Maʼlumki, 2021-yilda tajriba tariqasida boshlangan “Tashabbusli byudjet” loyihasi oʼtgan 2 yil davomida xalqimiz tomonidan iliq qabul qilindi. Bugungi kunda yurtdoshlarimiz oʼz hududidagi hal etilishi lozim boʼlgan qator masalalarni “Open budget” portaliga joylab, ovoz yigʼish orqali ushbu tashabbusda gʼolib boʼlish uchun harakat qilishmoqda.

Ushbu portalga joylanayotgan ijtimoiy loyihalar orasida maktabgacha va maktab taʼlimi muassasalarini taʼmirlash ishlari ham yetakchilik qiladi. Аlbatta, ushbu jarayonda oʼqituvchilar, oʼquvchilar hatto ota-onalar ham tashabbus koʼrsatib, oʼzlari mehnat qilayotgan, taʼlim olayotgan yoki farzandlari tahsil olayotgan taʼlim dargohini obod qilish uchun ovoz berishda shaxsiy tashabbus koʼrsatmoqda.

Biroq ijtimoiy tarmoqlar orqali joylarda baʼzi oʼqituvchilarga ushbu loyihada ovoz yigʼish uchun majburiy topshiriq berilayotgani, topshiriqni bajarishga beeʼtibor qarayotgan oʼqituvchilarga kerakli chora koʼrish bilan tahdid qilinayotganligi toʼgʼrisida xabarlar tarqalib, ular Maktabgacha va maktab taʼlimi vazirligi tomonidan jiddiy oʼrganilmoqda.

Ayni vaqtda “Vazirga murojaat” portaliga oʼqituvchilardan ushbu mazmundagi murojaatlar kelib tushmagan.

Shuni alohida taʼkidlash lozimki, Oʼzbekiston Respublikasi Prezidentining 2018-yil 14-avgustdagi tegishli qaroriga koʼra, pedagoglarni xizmat majburiyati bilan bogʼliq boʼlmagan ishlarga jalb qilish taqiqlanadi.

Hurmatli oʼqituvchilar, maktabgacha va maktab taʼlimi muassasalari xodimlari!

Аgar sizning taʼlim maskaningizda oʼqituvchilarni ushbu loyiha doirasida majburiy ovoz yigʼishga jalb etish holatlari kuzatilsa, vazirlikning Ishonch telefoni 71-202-09-09 ga qoʼngʼiroq qilishingizni soʼraymiz. Sizning murojaatingiz asosida ushbu yoʼnalishda qonun buzilish holati aniqlansa, tegishli masʼul xodimlarga zarur taʼsir choralari koʼriladi.

“Tashabbusli byudjet” loyihasi faqat tashabbusga asoslanadi, bunda hech kimni majburlashga yoʼl qoʼyilmaydi!

Maʼlumot uchun shuni ham qo'shimcha qilishni joiz deb topdim, yaqinda Oliy Majlis Senati tomonidan “Pedagog xodimlarning xizmat vazifalarini bajarishiga toʼsqinlik qilganlik uchun javobgarlik kuchaytirilishi munosabati bilan Oʼzbekiston Respublikasining Jinoyat kodeksiga hamda Oʼzbekiston Respublikasining Maʼmuriy javobgarlik toʼgʼrisidagi kodeksiga qoʼshimcha va oʼzgartishlar kiritish haqida”gi Qonun maʼqullandi.

Unda oʼqituvchilarni majburiy mehnatga jalb etganlik uchun jinoiy javobgarlikkacha boʼlgan jazo nazarda tutilmoqda. Yaʼni pedagog xodimni mehnatga maʼmuriy tarzda majburlaganlik uchun bazaviy hisoblash miqdorining bir yuz ellik baravaridan ikki yuz baravarigacha miqdorda jarima yoki uch yilgacha muayyan huquqdan mahrum qilish yohud uch yilgacha axloq tuzatish ishlari bilan jazolanishi belgilanmoqda.

