#Xalqaro_hamkorlik #Hindiston

✅Bugun, 15-oktabr kuni Hindistonning Binaryflux kompaniyasi rahbari Chandrakant Sharma, ijrochi direktor Gautam Dawar va Bosh maslahatchi Suyash Thirpati Prezident ta'lim muassasalari agentligida bo'lib, Agentlik faoliyati bilan tanishdi va o'zaro hamkorlik istiqbollarini muhokama qilishdi. Ularga Tashqi ishlar vazirligi vakili hamrohlik qildi.

🔸Uchrashuv davomida tomonlar IT sohasidagi hamkorlik aloqalarini, shuningdek data-analiz sohasidagi qo'shma loyihalar, Agentlik va Agentlik tizimidagi maktablardagi axborot texnologiyalari mutaxassislari uchun maxsus treninglar tashkil etish hamda Agentlik mutaxassislari ishtirokida qo'shma dastur va loyihalar ishlab chiqish masalalarini muhokama qildilar.

📌Ma'lumot o'rnida, Binaryflux bu dunyoga mashhur IT kompaniyasi bo'lib, u ma'lumotlarni tahlil qiladigan hamda tashqi hujumlardan himoyalangan xavfsiz onlayn platformalar yaratish bilan shug'ullanadi.

#Xalqaro_hamkorlik

✅Prezident ta'lim muassasalari agentligi direktori Hilola Umarova Fransiya Respublikasining O'zbekiston Respublikasidagi Favqulodda va Muxtor elchisi Aurelia Bushez bilan uchrashdi.

❗️Uchrashuv davomida tomonlar Agentlik tizimidagi maktablarda fransuz tilini o'qitish bo'yicha hamkorlik qilish, Fransiyadan pedagog-kadrlarni jalb etish va istiqboldagi hamkorlik masalalarini muhokama qilishdi.

✔️O'zaro uchrashuv davomida Agentlik va tizimdagi maktablar faoliyati yuzasidan ma'lumot berildi.

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Xalqaro_hamkorlik
#Yaponiya

✅O’QUVCHILARIMIZ YAPONIYANING “SAKURA SCIENCE HIGH SCHOOL PROGRAM” DASTURIDA ISHTIROK ETISHMOQDA

Prezident ta’lim muassasalari agentligi tizimidagi:

✔️Navoiy shahridagi Prezident maktabi,
✔️Abu Ali ibn Sino nomidagi ixtisoslashtirilgan maktabi hamda
✔️ Abdulla Oripov nomidagi ijod maktabidan 1 nafardan jami 3 nafar o’quvchi ayni damda Yaponiya davlatida bo’lib turishibdi.

O’quvchilarimiz Sakura Science High School Program" ( SSHP) da qatnashishmoqda.

📌Mazkur dasturdan ko’zlangan maqsad yuqori sinf o‘quvchisi bo‘lgan xorijiy mamlakatlar fuqarolarini Yaponiyaning fan va texnologik yutuqlari, kunchiqar mamlakat madaniyati va jamiyati bilan yaqindan tanishtirishdir.

❗️Mazkur dastur Yaponiya fan va texnologiyalar agentligi tomonidan o’tkazilmoqda; unda o’zbekistonlik o’quvchilar ishtiroki O’zbekistonning Tokiodagi elchixonasi ko’magida tashkil etildi.

📆Dastur 3-dekabrga qadar davom etadi.

👇Biz ijtimoiy tarmoqlarda:
Veb-sayt | Telegram | Instagram | YouTube

#Xalqaro_hamkorlik
#Yaponiya

✅O’QUVCHILARIMIZ YAPONIYANING “SAKURA SCIENCE HIGH SCHOOL PROGRAM” DASTURIDA ISHTIROK ETISHMOQDA

Prezident ta’lim muassasalari agentligi tizimidagi maktablardan jami 3 nafar o'quvchilar, xususan, Abdulla Oripov nomidagi ijod maktabining 11-sinf o'quvchisi Gulsevar To'rayeva ham ayni damda Yaponiya davlatida bo’lib turibdi.

O’quvchilarimiz Sakura Science High School Program" ( SSHP) da qatnashishmoqda.

