​#Adliya_aralashgach

⚡️Adliya organlari maktablardagi kadr xizmati xodimlariga 16 milliard so‘m kam oylik to‘langanligini aniqladi

Adliya vazirligi tizimidagi Yuridik xizmat ko‘rsatish markazlari tomonidan respublikadagi 9 758 ta davlat o‘rta ta'lim maktablaridagi kadrlar xizmati xodimlariga oylik maosh to‘lash amaliyoti o‘rganildi.

Ma'lumot uchun: Prezidentimiz qarorlariga muvofiq 2021-yil 1-oktabrdan respublikamizning barcha hududlarida Adliya vazirligi tizimida Yuridik xizmat ko‘rsatish markazlari tashkil etilgan.

O‘rganish o‘tkazilgan maktablarda 9 787 ta kadrlar xizmati xodimlari shtat birliklari mavjud bo‘lib, ularda 9 937 nafar (0,5 stavka ham qo‘shib hisoblaganda) xodimlar faoliyat yuritmoqda. Ushbu xodimlarning 911 nafari oliy ma'lumotli, 9 026 nafari oliy ma'lumotga ega bo‘lmagan mutaxassislardir.

Vazirlar Mahkamasining qaroriga ko‘ra, oliy ma'lumotli xodimlarning lavozim razryadlari – 7-razryad, oliy ma'lumotli bo‘lmagan xodimlarning lavozim razryadlari – 6-razryad etib belgilangan.

Biroq o‘rganish davomida aksariyat tuman va shahar xalq ta'limi bo‘limlari tomonidan maktablardagi kadrlar bo‘limi xodimlarining mehnatga haq to‘lash bo‘yicha lavozim razryadlari past belgilangani aniqlandi.

Xususan, 160 ta holatda 2-razryad, 1 353 ta holatda 3-razryad, 48 ta holatda 4-razryad, 4 000 ta holatda 5-razryad, 4 160 ta holatda 6-razryad va 216 ta holatda 7-razryad etib belgilangan.

Qonunchilikka zid ravishda past razryad bo‘yicha ish haqi to‘lanish holatlari yuzasidan hududiy adliya organlari tomonidan 1 832 ta ta'sir choralari kiritilib, unga ko‘ra 6 038 ta xodimning lavozim razryadini muvofiqlashtirish so‘ralgan.

Bundan tashqari, qonunchilik talablariga zid ravishda xodimlarning mehnatga haq to‘lash bo‘yicha lavozim razryadlari asossiz pasaytirilishi natijasida jami 16 mlrd so‘mga oylik maoshlar kam to‘langan.

Hozirda hududiy adliya organlari tomonidan sudlarga tegishli da'vo arizalari kiritilib, kam hisoblangan oylik maoshlarini to‘latib berish choralari ko‘rilmoqda.

Hozirgacha adliya bo‘limlari tomonidan ko‘rilgan choralar natijasida 3 mlrd so‘m to‘lab berildi va qolgan qismini ham undirish choralari ko‘rilmoqda.

Adliya vazirligi
Jamoatchilik bilan aloqalar bo‘limi

@adliyangiliklari

#Adliya_xabari

Adliya vazirligi: Gulnora Karimova tomonidan xorijga noqonuniy olib ketilgan mol-mulklar O‘zbekistonga qaytarilmoqda

👉Batafsil
____________

Министерство юстиции: незаконно вывезенные за рубеж активы продолжают возвращаться в Узбекистан

👉Подробнее

@adliyangiliklari

📣📣 2022-yil 16-fevral kuni soat 15:00 da Milliy matbuot markazida “Qabul qilinayotgan muhim qonun hujjatlarini keng aholi qatlamiga va tadbirkorlik subyektlariga yetkazish” mavzusida matbuot anjumani o‘tkazish rejalashtirilgan.

Tadbirda Adliya vazirligi mas'ul xodimlari ishtirok etib, muhim qonun hujjatlarini keng aholi qatlamiga va tadbirkorlik subyektlariga yetkazish usullari bo‘yicha tushuntirish berishadi.

OAV xodimlari va blogerlarni matbuot anjumaniga taklif qilamiz.

Matbuot anjuman translyatsiyasini UzReport TV telekanali va telekanalning Youtube va Facebookdagi sahifalari orqali onlayn yoritiladi.

Savol va murojaatlaringizni @MARKAZ16Uz ga yuboring.

