#Adliya_va_yoshlar

Yoshlar bilan harbiy qismda bir kun

Xovos tuman adliya bo‘limi tomonidan yozgi ta’til davrida yoshlarning, xususan, bo‘limga otaliqqa biriktirilgan maktab o‘quvchilarining bo‘sh vaqtini mazmunli tashkil etishga alohida e’tibor qaratilmoqda. Xususan Ochiq eshiklar kuni doirasida tuman adliya bo‘limi tashabbusi bilan Shirin shaharidagi harbiy qismga xovoslik yoshlarning sayohati tashkil qilindi.

👉Batafsil

@adliyangiliklari

#Adliya_va_yoshlar

Zangiotalik yoshlar uchun Toshkent davlat yuridik universitetida "Ochiq eshiklar kuni" tashkil etildi

Toshkent viloyati adliya boshqarmasi yoshlarni kasbga yoʻnaltirish, ularning boʻsh vaqtini mazmunli tashkil etish hamda huquqshunoslik kasbining obroʻsi va nufuzini oshirish maqsadida amaliy tadbirlarni tashkil etishi davom etmoqda.

Xususan, Zangiota tumanidagi “Turkiston” va “Qahramon” mahallalarida istiqomat qiluvchi yoshlarning Toshkent davlat yuridik universitetiga sayohati tashkil etildi. Tadbir davomida yoshlarga universitet tarixi, oʻquv yoʻnalishlari va imkoniyatlari haqida batafsil maʼlumotlar berildi.

Shundan soʻng, yoshlar Temuriylar tarixi davlat muzeyida ham boʻlib, Sohibqiron va uning avlodlari haqida hikoya qiluvchi rang-barang eksponatlar bilan yaqindan tanishdi.

@adliyangiliklari

#Adliya_va_yoshlar

Fargʻonada adliya koʻmagi bilan 22 mingdan ortiq yoshlarning sharoitlari yaxshilanmoqda

Ozodbek Tojimatov Oltiariq tumanining “Yangiturmush” mahallasida onasi bilan birga istiqomat qiladi. U qoʻli gul mashina ustasi. Biroq u avtoulovlarni taʼmirlashda kerak boʻladigan texnik vositalarga ehtiyoji bor. Adliya vakillari uning ehtiyojidan kelib chiqib zarur boʻlgan texnik toʻplamga ega boʻlishda amaliy yordam berdi.

Quvasoy shahrining “Huvaydo” mahallasida yashovchi Bahriddin Omonaliyev amakisi bilan birga istiqomat qiladi. U yuk mashinalarni taʼmirlashni oʻrganish uchun qoʻshnisiga shogirdlikka tushgan. Faqat uning bir ehtiyoji — payvandlash apparatiga ega boʻlish edi. Mahalladagi yoshlar yetakchisi orqali u bu ehtiyojini adliya boshqarmasi vakillari yetkazdi. Koʻp oʻtmay “adliyachilar” tomonidan unga zarur boʻlgan vositalar homiylik mablagʻlari asosida olib berildi.

Quvasoylik Umidjon Odilov yoshligidan metalldan buyum va turli shakllar yasaydi. Yaqinda payvandchilik kasbiga ham oʻqib olgan. U mana shu hunari orqali moddiy ehtiyojlarini qoplash va halol kasb qilish niyatida. Faqat sharoiti tufayli payvandlash uskunasini olishga biroz oʻylanib turgan edi. Mahalla yetakchisining maslahati bilan u adliya vakillariga murojaat qildi va unga payvandlash uskunasi homiylik asosida olib berildi.

Quvasoylik Ilhom Oʻktamov yaqinda migrantlikdan qaytdi. Musofirchilikning ogʻir kunlarini boshidan kechirgan Ilhomjon quyosh panellarini oʻrnatish va taʼmirlash bilan shugʻullanmoqchi. Mahalla yetakchisining tavsiyasi bilan unga shuruplash uskunasi taqdim etildi.

Ayni kunlarda 4-sektor hududlaridagi minglab yoshlarning bandligini taʼminlash, ularning muammolarini oʻrganish yuzasidan jadal suratlarda xayrli ishlar davom etmoqda.

@adliyangiliklari

#Adliya_va_yoshlar

Yoshlarning huquqiy savodxonligini oshirish boʻyicha seminar tashkil etildi

“Yosh yuristlar” jamoat birlashmasi tomonidan Adliya vazirligi bilan hamkorlikda “Yoshlar” oromgohida “tengdosh — tengdoshga” tamoyili asosida yoshlar oʻrtasida huquqbuzarliklarga nisbatan murosasizlik munosabatini shakllantirish, ularda qonunlarga hurmat, mamlakat taqdiriga daxldorlik hamda vatanparvarlik hissini kuchaytirish, yoshlarning huquqiy savodxonligini oshirish maqsadida respublikaning barcha hududlaridan saralab olingan 40 nafardan ortiq yoshlar uchun seminar tashkil etildi.

Seminar davomida interaktiv usullardan foydalangan holda yoshlarning huquqiy bilim va koʻnikmalari oshirildi, huquqiy “Zakovat” oʻyini tashkil etildi, “Street Law”, huquqshunoslik kasbining ahamiyati, huquqshunoslar uchun zarur boʻlgan koʻnikmalar yuzasidan TDYU professor oʻqituvchilari tomonidan mahorat darslari oʻtkazildi.

Shuningdek, yoshlar oʻrtasida kichik guruhlarda interfaol usulda jamiyatda yuzaga kelayotgan turli huquqiy muammolarni bartaraf etish boʻyicha amaliy mashgʻulotlar oʻtkazildi.

Eslatib oʻtamiz, Adliya vazirligi tomonidan nodavlat notijorat tashkilotlarini ijtimoiy sheriklik asosida qoʻllab-quvvatlash maqsadida “Yoshlar oʻrtasida huquqbuzarliklarga nisbatan murosasizlik munosabatini shakllantirish” mavzusida nodavlat notijorat tashkilotlari oʻrtasida davlat ijtimoiy buyurtmasini berish yuzasidan eʼlon qilingan tanlovda “Yosh yuristlar” jamoat birlashmasining “Oson huquq Camp” loyihasi gʻolib deb topilgan edi.

@adliyangiliklari