазирлиги биносигача давом этади.

Ҳуқуқий марш давомида адлия, ФҲДЁ ходимлари, нотариуслар томонидан бепул ҳуқуқий маслаҳатлар берилади ҳамда сайёр давлат хизматлари кўрсатилади.

Ҳуқуқий марш қуйидаги йўналишда ўтказилади:
● “Шайх Шиблий” МФЙ биноси (соат 9:30–12:00 гача);
● “Минор” МФЙ биноси (соат 11:00 –13:00 гача);
● Олой бозори (соат 12:30 – 14:00 гача).

Маршда иштирок этинг, ҳуқуқий муаммоларингиз ечимини топинг!

@adliyangiliklari

#Adliya_tashabbus

Адлия вазирлиги томонидан Тошкент вилояти Юқори Чирчиқ туманидаги Нурли Замин МФЙ ва Гулистон МФЙ ҳудудларида болалар ва спорт (street working) майдончалари қуриб берилди. Бугун унинг рамзий калити маҳалла аҳолисига топширилди.

📹 Видеотасвирлар орқали аввалги ва ҳозирги ҳолати билан танишишингиз мумкин.

@adliyangiliklari

#Adliya_tashabbus

Адлия вазирлиги томонидан жорий қилинган фойдали ахборот тизимлари

👉Батафсил

@adliyangiliklari

#Adliya_tashabbus

“Ишонч телефони ишидан бир кун” акцияси

15 сентябрь куни Адлия вазирлигининг бошқарма бошлиқлари “1008” ишонч телефонига кўнғироқ қилган ҳар бир фуқароларнинг мурожаатларини жонли мулоқот давомида қабул қилади.

@adliyangiliklari

#Adliya_tashabbus

“Ишонч телефони ишидан бир кун” акцияси

Бугун Адлия вазирлигининг бошқарма бошлиқлари “1008” ишонч телефонига кўнғироқ қилган ҳар бир фуқароларнинг мурожаатларини жонли мулоқот давомида қабул қилаяпти. Мурожаат қилинг, бошқарма бошлиқлари эшитади.

@adliyangiliklari

#Adliya_tashabbus

📹 Адлия вазирлиги томонидан 21 октябрь — Ўзбек тили байрами куни муносабати билан Адиблар хиёбонида “Давлат тили — миллат ғурури” шиори остида сайёр қабул ташкил этилиб, байрам тадбири ўтказилди.

@adliyangiliklari

#Adliya_tashabbus

"Adliya kitobxonlari chempionati" 2-davra o‘yinlari hakamlar hay’ati bilan tanishing.

Ushbu kitobxonlik musobaqasi barcha adliya organari va muassasalari xodimlari o‘rtasida o‘tkazilmoqda.

Tanlovda ishtirok etish istagida bo‘lgan xodim o‘zi o‘qigan bir yo bir nechta kitob to‘g‘risida taqriz yozib jo‘natishi lozim edi. Hakamlar ishlarni quyidagi mezonlar bo‘yicha baholaydilar:

🔹tanlangan kitobning maqsadga muvofiqligi: xodimning bilimi va kasbiy mahoratini rivojlantirishga ko‘maklashish ahamiyatiga egaligi;

🔹 taqrizda mustaqil fikrlash va dunyoqarashning, shaxsiy munosabatning aks etganligi;

🔹 taqrizning tahliliy jihati: asoslar va argumentlarga boyligi, qiyosiy va tanqidiy tahlil usullaridan samarali foydalanganlik;

🔹 imlo xatolardan xolilik, matnning grammatika va uslubiyot qoidalariga muvofiqligi.

Bugungi kunga qadar tanlovga 100 ga yaqin taqrizlar kelib tushdi. Hozirda baholash jarayonlari ketmoqda.

@adliyangiliklari

#Adliya_tashabbus

📢📢 Adliya vazirligi tomonidan mustaqillikning 31 yilligiga bag‘ishlab aholining huquqiy ongi va madaniyatini yuksaltirishga hamda qonuniylikni mustahkamlashga qaratilgan “Adliya xalq orasida” nomli huquqiy festival o‘tkaziladi.

Festivalda “Huquqiy maslahat” aksiyasi doirasida Toshkent shahar adliya boshqarmasi xodimlari, notariuslar, advokatlar hamda yuridik xizmat ko‘rsatish markazlari, FHDYo va davlat xizmatlari markazlari xodimlari tomonidan fuqarolarga bepul huquqiy maslahatlar beriladi.

