#Bir_murojaat_izidan

29 yoshli Shakarboy Ravshanov yosh bo‘lsa-da, hayotning achchiq sinovlariga erta duch keldi. Oilaviy muammolar sabab uning tug‘ilganligi vaqtida qayd etilmasdan qoldi va bu uning kelajak hayotiga katta to‘siqlarni yuzma-yuz qo‘ydi.

Ta’lim, ishga joylashish, boshqa huquq va imkoniyatlar eshigi uning uchun yopiq edi. Chunki unda tug‘ilganligini rasman tasdiqlovchi biror bir hujjat, hatto arxiv ma’lumotlar ham saqlanmagan. Tashkilotlar eshigi oldida sarson bo‘lgach u adliyaga murojaat qildi.

Payariq tuman adliya bo‘limi uning manfaatida Fuqarolik ishlari bo‘yicha Payariq tumanlararo sudiga ariza kiritdi va sud adliya bo‘limining arizasini qanoatlantirdi. Tuman 1-son FHDY bo‘limi sud qarori asosida tug‘ilganlik guvohnomasi rasmiylashtirib berdi. Shakarboyga pasport olishda ham amaliy ko‘mak berildi. Bugungi kunda u yaxshi kasbni etagini tutgan.

🖥 Каналга уланиш

#Bir_murojaat_izidan

Manzilli ravishda oʻtkazilayotgan huquqiy oʻrganishlar odamlarga yopiq boʻlgan koʻplab imkoniyatlar eshiklarini ochmoqda. Xususan, Payariq tuman adliya boʻlimining “Juvozxona” mahallasidagi huquqiy oʻrganishlarida fuqaro Mohira Abdiyeva kenja farzandi 7 yoshga toʻlgani, ammo maktabga qabul qilinmayotganini maʼlum qilgan.

Oʻrganishlarda fuqaro bundan yetti yil muqaddam pasportini yoʻqotgani, moliyaviy muammolar bois, bolaga tugʻilganlik guvohnoma ololmagani aniqlandi.

Adliya boʻlimi homiylarni jalb qilgan holda ichki ishlar organlari bilan hamkorlikda fuqaroga pasport olishda koʻmaklashdi va shundan soʻng bolaga tuman 1-son FHDY boʻlimi tomonidan guvohnoma rasmiylashtirildi. Fuqaroning farzandi bugun tengqurlari kabi maktabda taʼlim olmoqda.

📌 Kanalga ulanish

#Bir_murojaat_izidan

Sergeli tumanida uyi yonib ketgan ayolning farzandlari va o’zining hujjatlari tiklab berildi.

📌 Kanalga ulanish

#Bir_murojaat_izidan

Adliya aralashuvi natijasida 3 nafar fuqaroga Oʻzbekiston Respublikasi fuqaroligi berildi

“Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” Prezident Farmoni ijrosini taʼminlash maqsadida Kosonsoy tuman adliya boʻlimi tomonida mahallalarda uyma-uy oʻrganishlar olib borilgan. Mazkur oʻrganishlar davomida Kosonsoy tumanida yashovchi Qodirjon Nasriddinov, Sevaraxon Mirzayeva, Karimaxon Ortiqovaning fuqaroligi yoʻqligi aniqlandi.

Fuqarolarning murojaati asosida oʻrganishlar olib borildi. Oʻrganishlar yakuni boʻyicha toʻplangan hujjatlar Fuqarolik ishlari boʻyicha Yangiqoʻrgʻon tumanlararo sudiga kiritilishi natijasida 3 nafar fuqaroning 20 yildan ortiq Oʻzbekiston Respublikasida doimiy yashaganlik fakti belgilanib, Kosonsoy tuman Ichki ishlar boʻlimi migratsiya va fuqarolikni rasmiylashtirish boʻlimi tomonidan 3 nafar fuqaroga Oʻzbekiston Respublikasi fuqarolik pasporti topshirildi.

📌 Kanalga ulanish

#Bir_murojaat_izidan

Mahallalarda harbiy hisobni yurituvchi sobiq xodimlarning 6 nafari adliya himoyasida oʻz haq-huquqini tikladi. Ish sudga koʻchguncha, sobiq xodimlar mehnatga haq toʻlashdagi huquqbuzarlikni anglab tuman adliya boʻlimiga murojaat qoldirgan.

Adliya idorasi mahallalarda harbiy hisobni yurituvchi sobiq xodimlarning manfaati himoyasida mahalla uyushmasi tuman boʻlimiga nisbatan sudga daʼvo arizasi kiritdi va ijobiy natijaga erishdi.

📌 Kanalga ulanish

#Bir_murojaat_izidan

Adliya aralashuvi bilan 1 ming 162 nafar xodimning konstitutsiyaviy huquqi tiklandi

Xususan, Sirdaryo-Soʻx irrigatsiya tizimlari havza boshqarmasi huzuridagi nasos stansiyalari va energetika boshqarmasi xodimlari oylik ish haqi toʻlovlarini oʻz vaqtida berilmayotganligi hamda huquqlarini tiklanishida amaliy yordam berishni soʻrab Fargʻona viloyat adliya boshqarmasiga murojaat qildi.

Mazkur murojaat yuzasidan Sirdaryo-Soʻx irrigatsiya tizimlari havza boshqarmasida monitoring oʻtkazilganda, boshqarmaning 1 ming 162 nafar xodimlariga haqiqatan ham ishlangan kunlari uchun oylik ish haqlari toʻlanmasdan, qonunchilik talablari buzilganligi oydinlashdi.

