#Савол_Жавоб

Юк ташиш хизматлари: лицензия нархи қанча?

❓- "Кичик ҳажмли юк машинам бор. Юк ташиш хизматларини кўрсатмоқчиман. Бунинг учун кимга мурожаат қилишим керак? Лицензия ва патент ҳақлари қанча бўлади? (Ўтган йил танишим тахминан 800 минг сўм тўлаб лицензия олганини, ойига юз минг сўмча тўлашини айтди. Лекин ҳозир биринчи тўлов 1,4 млн.га чиққан, деяпти. Бу қанчалик тўғри маълумот?)"

- Икки хил тўлов мавжуд.
📌 Биринчиси. Ўзбекистон Республикаси Вазирлар Маҳкамасининг 30.07.2019 даги 636-сон қарори 17-бандида давлат хизматларини кўрсатганлик учун қонун ҳужжатларида белгиланган энг кам ойлик иш ҳақининг бир баравари миқдорида йиғим ундирилиши кўзда тутилган.

📌 Иккинчиси. Автомобиль транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш фаолиятини амалга ошириш юзасидан лицензия варақаларини бериш учун Ўзбекистон Республикаси Вазирлар Маҳкамаси томонидан белгиланган миқдорларда давлат божи ундирилади.

✅ Юкларни автомобиль транспортида шаҳарда ва шаҳар атрофида ташиш учун давлат божи суммаси 1 йилга энг кам иш ҳақи суммасига қуйидагича карраликда ундирилади:

👉 3,5 тоннагача - 1,0 баробар

👉 3,5 тоннадан 10 тоннагача - 2,5 баробар

👉 10 тоннадан 16 тоннагача - 4,0 баробар

👉 16 тоннадан ортиқ - 5,5 баробар

💡 Хулоса: лицензия олиш учун давлат хизматлари марказига мурожаат қиласиз.
Хизматни амалга оширганлик учун энг кам ойлик иш ҳақининг 1 баробари миқдорида хизмат ҳақи ундирилади ва лицензия учун автомобиль оғирлигига қараб давлат божи тўланади.

Эслатиб ўтамиз, бугунги кунда (2019 йил 18 сентябрь) энг кам ойлик иш ҳақи 634 880 сўмни ташкил қилади.

✅ Каналга уланиш: https://t.iss.one/adliyangiliklari

#Тайинлов
📌Ўзбекистон Республикаси адлия вазирининг буйруғи билан Қутбидин Нукритдинович Бурханов Ўзбекистон Республикаси Адлия вазирлиги қошидаги Юристлар малакасини ошириш маркази директори лавозимига тайинланди.

Шу кунга қадар генерал-майор Қ. Бурханов Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси бошлиғи — ички ишлар вазирининг матбуот котиби вазифасини бажариб келган.

⚡️⚡️⚡️⚡️⚡️⚡️⚡️⚡️⚡️⚡️⚡️⚡️
#Назначение
📌Приказом министра юстиции Республики Узбекистан Кутбидин Нукритдинович Бурханов назначен на должность директора Центра повышения квалификации юристов при Министерстве юстиции Республики Узбекистан.

До настоящего времени генерал-майор К. Бурханов работал начальником Управления МВД по связям с общественностью и средствами массовой информации —пресс-секретарем министра внутренних дел.

@adliyangiliklari

Сайёр қабул: қиймати 2 миллиард 600 миллион сўмлик лойиҳа бўйича қилинган мурожаат жойида ҳал этилди

Ўзбекистон Респуликаси адлия вазири жорий йилнинг 18 сентябрь куни Андижон вилоятида тадбиркорлик субъектлари билан учрашувлар ўтказди.

Сайёр тадбирларда Савдо-саноат палатаси, Инвестициялар ва ташқи савдо вазирлиги, Молия вазирлиги, Ички ишлар вазирлиги, Иқтисодиёт ва саноат вазирлиги, Солиқ қўмитаси, Сув хўжалиги вазирлиги, Давлат божхона қўмитаси каби қатор ташкилот вакиллари иштирок этди.

Тадбиркорлар билан учрашув давомида жами 150 дан ошиқ мурожаатлар қабул қилиниб, мурожаатларни соҳалар кесимида таҳлил қилинганда мурожаатларнинг аксарияти банк соҳасига, ер ажаратиш, муҳандислик ва коммуникация соҳасига, тадбиркорлик субъектлари ўртасидаги мулкий низоларга, ҳокимият ҳатти ҳаракатсизлигига ва бошқа соҳаларга тўғри келади.

Адлия вазири, шунингдек, Хўжаобод туманидаги лойиҳа қиймати 2,7 млрд сўмни ташкил этувчи замонавий давлат хизматлари марказининг қурилиш жараёнлари билан ҳам яқиндан танишди.

✅ Каналга уланиш: https://t.iss.one/adliyangiliklari

#Эълон
⚡️Адлия вазирлиги раҳбарияти тадбиркорлар билан учрашади

Адлия вазирлиги эълон қилган “Адлия тадбиркорга дўст” лойиҳаси доирасида вазирлик раҳбариятининг жойларда сайёр қабуллари ўтказилади. Унда тадбиркорларни қийнаётган муаммолар тингланади ва амалий ёрдам кўрсатилади.

