#Adliya_xabari

Vazir oʻrinbosari “Huquq sinfi” sharoitlari bilan tanishdi

Adliya vaziri oʻrinbosari Alisher Karimov Yangiyoʻl tumanidagi 1-sonli umumtaʼlim maktabida yoshlar va oʻqituvchilar bilan uchrashuv oʻtkazib, maktabda zamonaviy koʻrgazmali oʻqitish vositalari bilan taʼminlangan “Huquq sinfi” sharoitlari bilan tanishdi.

Tashrif davomida vazir oʻrinbosari tomonidan yurtimizda yoshlarga yaratilayotgan imkoniyatlar, qonunchilikdagi imtiyozlar haqida gapirib, “Huquq sinfi”da zamonaviy axborot texnologiyalaridan keng foydalangan holda huquq fanini chuqurlashtirib oʻrgatish, “Huquqshunoslik” yoʻnalishi boʻyicha oʻquv rejalari asosida oʻquvchilarni taʼlimning keyingi bosqichlarida samarali tahsil olishga tayyorlash, tuman (shahar), viloyat va respublika olimpiadalari hamda boshqa tadbirlarda faol ishtirok etishga jalb qilish yuzasidan tegishli chora-tadbirlar belgilab berildi.

📌 Kanalga ulanish

#Adliya_xabari

Adliya vaziri oʻrinbosari Namangan viloyatida “Huquqiy mahalla” loyihasi doirasida amalga oshirgan ishlar bilan tanishmoqda

Adliya vaziri oʻrinbosari X.Meliyev dastlab “Huquqiy mahalla” loyihasi konsepsiyasi doirasida Toʻraqoʻrgʻon tumani “Zarbdor” mahallasida amalga oshirilgan ishlarning taqdimoti bilan tanishdi.

Toʻraqoʻrgʻon tumani “Zarbdor” mahallasidagi mavjud 1033 ta xonadon xatlovdan oʻtkazilib, 2529 ta huquqiy muammolar mavjudligi aniqlandi. Ulardan 2043 tasi hal etildi, qonun buzilish holatlari boʻyicha 7 ta korxona, tashkilotlarga taʼsir chorasi kiritildi, 3 marotaba “Adliya kuni” tadbirlari oʻtkazildi, aholi vakillariga 311 ta sayyor xizmatlar koʻrsatildi.

Shuningdek, “Huquqiy mahalla” konsepsiyasi doirasida aholining kundalik turmush tarzi bilan bogʻliq boʻlgan qonunchilik normalari (imtiyozlar, huquqlar va boshqa) roʻyxati shakllantirilib, ularning amalda ishlash holati tahlil qilindi. Xususan, mahalla hududidagi asosiy yoʻl boʻlgan Doʻstlik koʻchasiga piyodalar yoʻlagi chiziqlari chizildi, 44-sonli umumtaʼlim maktabi atrofiga koʻchma svetofor oʻrnatildi, 1033 dan ortiq xonadonni ichimlik suv bilan taʼminlovchi suvnasosi yangilanib, aholiga suvni yetkazib berish bosimi kuchaytirildi.

Bundan tashqari, “mahalla yettiligi” faoliyatini metodik taʼminlash maqsadida xodimlarga nizomlar, namunaviy hujjatlar, uslubiy qoʻllanmalar taqdim qilindi. 67 nafar shaxs mediatorlikka oʻqitilib, ularga sertifikatlar topshirildi. Vazir oʻrinbosari uyma-uy oʻrganishlar davomida aniqlangan kamchiliklarni bartaraf etish hamda aholini muammolarini qonuniy hal etish choralarini koʻrish kerakligini taʼkidladi.

Shuningdek, Davlatobod tumani “Orzu” mahallasida “Huquqiy mahalla” loyihasi doirasida amalga oshirilayotgan ishlar bilan ham yaqindan tanishilib, “mahalla yettiligi” bilan muloqot oʻtkazildi.

📌 Kanalga ulanish

#Adliya_xabari

Adliya vazirligi huzuridagi X.Sulaymonova nomidagi Respublika sud ekspertizasi markazi va Kriminologiya tadqiqotinstituti oʻrtasida hamkorlik yoʻlga qoʻyildi

Adliya vazirligi huzuridagi X.Sulaymonova nomidagi Respublika sud ekspertizasi markazi va Kriminologiya tadqiqotinstituti oʻrtasida sud ekspertlik faoliyati sohasida oʻzaro hamkorlik toʻgʻrisida memorandum imzolandi.