📌Mazkur dasturdan ko’zlangan maqsad yuqori sinf o‘quvchisi bo‘lgan xorijiy mamlakatlar fuqarolarini Yaponiyaning fan va texnologik yutuqlari, kunchiqar mamlakat madaniyati va jamiyati bilan yaqindan tanishtirishdir.

❗️Mazkur dastur Yaponiya fan va texnologiyalar agentligi tomonidan o’tkazilmoqda; unda o’quvchilarimiz ishtiroki O’zbekistonning Tokiodagi elchixonasi ko’magida tashkil etildi.

📆Dastur 3-dekabrga qadar davom etadi.

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Xalqaro_hamkorlik
#UNICEF

✅ Bugun vazirligimiz tomonidan UNICEF hamda Ta'lim bo‘yicha global hamkorlik tashkiloti (GPE) bilan birgalikda tashkil etilgan “Mahalliy ta'lim guruhi”ning navbatdagi yig‘ilishi bo‘lib o‘tdi.

❗️Unda xalqaro va mahalliy mutaxassislar bilan birga 2023–2026-yillarga mo‘ljallangan O‘zbekiston Respublikasi ta'lim sohasini isloh qilishning Milliy yo‘l xaritasi (National Compact)ni ishlab chiqish jarayonlari haqida so‘z yuritdik.

Shuni alohida ta'kidlash kerakki, so‘nggi yillarda Davlatimiz rahbari boshchiligida mamlakatimizda ta'lim sohasini rivojlantirish maqsadida katta islohotlar amalga oshirilmoqda.

✔️Biz zamonaviy ko‘nikmalarga ega, kreativ fikrlaydigan, keng dunyoqarashli yangi avlodni tarbiyalashni maqsad qilib oldik va ushbu maqsadga erishish uchun barcha kuch, bilim, sharoit va imkoniyat safarbar etamiz.

⚡️Ta'lim sohasini isloh qilishning Milliy yo‘l xaritasini ishlab chiqish jarayoni xalqaro hamkorlar bilan birgalikda ta'lim islohoti dasturini amalga oshirish yo‘lidagi birinchi qadamdir.

Umid qilamanki, yurtimizdagi ta'lim tizimini yanada isloh etishda bu kabi ko'plab loyihalar ustida birgalikda ishlaymiz. Maqsadimiz bitta - yoshlarimizning jahon standartlariga mos ta'lim olishlarini ta'minlashdir.
_______
📌Ma'lumot o'rnida, bugun maktabgacha va maktab ta'limi tizimida salkam 40 mingta ta'lim tashkilotlarida 8,4 million nafar farzandlarimizga 700 ming nafarga yaqin pedagog xodimlar ta'lim va tarbiya berib kelmoqda.

👇Bizni kuzatishda davom eting:
Telegram| Instagram| Facebook| Twitter

#Xalqaro_hamkorlik

Ixtisoslashtirilgan taʼlim muassasalari agentligi delegatsiyasi Abu-Dabi shahriga borishgani haqida xabar bergan edik.

Abu-Dabidagi Amirlik Milliy maktablari rahbariyati va Ixtisoslashtirilgan taʼlim muassasalari agentligi direktori oʻrtasida muzokaralar olib borildi.

Uchrashuvlar davomida bir qancha seminar-treninglar tashkil etildi. Jumladan, Agentlik tizimidagi maktablarning STEM fanlar oʻqituvchilari uchun zamonaviy metodika hisoblanadigan Loyihaga asoslangan taʼlim (Project–Based Learning) treningi boʻlib oʻtdi.

Agentlikning rasmiy sahifalariga ulanish:
Telegram | Facebook | Instagram | YouTube

#Xalqaro_hamkorlik

Ta'lim sohasidagi xalqaro ekspertlar ishtirokida seminar-trening bo'lib o'tdi

Bugun Ixtisoslashtirilgan ta’lim muassasalari agentligida Maktabgacha va maktab ta’limi vazirligi tomonidan tabiiy fanlar yo'nalishida dars jarayonlarini samarali tashkil etish mavzusida trening mashg‘ulotlari tashkil etildi.