Shuningdek, pedagog xodimlarni mehnatga maʼmuriy tarzda majburlaganlik uchun maʼmuriy jazo qoʼllanilganidan keyin xuddi shunday qilmishni takroran sodir etganlik uchun jinoiy javobgarlikni nazarda tutuvchi norma Jinoyat kodeksiga kiritilmoqda.

Shunday ekan, oʼqituvchilarimizning kasbiy huquqlari Davlatimiz nazoratida ekanligini, ularni majburiy mehnatga jalb qilishga yo'l qo'yilmasligini unutmasligingizni so'raymiz.

Saida Mirziyoyeva suv masalalari bo‘yicha BMT anjumanida shoir Ibrohim Yusupovning elegiyasidan parchani qoraqalpoq tilida o‘qib berdi.

Tog‘lar cho‘kib, yerga kirmagan chiqar,
Yulduzlar ham birdan so‘nmagan chiqar.
Bu dunyo hechqachon ko‘rmagan chiqar
Bir maydonda dengiz qurib qolganin.

Ibrohim Yusupov, O‘zbekiston Qahramoni

"Yashil zamin" loyihasi doirasida Fondning Youtube-kanalida yangi pleylist ochildi.

Ekologiya, atrof-muhit, suv resurslari hamda biologik xilma-xillikni asrash masalalarida mahalliy va xalqaro ekspertlar kanalning mehmoni bo‘ladi.

Shuningdek, "Yashil zamin" pleylistida mutaxassislar ko‘kalamzorlashtirish va ekotizimni asrab-avaylash bo‘yicha amaliy maslahatlarini beradi, asosiy qoida va tavsiyalarini bayon etadi.

Ekologik muhitni yaxshilash uchun nimalar qilish kerakligini bilishni istasangiz - kanalga obuna bo‘ling!
__

В рамках проекта Yashil zamin запущен новый плейлист на канале Фонда в Youtube.

Гостями канала станут местные и международные эксперты в вопросах экологии, окружающей среды, водных ресурсов, сохранения биоразнообразия.
Также в плейлисте Yashil zamin специалисты будут давать практические советы и формулировать основные правила и рекомендации по озеленению и сохранению экосистемы.

Хотите знать как нужно действовать, чтобы улучшить экологическую среду - подписывайтесь!

YouTube

СОБИҚ ЎҚУВЧИЛАРДАН ТОШКЕНТДАН УЙ ВА ЯЛТАГА САЁҲАТ — ЁЗДА МЕҲНАТ ТАЪТИЛИ ПУЛЛАРИГА ЎҚУВЧИЛАРИНИ ТОШКЕНТГА ОЛИБ КЕЛИБ, КИРИШ ИМТИХОНЛАРИГА ТАЙЁРЛАГАН ЎЗБЕКИСТОН ҚАҲРАМОНИ МУҲАББАТ ШАРОПОВА

— Ёзда Меҳнат таътили пулимни олиб ўқувчиларимни Тошкентга олиб келиб, шу ерни ўзида ОТМга тайёрлардим?

— Таътил пулингизга тайёрлармидингиз ўқувчиларингизни, улар сизга тайёргарлик учун пул тўлашмаганми!?

— Йўқ, ўқувчиларимни олиб келиб, шу ерда овқатлантириб, эрталаб соат 7 дан кечки 7 гача дарс қилдириб, овқатларини бериб тайёрлардим (завқ билан сўзлаб берди Муҳаббат опа)

— Ҳам ўқишга тайёрлаб, ҳам ўзингиз еб-ичирармидингиз?! (Мен ҳайратдаман)

— Ҳа, ўқувчиларим ўқишга кириши мен учун жуда катта бахт эди!

Бугун Ўзбекистон Қаҳрамони Муҳаббат Шаропова билан суҳбатлашиб, бу инсоннинг чин маънода ҚАҲРАМОН инсон эканликларига тан бердим. Ярим асрдан ортиқ мактабда математикадан дарс берган Муҳаббат Шаропова ҳар бир ўқувчисини ўз фарзандидай исмларини айтиб гапирадилар.