Memorandumga asosan
➖ilm-fan va texnologiyalar ilgʻor yutuqlaridan kriminologik va sud-ekspertlik faoliyati samaradorligini oshirishdafoydalanish,
➖xalqaro va xorijiy tashkilotlar grantlarini jalb etish,
➖sud-ekspertlik faoliyatini ilmiy jihatdan taʼminlashda uslubiy yordam koʻrsatish asosiy maqsad qilib olindi.

Tomonlar ilmiy hamkorlik dasturlari tuzish, hamkorlikda tadbirlarni amalga oshirish, ijobiy ish tajribalarini almashish, shu jumladan, oʻzaro amaliyot va maslahatlashuvlarni amalga oshirishga kelishib oldilar.

📌 Kanalga ulanish

#Adliya_xabari

Adliya vaziri oʻrinbosari Davlatobod tumanida sayyor qabul oʻtkazdi

Adliya vaziri oʻrinbosari X.Meliyev ishtirokida Davlatobod tumanida sayyor qabul oʻtkazildi. Unda fuqarolarni qiynayotgan asosiy masalalar- kadastr va shaxsga doir hujjatlarni rasmiylashtirish, bandlik, moddiy yordam, sogʻlomlashtirish maskanlariga yoʻllanma olish hamda oilaviy munosabatlar bilan bogʻliq masalalarga qonuniy yechim izlandi.

Kun davomida 40 nafardan ziyod fuqaro qabul qilinib, ularning 30 dan ortiq masaladagi murojaati tinglandi. 12 ta murojaat boʻyicha huquqiy tushuntirish berildi, 13 ta murojaat joyida ijobiy hal etildi.

Jumladan, “Irvadon” mahallasida yashovchi fuqaroning subsidiya asosida tikuv mashinasi berishni soʻrab qilgan murojaati hal etilib, zamonaviy tikuv mashinasi berildi. Shu bilan birga, 8 nafar fuqaroning murojaati oʻrganish talab etganligi sababli tuman adliya boʻlimi ish yurituviga olindi.

📌 Kanalga ulanish

#Adliya_xabari

Adliya vaziri oʻrinbosari Xudoyor Meliyev Yangi Namangan tumani adliya boʻlimi faoliyati bilan tanishdi.

Vazir oʻrinbosari tomonidan adliya organlarining asosiy vazifasi qonunchilikni takomillashtirish boʻyicha takliflar ishlab chiqish, aholining huquqiy madaniyatini oshirishda mahallalardagi faollar imkoniyatidan foydalanish, “mahalla yettiligi” bilan bevosita hamkorlikni yoʻlga qoʻyish, aholining huquqiy ongini oshirishga xizmat qilishi taʼkidlab oʻtildi.

Yangi Namangan tumani, davlat xizmatlari markazlari hamda yuridik xizmat koʻrsatish markaziga borib, jismoniy va yuridik shaxslarni davlat xizmatlaridan tez va sifatli foydalanishlari uchun yaratilayotgan shart-sharoitlarni koʻzdan kechirdi.

Xodimlar bilan suhbat davomida aholiga xizmat koʻrsatishda tezkorlik va aniqlikka alohida eʼtibor qaratish lozimligi tushuntirildi.

📌 Kanalga ulanish

#Adliya_xabari

Adliya vaziri oʻrinbosari tomonidan Chinoz tumanining “Qozi” mahallasida sayyor qabul tashkil etildi

Adliya vaziri oʻrinbosari Alisher Karimov ishtirokida Toshkent viloyati Chinoz tumanida sayyor qabul oʻtkazildi. Unda fuqarolarni qiziqtirayotgan asosiy masalalar — ishga joylashish, ijtimoiy himoya, kadastr va shaxsga doir hujjatlarni rasmiylashtirish, bandlik, moddiy yordam, sogʻlomlashtirish maskanlariga yoʻllanma olish hamda oilaviy munosabatlar bilan bogʻliq masalalarga huquqiy tushuntirishlar berildi.