Trening tadbirida xorijiy ekspertlar tomonidan:

➖ maktab o‘quvchilarida tadqiqotchilik ko‘nikmalarini tabiiy fan doirasida rivojlantiruvchi o‘quv topshiriqlarini tuzish,
➖dars mazmuniga loyihaga asoslangan ta’limni (PBL) singdirish,
➖ o‘quvchilarda tanqidiy va ijodiy fikrlashni rivojlantirishning zamonaviy usullari xususida ishtirokchilarga atroflicha ma’lumot berib o‘tildi.

Shuningdek, mehmonlar uchun Muhammad al Xorazmiy nomidagi ixtisoslashtirilgan maktabi bo'ylab ekskursiya tashkil etilib, o'quv jarayonlari va o'quvchilar faoliyati bilan tanishtirildi.
___
Khairi Abdullah, xorijiy ekspert (Singapur):

- Bugun ertalab bizga maktab bo‘ylab ekskursiya tashkil etildi. Unda o‘quvchilarning bilimga chanqoqligi va o‘qituvchilarning izlanuvchanligiga guvoh bo‘ldik va bu bizda katta taassurot qoldirdi. Darslar juda ajoyib tashkil etilgan, o‘qituvchilar o‘z fanlarini ma’lumotlarga boy holda o‘tishmoqda.

Bizni bir-birimizdan o‘rganadigan narsalarimiz ko‘p. Shu nuqtai nazardan men istiqboldagi hamkorlik va birgalikdagi loyihalarga umid qilib qolaman.

Agentlikning rasmiy sahifalariga ulanish:
Telegram | Facebook | Instagram | YouTube

#xalqaro_hamkorlik

Bugun Ixtisoslashtirilgan talim muassasalari agentligi direktori Alisher Ubbiyev va MM Educational Group Regional menejeri Nikita Klimenko oʻrtasida uchrashuv boʻlib oʻtdi.

Unda Agentlik tizimidagi Prezident, ijod, ixtisoslashtirilgan maktab va maktab internatlarida Computer Science va ICT xalqaro dasturlarini yanada takomillashtirish boʻyicha hamkorlida ishlar olib borish masalalari koʻrib chiqildi.

Uchrashuv soʻngida Agentlik va MM Educational Group Regional tashkiloti oʻrtasida kelgusida oʻzaro hamkorlik faoliyatini yoʻlga qoʻyish boʻyicha Memorandum imzolash rejalashtirildi.

Maʼlumot uchun, mazkur tashkilot 1974-yili Angliyada tashkil qilingan boʻlib, bugungi kunda Xitoy, Gretsiya, Kipr, Polsha, Turkiya, Koreya kabi bir qancha rivojlangan davlatlarda faoliyat yuritadi.

Aytib oʻtish kerakki, mazkur uchrashuv shu yilning noyabr oyida Birlashgan Arab Amirliklarining Dubay shahrida boʻlib oʻtgan “Global Educational Supplies & Solutions GESS Dubai-2023” koʻrgazmasi doirasida rejalashtirilgan edi.

Telegram | Facebook | Instagram | YouTube

#Xalqaro_hamkorlik

✍️ Ixtisoslashtirilgan ta'lim muassasalari agentligining mas’ul xodimlari hamda tizimdagi maktablarning bir guruh o‘qituvchilari Pekin shahrida tajriba orttirish uchun jo‘nab ketishgan.

⚡️Shu yilning 19-24-fevral kunlari Xitoyning Pekin shahridagi Beijing International School maktabida o‘zbekistonlik va xitoylik o‘qituvchilari o‘rtasida tajriba almashish borasida trening tashkil etilmoqda. Quvonarlisi, ushbu treningda Abdulla Oripov nomidagi ijod maktai o‘qituvchisi Izzat Nigmatov ham o‘z  bilim va ko‘nikmalarini oshirmoqda.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#xalqaro_hamkorlik

Xabar berganimizdek, Agentlikning mas’ul xodimlari hamda tizimdagi maktablarning bir guruh o‘qituvchilari Pekin shahrida tajriba orttirish uchun bo‘lib turibdi.

Delegatsiya vakillari ayni paytda Pekin shahrida IB (International Bacallaureat) xalqaro dasturi joriy etilgan umumiy o‘rta ta’lim maktabi faoliyati bilan tanishib, o‘zaro tajriba almashishdi.