@adliyangiliklari

​#Adliya_xabari

⚡️“Prava”ni yangisiga almashtirish uchun qayta imtihon topshirish kerak emas!

So‘ngi paytlarda Davlat xizmatlari markazlarida uzun navbatlar kuzatilmoqda. Buning sababi o‘rganilganda, tashrif buyuruvchilar orasida haydovchilik guvohnomasini hujjatning yangi namunadagisiga almashtirish muddati joriy yilning 1 martiga qadar ekanligi hamda shundan keyin haydovchilik guvohnomalarini almashtirishda qayta imtihon topshirish kerak bo‘ladi, degan noto‘g‘ri maʼlumot tarqalganligi bilan bog‘liq ekanligi aniqlandi.

Aziz haydovchilar!
Bu maʼlumot mutlaqo o‘rinsiz!

❗️Aholiga qulay bo‘lishi uchun, eski haydovchilik guvohnomasini yangi namunadagisiga almashtirish 2022 yil 31 dekabrga qadar davom etadi.

❗️Qayta imtihon varaqasi talab etilmaydi.

❗️ Eski haydovchilik guvohnomalari quyidagi muddatlarda yangisiga majburiy almashtiriladi:

● 2010 yilgacha berilganlari – 2022 yil 31 martgacha;
● 2010 – 2012 yillarda berilganlari – 2022 yil 30 iyungacha;
● 2013 – 2015 yillarda berilganlari – 2022 yil 30 sentyabrgacha;
● 2015 yildan keyin berilganlari – 2022 yil 31 dekabrgacha.

Bugungi kunda Davlat xizmatlari markazlarida eski namunadagi haydovchilik guvohnomangizni hujjatning yangi namunadagisiga almashtirish imkoni yaratilgan.

Eslatib o‘tamiz, xizmatdan foydalanish uchun ro‘yxatdagi IIBB YHXB bo‘limlariga ham murojaat qilishingiz mumkin.

@adliyangiliklari

#Adliya_aralashgach

Buxoro viloyati adliya boshqarmasi ko‘magi bilan 28 nafar xodim ishga qayta tiklandi. Shuningdek, 158 millilon 46 ming 145 so‘m miqdorida to‘lanmagan ish haqilari undirilishi ta'minlandi.

👉Batafsil

@adliyangiliklari

#Mutaxassis_sharhi

"Asoslimi... ?"

📹 Adliya vazirligi va Toshkent davlat yuridik universiteti bilan birgalikdagi yangi loyiha...

Uning ilk soni "Yo'llarimiz va yo'l infrastrukturasi insonlar uchunmi yoki...?" mavzusiga bag'ishlanadi.

👉🏻Batafsil

@adliyangiliklari

Toshkent davlat yuridik universitetining @kompromatuzb Telegram kanali tarqatgan xabarga
RADDIYASI

14-fevralda “Talabaning murojaati: “Toshkent davlat yuridik universitetdagi mantiqsizlik va adolatsizlik haqida!” sarlavhasi bilan tarqatgan xabar quyidagilarga ko‘ra asossiz va haqiqatga to‘g‘ri kelmaydi deb hisoblaymiz.

👉Batafsil

@adliyangiliklari

📣 Adliya vazirligi tomonidan ilk bor “Eng yaxshi yuridik xizmat” respublika tanlovi e’lon qilinadi

Tanlovda tashkiliy-huquqiy shaklidan qat’iy nazar barcha davlat organlari va tashkilotlarining yuridik xizmatlari ishtirok etishlari mumkin.

✅ Tanlovda ishtirok etish uchun namunaga muvofiq anketa to‘ldirilib [email protected] elektron pochtasiga joriy yilning 15-mart kuniga qadar yuboriladi.

Ishtirokchilardan hujjatlar (anketa) 2022-yil 15-fevraldan 15-martgacha [email protected] elektron pochtasi orqali qabul qilinadi.

📌 Tanlovda yakunlangan yil davomida amalga oshirilgan ishlar, ijobiy amaliyotlar inobatga olinadi.

🎁 Tanlov ishtirokchilarining hujjatlari ko‘rib chiqilib, joriy yilning 1-aprel kuni g‘oliblar Toshkent viloyatidagi “OLMOS” mehmonxonasida bo‘lib o‘tadigan final bosqichida sertifikat va qimmatbaho esdalik sovg‘alari bilan taqdirlanadilar.

@adliyangiliklari