“Adolat” milliy huquqiy axborot markazi nashr etgan kitoblar va nogironligi bo‘lgan shaxslar tomonidan yaratilgan mahsulotlar yarmarkasi tashkil etiladi.

Festival dasturida konsert dasturlari ham o‘rin olgan.

Tadbir doirasida OAV vakillari va blogerlar uchun press-tur o‘tkazilishi rejalashtirilgan.

Qachon❓
29-avgust kuni, 18:00

Qayerda❓
Toshkent markaziy eko bog‘i ("Eko park")

@adliyangiliklari

​#Adliya_tashabbus

“Adliya kitobxonlar chempionati”: baholash qanday amalga oshiriladi?

Adliya organlari va muassasalari xodimlari o‘rtasida o‘tkazilayotgan “Adliya kitobxonlari chempionati”ga kelib tushgan ishlarning hakamlar tomonidan baholash jarayoni davom etmoqda.

Jarayon quyidagi tartibda kechmoqda.

Chempionatga 92 ta taqriz kelib tushdi. Ular 6 nafar hakam tomonidan avval e’lon qilingan 4 ta mezon bo‘yicha har bir mezonga 5 ballgacha baholash tizimida baholanmoqda. Har bir taqriz bir hakamdan eng ko‘pi bilan 20 ball, jami 120 ball to‘plashi mumkin.

Jarayonda xolislikni ta’minlash uchun hakamlarga ishlar mualliflari yashirilgan holda, raqamlab berilgan. Ya’ni hakamlar jarayon oxirigacha ishtirokchining shaxsini bila olmaydilar.

Pirovardida, 6 hakamning baholari jamlanib, yakuniy ballar asosida g‘olib e’lon qilinadi.

Hozirda baholash jarayoni qizg‘in pallada. Tez kunlarda g‘oliblarni e’lon qilamiz. Bizni kuzatib boring.

Adliya vazirligi
Jamoatchilik bilan aloqalar bo‘limi.

@adliyangiliklari

​#Adliya_tashabbus

Adliya kitobxonlari chempionati
2-davra o‘yinlari

Natijalar
1-o‘rin – Toshkanov Nurbek, Toshkent davlat yuridik universiteti qoshidagi akademik litsey katta o‘qituvchisi (10-raqamli taqriz) –108 ball;

2-o‘rin – Hamroqulov Sindor, Adliya vazirligi Markaziy apparati Yuridik taʼlim va sud-ekspertiza boshqarmasi bosh maslahatchisi (59-raqamli taqriz) – 103 ball;

3-o‘rin – Ahmedov Hurmatbek, Yangiariq tuman adliya bo‘limi davlat xizmatlari markazi bosh mutaxassisi (74-raqamli taqriz), 102 ball.

Rag‘batlantiruvchi mukofotlar

Ergashev Zafar, Adliya vazirligi huzuridagi Huquqiy siyosat tadqiqot institutining Sud-huquq sohasi tahlili boʻlimi bosh maslahatchisi– 101 ball
(66-raqamli taqriz);

Boboyev Jamshid, Adliya vazirligi Markaziy apparati O‘zbekiston Respublikasi Prezidenti hujjatlari ijrosini nazorat qilish boshqarmasi yetakchi maslahatchisi – 101 ball – (92-raqamli taqriz);

Ibragimova Aziza, Toshkent davlat yuridik universiteti Biznes huquqi kafedrasi katta o‘qituvchisi – 100 ball – (57-raqamli taqriz).

Kitobxonlik musobaqasi barcha adliya organari va muassasalari xodimlari o‘rtasida o‘tkazildi. Tanlovda ishtirok etish istagida bo‘lgan xodim o‘zi o‘qigan kamida bitta kitob to‘g‘risida taqriz yozib jo‘natishi lozim.

Hakamlar ishlarni quyidagi mezonlar bo‘yicha baholadilar:
✅tanlangan kitobning maqsadga muvofiqligi: xodimning bilimi va kasbiy mahoratini rivojlantirishga ko‘maklashish ahamiyatiga egaligi;
✅taqrizda mustaqil fikrlash va dunyoqarashning, shaxsiy munosabatning aks etganligi;
✅taqrizning tahliliy jihati: asoslar va argumentlarga boyligi, qiyosiy va tanqidiy tahlil usullaridan samarali foydalanganlik;
✅imlo xatolardan xolilik, matnning grammatika va uslubiyot qoidalariga muvofiqligi.

Hakamlar hay'ati
Baholash jarayoni
Baholar va taqrizlar

Pirovardida, 6 hakamning baholari jamlanib, natijalar qayd etildi.

