#Mitti_yulduz_jilolari
#Olis_safar_ilhomlari
#Kun_nafasi

Bugun 4 nafar òquvchilarimiz Marģilonda Erkin Vohidov maktabiga tanlovga jo'nab ketishdi. Yo'l bo'yi o'quvchilarimiz tabiatning go'zalliklari-yu, cheksiz va bepoyon kengliklari , go'zal va betakror vodiy tarovatini òz ijodlarida namoyon etdilar

Olis safar! Ezgulikni niyat qildim.
Uzoq yo‘lda vujud ichra toliqdi jon.
Ne-ne baland dovonlardan oshib keldim,
Quchog'ingni kattaroq och ey Marg'ilon!

Bobom yurti jannatmakon Qashqadaryo,
Azim voham alangalik salom yo‘llar.
Kumushdayin, nomi doston shu el aro,
Quchog'ingda kamol topgan pariro'ylar.

Qodiriylar ko'z o‘ngimdan o'tar elas,
Keladirman yuragimga olov qalab.
Bu kun sendan izlaganim dunyo emas,
Shunchaki bir she'r zavqini keldim izlab.

Abdulla Oripov nomidagi ijod maktabining 11-sinf o‘quvchisi
Sa'dullayev Bobomurod