#Ijodiy_uchrashuv
#Ikrom_Otamurod_70_yoshda

🔰 Abdulla Oripov nomidagi ijod maktabida viloyat hokimligi, O‘zbekiston Yozuvchilar uyushmasi viloyat bo‘limi hamda Abdulla Oripov nomidagi ijod maktabi bilan hamkorlikda O‘zbekiston Respublikasida xizmat ko‘rsatgan madaniyat xodimi, “Do‘stlik” ordeni sohibi Ikrom Otamurod tavalludining 70 yilligi munosabati bilan madaniy-ma’rifiy tadbir o‘tkazildi.
✅ Dastavval mehmonlar Abdulla Oripov muzeyida shoirning ijodi va hayoti aks etgan eksponatlari bilan yaqindan tanishishdi.
✅ Asosiy tadbir faollar zalida bo‘lib o‘tdi. Unda poytaxtdan kelgan ijodkorlar, O‘zbekiston Yozuvchilar uyushmasi a’zolari, harbiy qism askarlari, Qarshi davlat universiteti professor-o‘qituvchilari, talabalari hamda Qarshi irrigatsiya va agrotexnologiya instituti talabalari, yosh ijodkorlar, OAV xodimlari va jamoatchilik vakillari ishtirok etishdi.
✅ Tadbirni Qashqadaryo viloyati hokimining o‘rinbosari Rustam Yo‘ldoshev kirish so‘zi bilan ochdi va viloyat hokimi Murotjon Azimovning shoir Ikrom Otamurodga yo‘llagan tabrigini o‘qib eshittirdi.
✅ Tadbirda filologiya fanlari doktori, professor Dilmurod Quronov, O‘zbekiston Yozuvchilar uyushmasi a’zosi, “Sharq yulduzi” va “Pravda vostoka” jurnallari bosh muharriri Sirojiddin Rauf, O‘zbekiston Yozuvchilar uyushmasi a’zolari – Bo‘ritosh Nosirova, Boynazar Yo‘ldoshev, Nafas Shodmonov, Jumaqul Qurbonov va boshqa bir qator ijodkorlar Ikrom Otamurod she’riyati va adabiy asarlari haqida o‘z fikr-mulohazalarini bildirib o‘tishdi.
✅ O‘z navbatida tadbir davomida ijod maktabining o‘quvchilari Ikrom Otamurod she’rlaridan tuzilgan she’riy kompozitsiyani namoyish etishdi.
✅ Tadbir so‘nggida shoir Ikrom Otamurod o‘zining yangi she’rlaridan o‘qib berdi.
✅ Shuningdek, tadbirda shoir Ikrom Otamurodning yangi “Sukut sadosi” kitobi taqdimoti ham bo‘lib o‘tdi.
Tadbirni Abdulla Oripov nomidagi ijod maktabining o‘qituvchisi Nafosat Azizova olib bordi.

✍️ Abdulla Oripov nomidagi ijod maktabi matbuot xizmati

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Intagram

#Ijodiy_uchrashuv
#Muhammad_Ali_80_yoshda

🔰Abdulla Oripov nomidagi ijod maktabida O‘zbekiston xalq yozuvchisi, O‘zbekiston Respublikasida xizmat ko‘rsatgan yoshlar murabbiysi, Davlat mukofoti laureati, Berdaq nomidagi Qoraqalpog‘iston Respublikasi Davlat mukofoti sohibi, professor Muhammad Ali tavalludining 80 yilligiga bag‘ishlangan ma’naviy-ma’rifiy tadbir bo‘lib o‘tdi.
✅ Dastavval mehmonlar Abdulla Oripov nomidagi muzeyda bo‘lib, shoirning hayoti va ijodiga oid eskponatlar bilan yaqindan tanishishdi.
✅ Ijod maktabining faollar zalida boshlangan tadbirni viloyat hokimining o‘rinbosari Rustam Yo‘ldoshev kirish so‘zi bilan ochib berdi va Muhammad Aliga tavalludining 80 yilligi munosabati bilan viloyat hokimligining esdalik sovg‘alarini topshirdi.
✅ Tadbirda O‘zbekiston Davlat sharqshunoslik universiteti professori Adham Alimbekov, “Sharq yulduzi” va “Zvezda Vostoka” jurnallari bosh muharriri, shoir Sirojiddin Rauf, tibbiyot fanlari doktori, professor Jumanazar Beknazarov, Qarshi davlat universiteti professorlari – Damin To‘rayev, Boynazar Yo‘ldoshev, Nafas Shodmonov, filologiya fanlari nomzodi Zebo Yaxshiyevalar so‘zga chiqib, Muhammad Ali ijodi va uning turkum asarlari bo‘yicha o‘z fikr-mulohazalarini bildirishdi.
✅ Shuningdek, Abdulla Oripov nomidagi ijod maktabining o‘quvchilari shoir ijodidan namunalar o‘qishdi.
✅ Tadbir so‘nggida Muhammad Ali so‘zga chiqib, o‘z adabiy xotiralari haqida so‘z yuritdi va ijod maktabi kutubxonasiga o‘z asarlaridan iborat kitoblar jamlanmasini taqdim etdi.
✅ Tadbir ishtirokchilarda katta taassurot qoldirdi. Ayniqsa, adabiyot, ijod, yozuvchi-shoirlar hayoti, bir-biridan g‘o‘zal she’rlarning yangrashi tadbirga o‘zgacha fayz ulashdi.

✍️ Abdulla Oripov nomidagi ijod maktabi matbuot xizmati

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram