#Adliya_xabari

“Zarbdor”da keng qamrovli sayyor qabul oʻtkazildi

“Huquqiy mahalla” loyihasi konsepsiyasi doirasida Toʻraqoʻrgʻon tumanining “Zarbdor” mahallasida ilk bor kompleks ravishda ishlar boshlandi. Bugungi kunda mahallada 1 033 ta xonadonda 4,4 ming nafardan ortiq aholi istiqomat qiladi.

Elektron platforma soʻrovnomasi asosida aholining huquqiy bilim va muammolari manzilli tartibda oʻrganildi va natijada mavjud muammolarni mutaxassislar ishtirokida ijtimoiy, huquqiy, iqtisodiy yoʻnalishlarda hal etish maqsadida sayyor qabul oʻtkazildi. Unda adliya organlari bilan bir qatorda hududdagi turli davlat organlari va tashkilotlari ishtirok etdi.

Sayyor qabul va ijtimoiy-huquqiy tadbirlar doirasida 300 nafarga yaqin fuqarolar qamrab olindi. Xususan, 40 nafarga yaqin fuqaroning murojaatlari tinglandi. Shundan 22 tasi ish yurituviga olindi, 18 tasiga joyida tushuntirish berildi. Ish yurituviga olingan murojaatlardan 4 tasi hal etildi, shundan 2 tasi kadastr hujjatlari bilan bogʻliq, 2 tasi taʼlim krediti bilan bogʻliq.

📌 Kanalga ulanish

#Adliya_xabari

Advokaturada kasbiy standartlarni taʼminlash boʻyicha seminar oʻtkazildi

👉Batafsil

📌 Kanalga ulanish

#Adliya_xabari

Adliya vaziri Akbar Toshqulov Jizzaxga xizmat safarini “Huquqiy mahalla” loyihasi doirasida amalga oshirilgan ishlar bilan tanishishdan boshladi.

Zarbdor tumanining “Taraqqiyot” mahallasida tashkil etilgan “Huquqiy mahalla” loyihasi doirasida hududdagi jami 728 ta xonadonlar qamrab olinib, birinchi bosqichda muammolar oʻrganilgan boʻlsa, keyingi jarayonlarda ularni hal etish, birlamchi huquqiy koʻmak koʻrsatish, metodik yordam berish, manzilli va predmetli targʻibot tadbirlarini oʻtkazish borasida uyushqoqlik bilan amaliy ishlar olib borildi.

Olib borilgan saʼy-harakatlar davomida jami 2 687 ta huquqiy muammolar aniqlanib, shundan 2 053 tasi ijobiy hal etilishiga erishildi. Xususan, 642 ta xonadonning kadastr hujjatlarida kamchiliklari borligi aniqlanib, tegishli tashkilotlar koʻmagida hal etish choralari koʻrilmoqda. Ishchi guruh koʻmagi bilan 20 nafar fuqarolarning nogironligi belgilandi, 7 nafar ayollarning aliment pullari undirib berildi, 15 nafar fuqarolarning pensiya va nafarlari borasidagi kamchiliklari bartaraf etildi, 5 nafar fuqaro manfaatida yuridik faktni belgilash boʻyicha sudlarga daʼvo arizalari kiritildi. Shu bilan birga, meros ishi daftarlarga kiritish, kommunal, tadbirkorlik, turli imtiyozlarni qoʻllash borasida ham qator yordamlar koʻrsatildi.

Qisqa davr mobaynida amalga oshirilgan salmoqli ishlar sarhisobi boʻyicha yoʻnalishlar tomonidan taqdimotlar tayyorlandi. Zarbdor tajribasi asosida mazkur loyihani butun respublikamiz boʻylab amalga oshirish yuzasidan aniq rejalar va chora tadbirlar ishlab chiqilib, kelgusidagi vazifalar belgilab olindi.

📌 Kanalga ulanish

#Intellektual_mulk

Tadbirkorlarga intellektual mulk obyektlarini muhofaza va himoya qilish boʻyicha joyiga chiqqan holda amaliy yordam koʻrsatilmoqda

Adliya vazirligi Intellektual mulk departamenti va “Intellektual mulk markazi” davlat muassasasi xodimlari tomonidan Navoiy viloyatida faoliyat yurituvchi tadbirkorlik subyektlari va hunarmandlar ishtirokida tovar belgisiga ega boʻlishning afzalliklari toʻgʻrisida sayyor uchrashuv tashkil etildi.

Uchrashuv davomida intellektual mulk obyektlari xususan, tovar belgilari va geografik koʻrsatkichlarni roʻyxatdan oʻtkazish uchun talabnoma topshirish boʻyicha master-klass oʻtkazildi.

“Navoiy ishonch gilamlari” MChJ hamda “Tiancheng stone” MChJ QK faoliyati bilan tanishildi va ular tomonidan ishlab chiqarilayotgan mahsulotlarda ishlatiladigan “NIG” hamda “ Tiancheng stone” jamlama koʻrinishdagi belgilarini milliy va xalqaro darajada tovar belgisi sifatida roʻyxatdan oʻtkazish uchun tavsiyalar berildi.

Shuningdek, intellektual mulk obyektlarini himoya qilish uchun tegishli davlat organlariga murojaat qilish, tovar belgilariga nisbatan huquqbuzarlik uchun javobgarlik choralari toʻgʻrisida batafsil maʼlumot berildi.

📌 Kanalga ulanish