Sayyor qabullar davomida 53 nafarga yaqin fuqarolarning murojaatlari tinglanib, shundan 27 tasi joyida hal etildi, 16 tasiga huquqiy tushuntirishlar berildi hamda 10 ta murojaatlar ish yurituviga olindi.

Shu joyning oʻzida markaz xodimlari tomonidan 20 ga yaqin sayyor davlat xizmatlari ham koʻrsatildi.

📌 Kanalga ulanish

#Adliya_xabari

Adliya vaziri oʻrinbosari Toʻraqoʻrgʻon tumani adliya boʻlimi faoliyati bilan tanishdi

Adliya vaziri oʻrinbosari Xudoyor Meliyev Toʻraqoʻrgʻon tumani adliya boʻlimi, davlat xizmatlari markazlari, FHDY organi hamda yuridik xizmat koʻrsatish markazida jismoniy va yuridik shaxslarning davlat xizmatlaridan tez, oson va qulay foydalanishlari uchun yaratilgan sharoitlar bilan tanishdi.

Xodimlar bilan olib borilgan muloqotda koʻrsatilayotgan xizmatlar sifatini aniqlash va mavjud kamchiliklarni bartaraf etish bilan bir qatorda, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish koʻnikmalarini oshirish kerakligi taʼkidlandi.

Shuningdek, Toʻraqoʻrgʻon tumani fuqarolik holati dalolatnomalarini yozish boʻlimi faoliyatini oʻrganish jarayonida davlat xizmatlari markazining ikkinchi qavatida qayta taʼmirlab, jihozlangan tantanali nikohdan oʻtkazish joyi koʻzdan kechirildi.

📌 Kanalga ulanish

#Adliya_xabari

Adliya vazirligida zamonaviy texnologiyalar boʻyicha amaliy seminar oʻtkazildi

Adliya vazirligi xodimlari uchun zamonaviy texnologiyalar sohasida amaliy bilim va koʻnikmalarni oshirishga qaratilgan seminar boʻlib oʻtdi. Maqsad — xodimlarining kasbiy malakasini oshirish va ularni zamonaviy axborot texnologiyalari, jumladan sunʼiy intellekt sohasidagi bilimlar bilan taʼminlashdir.

Seminarda “Mohirdev” MChJ rahbari Anvar Narzullayev maʼruzachi sifatida ishtirok etdi. U sunʼiy intellekt texnologiyalari tarixi, ular yordamida maʼlumotlarni toʻplash va tahlil qilish usullari hamda sunʼiyi intellektning istiqbollari haqida batafsil maʼlumot berdi.

Tadbir davomida Anvar Narzullayev tomonidan quyidagi mavzular ochib berildi:
➖Sunʼiy intellekt texnologiyalarining rivojlanish bosqichlari va ularning bugungi kundagi oʻrni;
➖Maʼlumotlarni avtomatlashtirilgan tarzda yigʻish va tahlil qilish imkoniyatlari;
➖Sunʼiy intellektning davlat boshqaruvi va huquqiy sohalardagi qoʻllanilishi;
➖Kelajakda sunʼiy intellekt texnologiyalaridan foydalanishning istiqbollari.

Seminar yakunida ishtirokchilar oʻzlarini qiziqtirgan savollarga soha vakillaridan javob oldi.

📌 Kanalga ulanish

#Adliya_xabari

Adliya vaziri o‘rinbosari ishtirokida sayyor qabul o‘tkazildi

Adliya vaziri o‘rinbosari X.Meliyev tomonidan O‘ltinko‘l tuman “Dalvarzin” MFY binosida sayyor qabul tashkil etildi.

Qabulda viloyat adliya boshqarmasi, tuman adliya bo‘limi mas’ul xodimlari, xususiy amaliyot bilan shug‘ullanuvchi notariuslar, “mahalla yettiligi” a’zolari hamda mutasaddi tashkilotlar rahbarlari ishtirok etdi.

Sayyor qabullar davomida 22 nafar fuqarolarning murojaatlari tinglanib, shundan 2 tasi joyida hal etildi, 4 tasiga huquqiy tushuntirish berildi hamda 16 ta murojaat o‘rganib chiqish uchun ish yurituvga olindi.

📌 Kanalga ulanish