Abdulla Oripov nomidagi ijod maktabi

#Xotira_abadiy_qadr_muqaddas

Abdulla Oripov nomidagi ijod maktabida 9-may- fashizm ustidan qozonilgan buyuk G‘alabaning 76 yilligi hamda Xotira va qadrlash kuniga bag‘ishlab o'tkazilayotgan ijodiy ishlar tanlovida 8-sinf o‘quvchisi Nurmatova Sevinch o'z inshosi bilan ishtirok etmoqda

Insho

Inson qadri boqiy, xotirasi muqaddas

Reja:
1.Xotira-tarixni uyğotguvchi nur.
2.Dahshatli urushning yovuz jarohati
3.Ajdodlar merosi-yoshlarga ibrat.

Xotira bor ekan tirikdir millat,
Tirikdir iftixor, tirikdir ğurur.
Xotira dõstlarim, ajib bir qudrat
Xotira-ertani yoritguvchi nur.

Inson qadri uluğlangan, xotirasi sarbaland yurtda yashaymiz. Bugunimiz kechagi kundan ancha yoruğ, ertamiz yanada fayzli, barakotli bõlishiga hech shubhasiz ishonchimiz komil. Navqiron avlod e'tiborda, nuroniy keksalarimiz e'zozda, ehtiromda. Shunday aziz vatanda yashamoqlik, uning buyuk kelajagi yõlida hissa qõshmoqlik menimcha, beqiyos baxt. Albatta, tarixiy jasoratni tiklamay turib, porloq kelajakni barpo etib bõlmaydi. Inson hamda millat abadiy xotira ila barhayotdir, boqiydir. Xotira-sõnmas õtmishni, ajdodlar nasihatini, milliy merosimizni anglatib turuvchi muqaddas kitob zarvaraqlaridek nurafshon hayotimizni yanada yoritib turadi. Qadr esa insonni yuksaklikka kõtaradi, uning insoniylik qadr-qiymatini belgilab beradi. Bukilmas iroda va boqiy jasoratni amalda namoyon etib, hatto õz hayotini xatarga qõyib, jonajon vatanimizning ravnaqi yõlida qilgan oliyjanob xizmatlari taxsinga loyiq, albatta. Mana shu mard ota-bobolarimizning muqaddas xotirasini yod etish, gõzal hayot sari dadil odimlayotgan yoshi uluğ qariyalarimizni ardoğlash, õylashimcha, odamiylikning eng oliy mezonidir.
Albatta, dahshatli urush vahshati chekka-chekka qishloqlarni, markazdagi kõkka qadar bõy chõzayotgan imoratlarni-yu, nurab qolgan kulbalarni chetlab õtmadi, desak mubolağa qilgan bõlamiz. Darhaqiqat, urush bor joyda kõz-yosh, qon tõkiladi. Qancha bolalar yetim, ancha ayollar beva qoldi. "Urush noming õchsin jahonda" - degan edi ardoqli shoiralarimizdan biri Zulfiyaxonim. Mehnatkash xalqimiz, front ortida beminnat yordam berayotgan insonlarimiz hamda ona yurti uchun õz jonini xatarga qõyayotgan mard jangchilarimizni qilgan tõxtovsiz harakatlari haqiqatdan ham, besamar ketmadi. "Biz ğalaba qozondik. Uraaa!" degan quvonchli xabar hamon yodimdan chiqmaydi, deydi Qarshi shahrida istiqomat qilayotgan Vera buvi. "Men urush yillari boshlanganda atiga õn olti yoshda edim. Ammo yoshligimga qaramay, nemislar ichiga kirib barcha sir-asroslarini bilib õzbeklarga yetkazib turardim. Biroq men bularni sotishimdan nemislar tõsatdan xabar topdi. Meni ushlab olishiga qaramay jonim boricha qochdim. Shunga qaramay, õzbeklar endi nemislarning barcha siridan boxabar edi..." Menimcha, ğalabaning omillaridan biriga Vera buvining beminnat hissalari katta deb õylayman. Ha, barcha vahshatli urush uchun qõlidan kelgancha samarali xizmat qildi. Jasur ota-bobolarimizning xizmatlari befoyda ketmay, shonli tarixda muhrlanib qolgan 2-Jahon urushida ğalaba qozondi.
Õtganlarning xayrli ishlarini yodga olmoq, qadrlamoq biz uchun ham qarz, ham farzdir. 2-Jahon urushida halok bõlgan minglab yurtdoshlarimiz xotirasini eslash va e'zozlash oğir jang-u jadallarni boshdan kechirgan, yarador bõlib qaytgan faxriylarimizni, front ortida mashaqqatli mehnati bilan ğalabaga hissa qõshgan insonlarimizni, ayniqsa, onajonlarimizning hurmat-ehtiromini joyiga qõyish va munosib taqdirlash-milliy qadriyatlarimiz qatoridan keng õrin olgani quvonchli. Eng muhimi, yoshlarimiz ong-u shuurida õtganlarni xotirlash, tiriklarni qadrlashdek insoniy fazilatlar tobora mustahkam muhrlanmoqda. Kechagi kun saboqlarini, xalqimiz kelajagi yõlida jonini fido qilgan odamlarni yod olish bugungi va ertangi kunimizni qadrlashga õrgatadi. Xotira bõlmas ekan, qadrlash ham mavjud bõlmaydi. Ushbu tushunchalar mustaqillik davri avlodi uchun õziga xos ma'naviy qadriyatga aylandi. Yurtboshimiz ta'biri bilan aytganda, buyuk ğalabani uluğ jasoratli insonlar ta'minlagan va biz minnatdor

305 viewsedited 09:50