#Ehtirom
#She’riy_to’plam_turkman_tilida
#Hamkorlikdagi_tadbir
2021-yil 15-may kuni Abdulla Oripov nomidagi ijod maktabida O’zbekiston Qahramoni, xalq shoiri Abdulla Oripovning “Men nechun sevaman O’zbekistonni?” she’riy to’plamining turkman tilidagi tarjimasi kitobi taqdimoti bo’lib o’tdi.
Tadbirda Respublika madaniyat markazi raisi o’rinbosari Guldana Abezdurdiyeva, O’zbekiston Respublikasi Vazirlar Mahkamasi huzuridagi millatlararo munosabatlar va xorijiy mamlakatlar bilan do’stlik aloqalari qo’mitasi yetakchi mutaxassisi Iroda Negmatullayeva, QarDU professori, senator A.Erkayev, professor Boynazar Yo'ldoshev, Abdulla Oripovning umr yo’ldoshi Xanifa Mustafayeva, shoirning qizi Shoira Oripova, viloyat Yozuvchilar uyushmasi raisi O’.Haydar, Respublika Ma’naviyat va ma’rifat markazi viloyat bo’limi mutaxasisilari, professor, “Abdulla Oripov falsafasi” kitobi muallifi Ilhom G’aniyev, Respublika turkman milliy madaniyat markazi Qashqadaryo viloyat bo’limi rahbari Umrzoq Quvvatov hamda respublika ommaviy axborot vositalari xodimlari, jurnalist va muxbirlar ishtirok etdilar. Tadbirni Qashqadaryo viloyati hokimi o’rinbosari Rustam Yo’ldoshev ochib berdi. Tadbirda tarjima kitob muallifi Jumadurdu Akiyev so’zga chiqib, ijod maktabi o'quvchilariga o'z tarjima kitobini taqdim etdi. Tadbirda QarDU da tahsil olayotgan turkman talabalari, ijod maktabi o’quvchilarining badiiy chiqishlari, kuy- qo’shiqlar barchaga xushkayfiyat baxsh etdi. Tadbir respublika, viloyat OAV lari tomonidan tasvirga olindi va keng yoritildi.

#Harbiy_qismda_bir_kun
#Hamkorlikdagi_tadbir
#Dastur_ijrosi

🔰Prezident ta’lim muassasalari agentligi tomonidan taqdim etilgan ma'naviy-ma'rifiy ishlar samaradorligini yanada oshirish hamda tizimli ma'naviy tarbiyani yo‘lga qo‘yishga qaratilgan "Ma'naviy-axloqiy tarbiya dasturi" ijrosini ta’minlash, shuningdek, o‘quvchilarida Vatanga sadoqat, mardlik va jasurlik xislatlarini tarbiyalash maqsadida harbiy qismlar va harbiy ta’lim muassasalari bilan ma’naviy-ma’rifiy yo‘nalishlarda hamkorlik yo‘lga qo‘yilgan.

🏫Shu maqsadda, maktabning harbiy chaqiriqqacha yoshlarni tayyorlash rahbari Otabek Ahmedov rahbarligida o‘quvchilarning “Harbiy qismda bir kun” tadbiri davomida DXX chegara qo‘shinlariga qarashli 9205-sonli harbiy qismga tashrifi uyushtirildi. Tashrif davomida o‘quvchilar harbiy qismda askar va zobitlarga yaratilgan shart-sharoitlar bilan yaqindan tanishishdi.

🟣Xususan, harbiy xizmatchilar tomonidan o‘quvchilarga harbiy qurol-yarog‘lar namoyish etildi, chegara postlaridan o‘tish tartiblari, bunda talab etiladigan hujjatlar bo‘yicha tushuncha berildi. O‘quvchilarga “Qurolini qo‘lidan bermagan o‘g‘lon” nomli kinofilm namoyish etildi.

🎤 - “Harbiy qismda bir kun” tadbiri doirasida bugun o‘quvchilarimizning harbiy qismga safarini uyurtirdik, - deydi Otabek Ahmedov. - Bu tadbirdan ko‘zlangan asosiy maqsad shundaki, o‘quvchilarni harbiy xizmatning sharafli va mas’uliyatli jihatlari, harbiy qismda askar va zobitlarga yaratilgan shart-sharoitlar bilan yaqindan tanishtirish va shu orqali ularni harbiy-vatanparvarlik ruhida tarbiyalashdir.