Xalqaro IB dasturi akkreditatsiyadan o‘tish bosqichlari va talablariga javob berish bo‘yicha tashkil etilgan ta’lim-tarbiya jarayonini muvofiqlashtirish, ota-onalar bilan ishlashni tashkil etish, milliy va ma’naviy muhitni shakllantirish yuzasidan Xitoy maktablari tajribasi o‘rganildi.

Telegram | Facebook | Instagram | YouTube

#Xalqaro_hamkorlik

IJOD MAKTABIDA GERMANIYA TA'LIM KOMPANIYASI VAKILLARI

Abdulla Oripov nomidagi ijod maktabiga Germaniyaning "Simson Private Akademie" kompaniyasi rahbari Max Reumschussel va loyiha koordinatori Shonosir Shorahmedov tashrif buyurdi. Ularga Maktabgacha va maktab ta'limi boshqarmasi vakillari hamrohlik qildi.

Mehmonlar dastlab ijod maktabidagi Abdulla Oripov muzeyida boʻlib, atoqli shoir hayoti va ijodiga oid eksponatlar bilan tanishdi. Shundan soʻng Germaniya ta'lim kompaniyasi vakillariga Ijod maktabi faoliyati, bu yerda yaratilgan taʼlim sharoitlari, turli toʻgaraklar, iqtidorli yoshlar erishayotgan yutuqlar haqida ma'lumot berildi.

Tashrif doirasida mehmonlar ijod maktabida faoliyat koʻrsatayotgan nemis tili toʻgaragi oʻqituvchisi Nafisa Hamidova va uning shogirdlari bilan suhbatlashdi. Muloqotda nemis tilini oʻquvchilarga oʻrgatishda samarali boʻlgan oʻquv qoʻllanmalari haqida fikr almashildi. Shuningdek, mehmonlar tomonidan toʻgarak faoliyati uchun zarur qoʻshimcha elektron adabiyotlar tavsiya etilib, ular bilan taʻminlashda amaliy yordam taklif etildi.

Telegram | Facebook | Instagram | YouTube

#xalqaro_hamkorlik
#Incheon_taʻlim_festivali

⚡️INCHEON TA'LIM FESTIVALINING YAKUNIY BOSQICHI BOSHLANDI

Ixtisoslashtirilgan ta'lim muassasalari agentligi va Koreya Respublikasining O‘zbekistondagi elchixonasi huzuridagi Koreya ta’lim markazi bilan hamkorlikda ilk bor o‘tkazilayotgan “Incheon ta’lim festivali”ning yakuniy bosqichiga start berildi.

Mazkur festival o‘quvchilarni zamonaviy kasblarga yo‘naltirgan holda ularning ixtisoslashgan xalqaro dasturlar, loyihalar va tanlovlarda ishtirok etishini har tomonlama qoʻllab-quvvatlash, ilg‘or, tashabbuskor va ijodkor o‘gʻil-qizlarni aniqlash, ularning qobiliyat, mahoratlarini ro‘yobga chiqarish va munosib ragʻbatlantirishni ko‘zda tutadi.

Festivalning birinchi bosqichi joriy yilning 27-31-may kunlari Agentlik tizimidagi maktablar va umumtaʼlim muassasalarining koreys tilini B1 darajasida biladigan 7-10-sinf o‘quvchilari oʻrtasida onlayn formatda o‘tkazilgan edi.

Eng yuqori ball to‘plagan 20 nafar o‘quvchi Festivalning yakuniy bosqichida ishtirok etib, bilim va mahoratlarini sinovdan oʻtkazadi. Festival doirasida Koreya oliy ta’lim muassasalari vakillari ishtirokida “Ta’lim yarmarkasi” ham bo‘lib o‘tadi.

Festivalga Toshkent shahridagi Shayxontohur tuman ixtisoslashtirilgan maktabi mezbonlik qilmoqda.

Ertaga festivalning yopilish marosimi bo‘lib o‘tadi. Unda yakuniy natijalariga ko‘ra g‘olib deb topilgan 10 nafar ishtirokchi Koreya Respublikasiga sayohat va bilim almashish bo‘yicha safar yo‘llanmasi bilan taqdirlanadi.

Telegram | Facebook | Instagram | YouTube | Portal