Хўш, эвазигачи, дея ажабландим мен? Эвазига ҳеч қачон нимадир кутмаганман. Менинг ўғлим йўқ, бир қизим бор холос. Шу ўқувчиларимни ўз фарзандларимдай яхши кўрганман доим…

Бир кун ҳокимимиз менга қараб, "Нима учун ўқувчиларингиз, ота-оналарингиз орасида бунчалик ҳурматингиз баландлигини энди тушундим, ўрталарингизда пул муносабатлари йўқ экан” деди.

Ўзбекистон халқ Ўқитувчиси Мовлуда Қаюмова суҳбатга қўшилдилар:

— Муҳаббатнинг ўқувчилари устозини бошида кўтариб юришини кўриб ҳайрон қоламан. Бугун ҳам такси тўхтатаётсак бир собиқ ўқувчиси “Муаллим” деб келиб бизни ҳашаматли машинасида манзилимизга олиб бориб қўйди.

Фахр ва ғурур билан Муҳаббат опа қуйидагиларни сўзлаб бердилар:

“...1999 йил эди “Дока хлеб” деган нарса Қашқадарёда йўқ эди. Бир собиқ ўқувчим юбилейимга менга 4 та катта коробкада самолётдан иссиқ “дока хлеб” булочкаларини юборган. Умрида илк бор шундай нон таътиб кўрган меҳмонларим қанчагача гапириб юришган…

...Мени бронхит касалим бор, бир кун собиқ ўқувчиларим келишиб, биттаси менга самолёт чиптасини, яна бири йўлланма олиб бериб, мени Ялтага даволанишга юборишган…

… Мен Тошкентга келсам доим собиқ ўқувчиларим уларнинг уйларида қолишимни сўрашади. Бир кун ўқувчиларим менга Тошкентдан уй олиб беришга келишиб олишибди, Қорасувдан 1 хонали уй олиб беришди. Мана юраман хозир Тошкентни бой аёли бўлиб, дейди кулиб Муҳаббат опа🤗

Биласизми, ўқитувчилик касби бу менинг ҳаётим мазмуни, мен мактабсиз, болаларсиз ҳеч қачон ҳаётимни тасаввур қила олмаганман. Меҳр билан илм берсанг албатта унинг мевасини кўраркансан. Мен касбидан қадр топган устозман.”

Дарвоқе, яна бир мени таъсирлантирган воқеа, Муҳаббат опа Тошкентга ўқишга киришга олиб келган ўқувчиларидан бири бир кун 100 сўм пулини ўғирлатиб қўйган. Нима қиларини билмаган Муҳаббат опа, ўқувчисининг ота-онасига билдирмай шу пулни ўзлари ўрнини тўлдириб қўйганлар.

52 йил давомида 10 минглаб ўқувчиларни етиштирган Муҳаббат опа Шаропова тимсолида кўраман мен чин устозларни, устоз мана шундай фидойи ва ўз касбини телбаларча севадиган инсон! Йилда 1 оладиган таътил пулини ўқувчиларини еб ичиришга сарфлашни бошқа нима деб аташни билмайман…

Сурат 2021 йил 1 октябрь куни олинган. Икки ёнимда икки Ўзбекистон қаҳрамони Анор Маҳмудова ҳамда Муҳаббат Шаропова. Суратда қўлларида гул билан турган инсон мен юқорида ҳикоя қилган устоз Муҳаббат опа.

Иллоҳим барчамизга, жумладан менга ҳам шу инсонларга ўхшаб юриш насиб қилсин🤲

#Ҳавас_қилинг
#Алҳамдулиллаҳ

Vazir Hilola UMАROVА: "Halol maktab direktorining faoliyatiga hech kim toʼsqinlik qilishiga yoʼl qoʼymaymiz”

Bugun Maktabgacha va maktab taʼlimi vaziri Hilola Umarova Sirdaryo viloyatining 300 dan ortiq maktab direktorlari bilan uchrashib, ularni qiynayotgan muammolar va rejalar bilan yaqindan tanishdi.

