DIQQAT TANLOV: 2 nafar eng yaxshi O‘zbek tili o‘qituvchisiga 30 million so‘mdan, 2-o‘ringa – 20 million so‘mdan, 3-o’ringa – 10 million so‘mdan beriladi

O‘zbekiston Respublikasi mustaqilligining 30 yilligi munosabati bilan umumta’lim muassasalarida faoliyat yuritayotgan o‘zbek tili fani o‘qituvchilari orasidan mahoratli, tashabbuskor o‘qituvchilarni aniqlash, ularning ta’lim sifatini oshirishga qaratilgan g‘oyalarini qo‘llab-quvvatlash va rag‘batlantirish hamda o‘zbek tilining davlat tili sifatida o‘qitilishi bo‘yicha zamonaviy yondashuvlarni qo‘llashga qaratilgan amaliy ishlanmalar ko‘lamini kengaytirish maqsadida O‘zbekiston Respublikasi Vazirlar Mahkamasining Ma’naviyat va davlat tilini rivojlantirish masalalari departamenti, O‘zbekiston Respublikasi Xalq ta’limi vazirligi va Respublika ta’lim markazi hamkorligida

“Yilning eng yaxshi o‘zbek tili o‘qituvchisi” tanlovi e’lon qilinadi.

Tanlovda ishtirok etish istagida bo‘lgan o‘qituvchilar joriy yilning 20-iyulidan
20-avgustiga qadar quyidagi havola orqali ro‘yxatdan o‘tadilar: https://bit.ly/3y0BdAG

Tanlov uch bosqichda o‘tkaziladi:
1-bosqich: joriy yilning 13-sentabridan 18-sentabriga qadar tuman (shahar) miqyosida;
2-bosqich: joriy yilning 27-sentabridan 30-sentabriga qadar Qoraqalpog‘iston Respublikasi, Toshkent shahri va viloyatlar miqyosida;
3-Respublika bosqichi: joriy yilning 18-20-oktabr kunlari Toshkent shahrida o‘tkaziladi.

Tanlov ikki yo‘nalishda: ta’lim o‘zbek tilida bo‘lgan ta’lim muassasalari hamda rus va qardosh tillarda bo‘lgan ta’lim muassasalaridagi o‘qituvchilar o‘rtasida alohida aniqlanadi.

Tanlov g‘oliblari o‘zbek tili bayrami arafasida:
1-o‘rin sohibi “Yilning eng yaxshi o‘zbek tili o‘qituvchisi” I darajali diplomi, 30 mln. so‘m miqdoridagi pul mukofoti hamda “Xalq ta’limi a’lochisi” ko‘krak nishoni;
2-o‘rin sohibi “Yilning eng yaxshi o‘zbek tili o‘qituvchisi” II darajali diplomi, 20 mln. so‘m miqdoridagi pul mukofoti hamda “Xalq ta’limi a’lochisi” ko‘krak nishoni;
3-o‘rin sohibi “Yilning eng yaxshi o‘zbek tili o‘qituvchisi” III darajali diplomi, 10 mln. so‘m miqdoridagi pul mukofoti hamda “Xalq ta’limi a’lochisi” ko‘krak nishoni bilan taqdirlanadilar.

Tanlovda ishtirok etish shartlari bo‘yicha batafsil ma’lumotlarga www.til.gov.uz va www.uzedu.uz veb-saytlari orqali ega bo‘lishingiz mumkin.

Aziz o‘qituvchilar, Siz ham o‘z ishtirokingiz bilan iqtidoringizni namoyon qiling!

#Tanlov #Davlat_tili

Xalq ta'limi vazirligi - Министерство народного образования

#Davlat_tili

✨“Ona tilini bilishni majbur qilish kerak”, — Prezident.

✨“Milliy o‘zligimiz timsoli, maʼnaviyatimiz asosi bo‘lgan ona tilimizga eʼtibor yanada kuchaytiriladi. Albatta, chet tilini bilish — zamon talabi. Ammo ona tilini bilishni majbur qilish kerak”, — Prezident.

Kanalga ulanish 👉 https://t.iss.one/dtrdep

Bizning manzil:
Veb-sahifa | Telegram | Facebook

#Davlat_tili

Diqqat tanlov!

❗️O‘zingizni sinab ko‘ring hamda o'zbek tili bo‘yicha bilimlaringizni yanada oshiring. Sizda qimmatli sovg‘alar to'plamini qo‘lga kiritish imkoni bor.

❕O‘zbek tiliga davlat tili maqomi berilganining 34 yilligi munosabati bilan sahifamizda o‘zbek tiliga oid savollar berib boriladi.

❗️21-oktabr “O‘zbek tili bayrami” arafasida savollarga eng ko‘p to‘g‘ri javob yo‘llagan ishtirokchilar Vazirlar Mahkamasi huzuridagi O‘zbek tilini rivojlantirish jamg‘armasi tomonidan chop etilgan kitoblar to‘plami, shu jumladan, “O‘zbek tilining izohli lug‘ati” (lotin yozuviga asoslangan) to‘plami bilan taqdirlanadi.
(Sovg‘alar o‘z egalariga yetkaziladi)

⚠️Javobingizni quyidagi manzilga yuborishingiz mumkin.👉
https://t.iss.one/Davlat_tili_jamgarmaa_bot

Kanalga ulanish 👉 https://t.iss.one/dtrdep

Bizning manzil:
Veb-sahifa | Telegram | Facebook