Vaholanki, Oʻzbekiston Respublikasi Konstitutsiyasining 42-moddasiga asosan har kim munosib mehnat qilish, kasb va faoliyat turini erkin tanlash, xavfsizlik va gigiyena talablariga javob beradigan qulay mehnat sharoitlarida ishlash, mehnati uchun hech qanday kamsitishlarsiz hamda mehnatga haq toʻlashning belgilangan eng kam miqdoridan kam boʻlmagan tarzda adolatli haq olish, shuningdek, ishsizlikdan qonunda belgilangan tartibda himoyalanish huquqiga ega.

Yuqoridagilarga asosan, Sirdaryo-Soʻx irrigatsiya tizimlari havza boshqarmasi huzuridagi nasos stansiyalari va energetika boshqarmasiga qonun buzilish holati yuzasidan taqdimnoma kiritildi hamda uning natijasi boʻyicha tashkilotning 1ming 162 nafar xodimlariga haqiqatda ishlangan kunlari uchun 1 mlrd 676 mln soʻm oylik ish haqlari toʻlab berildi.

📌 Kanalga ulanish

#Bir_murojaat_izidan

11 yil kutgan onaning orzusi roʻyobga chiqdi

Beruniy tumanidagi bir onaning 11 yillik muammosi nihoyat oʻz nihoyasiga yetdi. Oʻz farzandlarining tugʻilganligini rasmiy qayd ettirish orzusida yillab sarson boʻlgan ona muammosi Beruniy tuman adliya boʻlimining koʻmagi bilan hal qilindi.

👉Batafsil

📌 Kanalga ulanish

#Bir_murojaat_izidan

Oʻktamjon Pattanov: 19 yillik muammo adliya va sud idoralari tomonidan yechim topganidan minnatdorman

Fargʻona shahar adliya boʻlimida fuqarolik ishlari boʻyicha Fargʻona tumanlararo sudi tomonidan oʻtkazilgan navbatdagi sayyor sudda adliya boʻlimiga kelib tushgan murojaatlar oʻrganildi, fuqarolarning uzogʻi yaqin boʻldi va murojaatlari ijobiy yechim topdi.

Batafsil 👉videolavhada.

📌 Kanalga ulanish

#Bir_murojaat_izidan

Taxiatosh tuman adliya boʻlimi koʻmagi bilan 10 nafar fuqaroligi boʻlmagan shaxslarga Oʻzbekiston Respublikasining fuqaroligini olishda amaliy yordam berildi.

👉Batafsil

📌 Kanalga ulanish

#Bir_murojaat_izidan

Hujjatlar qayta tiklandi

Namangan viloyat huquqni muhofaza qiluvchi idoralar rahbarlar ishtirokida Uychi tumani “Dehqon” MFYda oʻtkazilgan sayyor qabulda “Boʻston” mahallasida yashovchi fuqaro Shoira Asqarova viloyat adliya boshqarmasi boshligʻiga murojaat qilib, yashash xonadoni yonib ketganligi sababli oila aʼzolarining shaxsga doir hujjatlarini qayta tiklashda amaliy yordam soʻragan edi.

Uychi tuman adliya boʻlimi xodimlari tomonidan fuqaro Sh.Asqarova hamda uning oila aʼzolariga tegishli 5 ta tugʻilganlik haqidagi guvohnoma va nikoh guvohnomasi qayta rasmiylashtirib berildi.

📌 Kanalga ulanish

#Bir_murojaat_izidan

Zulfiya Otajonova: Notoʻgʻri hisoblangan qarzdorlik tufayli 7 oy uxlolmadim

Margʻilon shahar 25-sonli davlat maktabgacha taʼlim tashkiloti direktori Zulfiya Otajonova oʻz rahbarlik faoliyati davomida chigal vaziyatga tushib qoldi.

Muammoga yechim va adolat izlab, shahardagi adliya organiga murojaat qildi.

Margʻilon shahar Adliya boʻlimi xodimlarining hujjatlar bilan tanishishi va qonun doirasidagi samarali saʼy-harakatlari oʻz natijasini berdi. Mavjud muammo sud tartibida ijobiy hal etildi.

Batafsil 👉 videoda

📌 Kanalga ulanish

#Bir_murojaat_izidan

Tadbirkor foydasiga 440 million soʻmdan ziyod pul mablagʻlari undirildi

Chortoq tumani adliya boʻlimiga fuqaro O.Ummatov 2016-yil 10-iyundagi oldi-sotdi shartnomasiga asosan Chortoq tumani, umumiy yer maydoni 214,1 kvadrat metr tashkil qiluvchi “Choyxona” bino-inshootlarini sotib olgan va ushbu koʻchmas mulkka boʻlgan huquqlari davlat roʻyxatidan oʻtkazilib, bu haqida 2016-yil noyabr oyida guvohnoma berilganligini maʼlum qilib, kompensatsiya undirishni soʻrab qilgan murojaati oʻrganib chiqildi.

👉Batafsil

📌 Kanalga ulanish

#Bir_murojaat_izidan

Adliya idoralari odamlar muammolariga qonuniy javob berish uchun har bir murojaat izi ortidan huquqiy yechimni topadi. Toʻgʻri bu izlanish vaqt talab etadi, keragida sud idoralariga murojaat qilinadi.

Konimexlik fuqaro Batis Tulebayeva shifokor. U ishlagan tashkilotida mehnatga haq toʻlashda rahbar shifokorlarga ustamalar mavjudligidan bexabar boʻlgan. Yillar davomida oylik maoshiga ustama toʻlanmay kelinayotganini bilgan fuqaro adliyaga murojaat qildi.

Konimexlik tadbirkor Muzaffar Bahranov esa davlat tashkiloti uchun qurilish taʼmirlash ishlarini amalga oshirgan. Lekin bajarilgan xizmat uchun puldan darak boʻlmagan. Gap 1 milliard 200 million soʻm pul haqida bormoqda.
Batafsil videoda

📌 Kanalga ulanish