* * *
🏫 Qarshi shahrida joylashgan O‘zbekiston Respublikasi Oliy aviatsiya bilim yurti mamlakatimizda harbiy uchuvchilarni tayyorlaydigan yagona ta’lim muassasasidir. Bu yerda kursantlar harbiy transport vositalarini boshqarish bo‘yicha zarur bilim va ko‘nikmalariga ega bo‘lishadi.

🟣 Shu ma’noda, Abdulla Oripov nomidagi ijod maktabining o‘quvchilari maktabning harbiy chaqiriqqacha yoshlarni tayyorlash rahbari Otabek Ahmedov rahbarligida mazkur bilim yurtiga sayohat uyushtirishdi.

✈️ Sayohat davomida o‘quvchi-yoshlarga harbiy transport vositalari, ularning havodagi maqsad va vazifalari, texnik xususiyatlari, uchuvchilar faoliyati haqida boshlang‘ich tushuncha berildi.

🟣 Shuningdek, maktab o‘quvchilari bilim yurtining faollar zalida o‘tkazilgan “Jadidlar kundaligi” to‘plami taqdimotida ishtirok etishdi. O‘quvchilarimiz tomonidan she’riy kompozitsiya va sahna ko‘rinishi namoyish etildi.

🟣 Muhimi, harbiy qism va harbiy ta’lim muassasalariga qilingan ushbu safarlar o‘quvchilar ongida shukronalik hissi, hayotga muhabbat, o‘ziga ishonch, Vatanga sadoqat, yurt himoyasi sharafli va muqaddas burch tuyg‘usini mustahkamlashga xizmat qilishi bilan ahamiyatli.

📸 Sayohat bo'yicha fotoreportajni pastda ko'rishingiz mumkin. ⤵️⤵️⤵️

✍️Abdulla Oripov nomidagi ijod maktabi matbuot xizmati

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Hamkorlikdagi_tadbir

📌Abdulla Oripov nomidagi ijod maktabida 9-fevral - Alisher Navoiy va 14-fevral Zahiriddin Muhammad Bobur tavalludlari munosabati bilan bir qator ma'naviy-ma'rifiy tadbirlar, davra suhbatlari, ijodiy tanlovlar muntazam ravishda o'tkazilib kelinmoqda.

🔰O'zbekiston Respublikasi Milliy gvardiya viloyat boshqarmasi tomonidan Abdulla Oripov nomidagi ijod maktabining 7-8-9-10-sinflar o'quvchilari o'rtasida "Alisher Navoiy va Zahiriddin Bobur ijodini o'rganishning ahamiyati" mavzusida insholar va rasmlar tanlovi o'tkazildi.

📚O'zbekiston Respublikasi Milliy gvardiya viloyat boshqarmasining tarbiyaviy va mafkuraviy ishlar bo'yicha o'rinbosari, mayor Muzaffar Mirzaahmedov, serjant Sitora Hamrayeva va qo'riqlash bo'limi leytenanti Samoyiddin Xayrullayevlar o'quvchilarning ijodiy ishlarini baholab borishdi.

⚡️Ushbu tanlov o'quvchilarning ijodiy va ilmiy salohiyatini oshirish, ularning iqtidorini yanada namoyon etishga xizmat qilgani bilan ahamiyatli bo'ldi.

✍️Hakamlar bahosiga ko'ra, insholar tanlovi go'lib va sovrindorlari quyidagicha ko'rinish oldi:

🥇1-o'rin - Gulsevar Umurzoqova (9-sinf o'quvchisi).
🥈2-o'rin - Durdona Muzaffarova (7-sinf o'quvchisi).
🥉3-o'rin - Gulhayo Narzullayeva (7-sinf o'quvchisi).

🎨 Alisher Navoiyning siymosi yaratilgan rasmlar tanlovida 1-o'rinni 8-sinf o'quvchisi Hulkar To'rayeva egalladi. Ikkinchi va uchinchi o'rinlarni mos ravishda 10-sinf o'quvchisi Humora Jo'raboyeva hamda 7-sinf o'quvchisi Ra'no Holiqnazarovalar band etishdi.

🏆Tanlov g'oliblari O'zbekiston Respublikasi Milliy gvardiya viloyat boshqarmasining diplom, faxriy yorliq va esdalik sovg'alari bilan taqdirlanishdi.

🎯Bizni ijtimoiy tarmoqlarda kuzatib boring👇
|telegram| web sayt| facebook| youtube |Intagram |