19 сентябрь куни сайёр учрашувлар Наманган вилоятида бўлиб ўтади:
📌Наманган шаҳри Ёшлар маркази биносида (соат 10.00 – 14.00);
📌Тўрақўрғон тумани маданият саройи биносида (соат 15.00 – 18.00).

✅ Каналга уланиш: https://t.iss.one/adliyangiliklari

#Адлия_тайинлов

Адлия вазирига бир вақтнинг ўзида икки ўринбосар тайинланди

❗️ Рахим Расулжонович Хакимов Президент қарорига мувофиқ адлия вазирининг ўринбосари – Тошкент давлат юридик университети ректори этиб тайинланди.

Р. Хакимов 1983 йилда Наманган вилоятида туғилган, маълумоти олий, 2003 йилда Наманган давлат университетини, 2005 йилда Тошкент давлат юридик институтини тамомлаган, мутахассислиги ҳуқуқшунос. Юридик фанлари доктори.

Р. Хакимов ўз меҳнат фаолиятини 2005 йилда Ўзбекистон Республикаси Президенти ҳузуридаги Амалдаги қонун ҳужжатлари мониторинги институти Йиғма ахборот-таҳлил гуруҳи етакчи илмий ходими лавозимидан бошлаган.

2017 йил декабрь ойидан Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институтининг директори, 2018 йил июль ойидан Ўзбекистон Республикаси Олий Мажлиси Қонунчилик палатаси Мудофаа ва хавфсизлик масалалари қўмитасининг раиси лавозимларида ишлаб келган.

Рахим Хакимов оилали, ўғил ва қиз фарзанди бор.


❗️Тулкин Сайфуллаевич Абдусаттаров Президент қарорига мувофиқ адлия вазирининг ўринбосари – Интеллектуал мулк агентлиги директори этиб тайинланди.

Т. Абдусаттаров 1978 йилда Жиззах вилоятида туғилган, маълумоти олий, 1999 йилда Самарқанд давлат университетини, 2003 йилда Жаҳон иқтисодиёти ва дипломатия университетини, 2007 йилда Ўзбекистон миллий университетини тамомлаган, мутахассислиги ҳуқуқшунос.

У ўз меҳнат фаолиятини 2003 йилда Ўзбекистон Республикаси Фанлар академияси фалсафа ва ҳуқуқ институти кичик илмий ходими лавозимидан бошлаган.

2019 йил март ойидан Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг раиси лавозимида фаолият юритган.

Тулкин Абдусаттаров оилали, ўғил ва қиз фарзанди бор.

📌Адлия вазирлиги жамоаси Рахим Расулжонович ва Тулкин Сайфуллаевичларни ушбу масъулиятли лавозимларида муваффақият тилайди.

#Тайинлов
Тошкент давлат юридик университетига янги проректор тайинланди

Адлия вазирининг тегишли буйруғи билан Исламбек Рустамбекович Рустамбеков Тошкент давлат юридик университетининг ўқув ишлари бўйича проректори лавозимига тайинланди.

📌И. Рустамбеков 1985 йилда Тошкент шаҳрида туғилган, миллати ўзбек, маълумоти олий, 2007 йилда Тошкент давлат юридик институтини, 2009 йилда Тошкент давлат юридик институтининг магистратура йўналишини тамомлаган, мутахассислиги ҳуқуқшунос, юридик фанлари доктори.

Батафсил: https://www.minjust.uz/uz/press-center/news/98282/

✅Каналга уланиш: https://t.iss.one/adliyangiliklari

Министр юстиции встретился со Специальным докладчиком Совета ООН по правам человека по вопросу о независимости судей и адвокатов

📌20 сентября 2019 года состоялась встреча министра юстиции Республики Узбекистан Русланбека Давлетова со Специальным докладчиком Совета ООН по правам человека по вопросу о независимости судей и адвокатов Диего Гарсия-Саяном.

Стороны обсудили вопросы выполнения Узбекистаном международных обязательств по правам человека, развития сотрудничества с договорными органами и специальными процедурами ООН.

В ходе встречи Спецдокладчика проинформировали о судебно-правовой реформе, осуществляемой в Стратегии действий. Эксперт приветствовал создание Высшего судейского совета с широкими полномочиями по поощрению и защите независимости судебных органов и высказал практические рекомендации, как укрепить этот орган, который отвечает за отбор, назначение, подготовку, этику судей и судейскую дисциплину.

В ходе встречи Спецдокладчика также интересовали вопросы правовых гарантий для обеспечения независимости деятельности адвокатов.

Напомним, что о намерении Узбекистана пригласить Специального докладчика ООН по вопросу о независимости судей и адвокатов для оценки состояния национальной системы сообщалось в ходе 30-й сессии Совета по правам человека ООН в Женеве в мае 2018 года.

✅ Подписаться: https://t.iss.one/adliyangiliklari

Пекинда Ўзбекистоннинг инвестициявий ва туристик салоҳияти ҳақида

Ўзбекистон Республикаси Адлия вазирлиги ва Давлат Божхона қўмитаси ходимларидан иборат Ўзбекистон делегацияси Хитой Халқ Республикасининг Пекин шаҳрида давом этаётган «Йўқолиб бораётган ўсимлик ва ҳайвонат турларини ҳимоя қилиш экспорт импортни бошқаришдаги ўзгаришлар» мавзусидаги семинарда иштирок этмоқда.