#Adliya_va_yoshlar

Toshkent davlat yuridik universitetida yoshlar uchun “Ochiq eshiklar kuni” tashkil etildi

Toshkent shahri va Toshkent viloyati adliya boshqarmalariga biriktirilgan 120 nafar otaliqqa olingan yoshlar hamda Toshkent shahridagi 24-ixtisoslashtirilgan maktabining 50 nafar talabalari jalb qilingan holda Toshkent davlat yuridik universitetida “Mamlakat kelajagi – qonunga itoatkor va huquqbuzarlikka toqatsiz yoshlar bilan” shiori ostida "Rektor va yoshlar" uchrashuvi, "Ochiq eshiklar kuni" va “Men qanday talaba bo‘ldim” tadbirlari tashkil qilindi.

Tashrif buyurgan yoshlar avvalo universitetda yoshlar uchun yaratilgan sharoitlar va imkoniyatlar bilan tanishdilar va ta’lim olayotgan talabalar bilan yaqindan fikr almashdilar.

Yoshlar bevosita universitetda tashkil qilinayotgan yirik loyiha — BMT modeli loyihasida ishtirok etib, o‘z bilimlarini yanada oshirdilar.

Bundan tashqari, ta’lim dargohi rektori bilan motivatsion uchrashuv hamda interaktiv o‘yinlar yoshlar uchun juda sermazmun bo‘ldi.
Yoshlar o‘zlarining fikrlari bilan o‘zaro o‘rtoqlashdi.

Tadbir so‘ngida talabalar tomonidan sahnalashtirilgan spektakl namoyish qilindi.

📌 Kanalga ulanish

#Adliya_xabari

O‘zbekiston intellektual mulk sohasidagi yana bir xalqaro shartnomani imzoladi
 
Joriy yilning 11–22-noyabr kunlari Saudiya Arabistoni poytaxti Ar-Riyod shahrida Butunjahon intellektual mulk tashkiloti (BIMT) tomonidan Namunalar bo‘yicha qonunlar to‘g‘risidagi shartnoma (Design Law Treaty) loyihasini ko‘rib chiqish va imzolash maqsadida diplomatik konferensiya tashkil etildi.

Unda BIMTga a’zo 193 ta mamlakat, jumladan O‘zbekiston ham ishtirok etdi.

Mazkur xalqaro hujjatni imzolash masalasi Adliya vazirligi tomonidan Tashqi ishlar vazirligi hamda boshqa tegishli manfaatdor vazirlik va idoralar bilan hamkorlikda belgilangan tartibda ishlab chiqildi.

O‘zbekiston nomidan ushbu xalqaro shartnomani Saudiya Arabistonidagi O‘zbekistonning favqulodda va muxtor elchisi N. Turg‘unov imzoladi.

Shartnomaning asosiy maqsadi hunarmandlar, dizaynerlar va muhandislar uchun sanoat namunalarini davlat ro‘yxatidan o‘tkazish tartibini soddalashtirish, yagona xalqaro standartlarni belgilash, shuningdek, ular ishlab chiqarayotgan mahsulotlarni ichki va tashqi bozorda himoya qilish uchun qulay shart-sharoitlar yaratish hisoblanadi.

Ta’kidlash joizki, 2024-yilning 5-iyunida O‘zbekiston Sanoat namunalarini xalqaro ro‘yxatdan o‘tkazish bo‘yicha Gaaga tizimiga a’zo bo‘ldi. Ushbu tizim orqali sanoat namunasini bir hujjat orqali 75 ta davlatda ro‘yxatdan o‘tkazish imkoniyati yaratildi.

Ma’lumot uchun: 2024-yilning 10 oyligi davomida Adliya vazirligiga sanoat namunasiga oid 213 ta talabnoma kelib tushgan bo‘lib, shundan ekspetiza natijalariga ko‘ra 153 ta obyekt ro‘yxatga olingan.
 
📌 Kanalga ulanish

Adliya vazirligida Vazirlar Mahkamasi xodimlarining iqtisodiy o‘qish dasturi doirasida Vazirlar Mahkamasi xodimlari uchun jismoniy va yuridik shaxslarning murojaatlari bilan ishlash yo‘nalishida o‘quv seminari tashkil etildi.

Unda adliya vaziri o‘rinbosari Sh. Rabiyev ishtirok etib, yig‘ilish ishtirokchilariga murojaatlar bilan ishlashning huquqiy asoslari yuzasidan hamda adliya organlari tomonidan fuqarolarning huquqiy muammolarini hal etishda amalga oshirilayotgan ishlar bo‘yicha ma’lumot berib o‘tdi.

📌 Kanalga ulanish

#Sayyor_qabul

Xorazm viloyat adliya boshqarmasida Intellektual mulk obyektlarini muhofaza va himoya qilish boʻyicha sayyor qabul tashkil etildi.

Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Xorazm viloyatida tadbirkorlar va hunarmandlar ishtirokida sayyor qabul oʻtkazilib, intellektual mulk obyektlarini roʻyxatdan oʻtkazish tartibi va kontrafakt mahsulotlar ishlab chiqarganlik uchun belgilangan taʼsir choralari yuzasidan tushuntirish berildi.

Shuningdek, qabul davomida oʻz brendiga ega boʻlishni istagan shaxslarning talabnomalarini topshirish boʻyicha sayyor xizmatlar koʻrsatildi.

Tadbir ishtirokchilari kontrafakt mahsulotlar katalogi va tarqatma materiallari bilan taʼminlanib, ularni qiziqtirgan savollar yuzasidan batafsil huquqiy tushuntirishlar berildi.

📌 Kanalga ulanish