Uchrashuvda bugungi kun zamonaviy maktab rahbari oldidagi vazifalar haqida soʼz bordi:

“Direktorlar meni eng koʼp oʼylantiradigan, taʼlimdagi ogʼriqli nuqtalardan biri. Koʼp yillar maktabda direktor boʼlganim uchun bu lavozimning mashaqqatini bilaman. Taʼlimda faqat sizlar bilan oʼzgarish qila olishimiz mumkin.

Har biringizdan birinchi navbatda halollik talab qilaman. Halol boʼlmagan insonga taʼlimda oʼrin boʼlishi mumkin emas. Halol maktab direktorining faoliyatiga hech kim toʼsqinlik qilishiga yoʼl qoʼymayman. Direktor halol boʼlsa, uning yonida men turaman!

Siz bilan biz oʼqituvchilarning jamiyatdagi obroʼ va nufuzini yuksaltirishimiz kerak. Bugun nima uchun istagan ota-ona maktabga kelib, oʼqituvchiga gapirishga haddi sigʼyapti? Oʼz hurmatini, qadr-qimmatini bilgan oʼqituvchiga hech kim ortiqcha gapirishga haddi sigʼmaydi. Oʼqituvchilarning nufuzini koʼtarish esa siz-u bizning vazifamiz. Maktabga zamonaviy direktor rahbarlik qilsa, buni ota-ona ham sezadi. Shu bois lavozimingizni suiisteʼmol qilmagan holda maktabingizda taʼlim sifatini koʼtarishga oʼzingiz harakat qiling.

Viloyatda 325 ta maktab bor. Bu degani, shuncha rahbar va bir-biridan farq qiluvchi shuncha muhit degani. Shunday maktablar borki, infratuzilmasi yaxshi emas, lekin u yerdagi muhitni birorta zamonaviy maktabdan topa olmaysiz.

Yangilikni oʼzimizdan boshlashimiz kerak. Biz esa vazirlik jamoasi bilan birgalikda sizlar bilan yelkama-yelka ishlaymiz.

Biz bir kemadamiz - ziyolilar kemasida. Bu tizimda muammo boʼlmasligi uchun oʼz ustimizda tinimsiz ishlashimiz lozim.

Ishimiz ham, jamoamiz ham oilamiz, har ikkisi tinch boʼlsa, koʼnglimiz xotirjam boʼladi. Shunday ekan, barchamizga doimo oiladan oilaga yorugʼ yuz bilan borish nasib qilsin”, - deydi Hilola Umarova.

⚡️ “Buyuk allomalar izidan” respublika fan olimpiadasida qatnashing!

📣📣 “Yangi O‘zbekiston” universiteti tomonidan umumiy sovrin jamg‘armasi 1 milliard so‘m bo‘lgan Buyuk allomalar izidan nomli fizika va kimyo fanlaridan olimpiada o‘tkazilmoqda.

☑️ Olimpiadada barcha maktab, akademik litsey va professional ta’lim muassasalari bitiruvchilari ishtirok etishlari mumkin.

2️⃣ Olimpiada saralash va final bosqichlaridan iborat. Har bir fan bo‘yicha final bosqichida g‘olib bo‘lgan bir nafardan mutloq g‘oliblarga 20 million so‘mdan pul mukofoti va “Yangi O‘zbekiston” universitetida tahsil olish uchun bir yillik 100% grant taqdim etiladi.

✅ Shuningdek, eng yuqori natijani qayd etgan 10 nafardan sovrindorlar 2 million so‘mdan pul mukofoti va “Yangi O‘zbekiston” universitetida tahsil olish uchun bir yillik 100% grant taqdim etiladi.

🗓 Shoshiling, ro‘yxatdan o‘tish 7-aprelga qadar davom etadi!

👉 Ro‘yxatdan o‘tish

👉Batafsil

#olimpiada #buyuk_allomalar_izidan #fizika #kimyo

⬇️ Biz ijtimoiy tarmoqlarda:
Veb-sayt | Telegram | Instagram | Facebook