Gʻoliblar quyidagi sovg‘alar bilan taqdirlanadilar:

1-o‘rin – bukrider
2-o‘rin – mikroto‘lqinli pech
3-o‘rin – smart soat

G'oliblarni qutlaymiz!

@adliyangiliklari

#Adliya_tashabbus

⚡️Bugun Toshkentda nogironligi bo‘lgan shaxslar tomonidan tayyorlangan mahsulotlar IV Respublika savdo yarmarkasi o‘z ishini boshlaydi

Ushbu tadbir Adliya vazirligi tomonidan 2018-yildan buyon O‘zbekiston nogironlar jamiyati bilan hamkorlikda amalga oshirib kelinayotgan “Biz birgamiz” ijtimoiy loyihasi doirasida tashkil etilmoqda.

Yarmarkada o‘z uylarida turli xil buyum va mahsulotlar tayyorlash bilan shug‘ullanadigan, biroq ularni sotishda qiyinchiliklarga uchrayotgan nogironligi bo‘lgan shaxslar tayyorlagan mahsulotlar sotiladi.

Bugun va ertaga soat 10:00 dan 17:00 ga qadar shaharliklar hamda Toshkent mehmonlari yarmarkada ishtirok etib, o‘zgalar parvarishiga muhtoj va turmushda qiynalayotgan nogironligi bo‘lgan shaxslarning yashash sharoitlarini yaxshilashga o‘z hissasini qo‘shishi mumkin.

📍 Manzil: Toshkent shahri, Mirzo Ulug‘bek tumani, Temur Malik ko‘chasi, 3A-uy (“ECOBOZOR” savdo majmuasi)

@adliyangiliklari

#Adliya_tashabbus

📢 Adliya vazirligi “Jadid tafakkuri” nomli stipendiya uchun tanlov e’lon qiladi

Stipendiya tizimidagi ta’lim muassasalarida o‘qiyotgan talaba-o‘quvchilarda jadidchilik namoyandalarining davlat huquqi, adolatli jamiyat, inson huquqlari, milliy davlatchilikka oid g‘oyalarini o‘rganishga qiziqish uyg‘otish, yoshlar orasida Vatanga sadoqat va insonparvarlik g‘oyalarini targ‘ib qilish, bo‘lajak huquqshunoslarda novatorlik, ijodkorlik va yangicha dunyoqarashni shakllantirish maqsadida ta’sis etildi.

Topshirish vaqti: har yili oktabr oyining 1-haftasi (2022-yil istisno tariqasida 8-dekabr arafasi)

Yo‘nalish:
a) lisey va texnikumlar o‘quvchilari.
b) universitet talabalari.

Tanlov 2 bosqichdan iborat.
1-bosqichda nomzodning bilimi (jadidlarining faoliyati, huquqiy qarashlariga oid test hamda esselar);
2-bosqichda dunyoqarashi (zamonaviy fikrlashi, keng dunyoqarashi va takliflari) sinovdan o‘tkaziladi.

Turma – yugur,
Tinma – tirish,
Bukilma – yuksal!

@adliyangiliklari

#Adliya_tashabbus

📹 Navoiy viloyati adliya organlari, tuman (shahar) adliya bo‘limlarida “Huquqiy ko‘mak darchalari” tashkil etildi.

“Huquqiy ko‘mak darchasi” sud, xokimiyat, ichki ishlar, prokuratura, advokatura hamda boshqa tashkilotlar bilan hamkorlikda sudlar faoliyati bilan bog‘liq, sud-protsessual tartiblar haqida fuqarolarga og‘zaki huquqiy tushuntirishlar hamda maslahatlar beradi.

”Huquqiy ko‘mak darchasi”ning murojaatchiga huquqiy tushuntirish va maslahatlar berishi tavsiyaviy xarakterga ega bo‘ladi Bundan tashqari, murojaat etgan shaxslarga huquqiy yordam ko‘rsatish qonunchilikda belgilangan asoslarga ko‘ra rad etilishi ham mumkin. Bu manzilga fuqarolar belgilangan qabul soatlarida murojaat qilishlari lozim.

Bu darcha fuqarolarning huquqiy ongi va huquqiy madaniyatini yuksaltirishga hissa qo‘shadi. Bizga murojaat qiling. Biz adliya organlari xalq ichida.

@adliyangiliklari

#Adliya_tashabbus

Adliya vazirligi: Majburiy talablar qisqartirilib, lisenziya va ruxsat berish tartibi soddalashtirilmoqda

👉Batafsil

@adliyangiliklari