#Besh_tashabbus
#Kitoblar_taqdimoti

🔰Prezident ta’lim muassasalari agentligi tizimidagi Abdulla Oripov nomidagi ijod maktabida O‘zbekiston Qahramoni, xalq shoiri Abdulla Oripov xotirasiga bag‘ishlangan “E’tirof” va “Mitti yulduz yog‘dusi” nomli she’rlar to‘plamlari taqdimotlari bo‘lib o‘tdi.
✅ Ta’kidlash joizki, “E’tirof” to‘plamida ijod maktabining 5 nafar o‘quvchisining ijod namunalari o‘rin olgan bo‘lsa, respublikamizda e’tiborga tushgan, taniqli yozuvchi-shoirlarning e’tirofiga sazovar bo‘lgan, Turon Fanlar akademiyasining faxriy akademigi G‘afurjon Tojiboyev va Abdulla Oripov nomidagi ijod maktabining ma'naviyat va ma'rifat ishlari bo‘yicha direktor o‘rinbosari Yoqutxon Jamolovalarning mas'ul muharrirligidagi “Mitti yulduz yog‘dusi” she’riy to‘plamida esa maktabning 3 nafar ijodkor-o‘qituvchisi hamda 30 nafar o‘quvchisining she’rlari e’lon qilindi.
✅ Tadbirda Abdulla Oripovning rafiqasi Xanifa aya Mustafayeva, O‘zbekiston Respublikasi Qurolli kuchlari Qashqadaryo viloyati Faxriylar kengashi raisi, podpolkovnik Sharif Madiyev, podpolkovnik G‘ayrat Umirqulov va maktabning ijodkor o‘qituvchi hamda o‘quvchilari ishtirok etishdi.
✅Tadbirni maktabning direktor o‘rinbosari Yoqutxon Jamolova kirish so‘zi bilan ochib berdi.
✅ Maktabning ijodiy-madaniy masalalar bo‘yicha targ‘ibotchisi Azizbek Norov tadbir ishtirokchilariga har ikkala she'riy to‘plamning mundarijasini tanishtirdi.
✅ O‘z navbatida, Xanifa aya Mustafayeva Abdulla Oripov bilan bog‘liq xotiralarini yosh ijodkorlarga so‘zlab berdi.
✅Kitob taqdimoti so‘nggida “E’tirof” va “Mitti yulduz yog‘dusi” she’riy to‘plamlaridan she’rlari o‘rin olgan ijodkorlarga mazkur kitoblar taqdim etildi.

✍️Abdulla Oripov nomidagi ijod maktabi matbuot xizmati

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Intagram