#hududlardan_xabarlar
#kunlik_dayjest

⏺Muhammad al-Xorazmiy nomidagi ixtisoslashtirilgan maktabi va Toshkent shahridagi Prezident maktabi oʻrtasida futbol musobaqasi tashkil etildi.

⏺Samarqand shahridagi Prezident maktabi oʻquvchilari Xalqaro iqtisod olimpiadasining viloyat bosqichida faxrli oʻrinlarni egalladi.

⏺Qarshi shahridagi Prezident maktabi va “Edu Action Exams Center” oʻrtasida hamkorlik memorandumi imzolandi.

⏺Navoiy shahridagi Prezident maktabida harbiy kasbga yoʻnaltirish tadbirlari o‘tkazildi.

⏺Fargʻona shahridagi Prezident maktabida shoira Zulfiya tavalludining 109 yilligi oldidan "Zulfiyaxonim qizlari" koʻrik-tanlovi oʻtkazildi.

⏺Urganch shahar 1-son ixtisoslashtirilgan maktab internati o‘quvchilari yangi loyihaga qoʻl urdi.

⏺Xatirchi tumani ixtisoslashtirilgan maktab oʻqituvchisi “Ibrat Academy” marafonida TOP-100 talikdan o'rin oldi.

⏺Chinoz tumani ixtisoslashtirilgan maktabi oʻquvchilari amaliy mashgʻulotlar doirasida hududdagi markaziy shifoxona faoliyati bilan tanishdi.

⏺Muhammad al-Xorazmiy nomidagi ixtisoslashtirilgan maktabida "Dasturlashni oʻqitishda muammo va yechimlar"mavzusida seminar-trening tashkil etildi.

⏺Abu Ali ibn Sino nomidagi ixtisoslashtirilgan maktabida "Yerda hayotning paydo boʻlishi" mavzusida integratsiyalashtirilgan mashgʻulot oʻtkazildi.

⏺Halima Xudoyberdiyeva nomidagi ijod maktabida olim Vahob Rahmonov ishtirokida "Zahiriddin Muhammad Bobur asarlarini sharhlab oʻrganish" mavzusida mahorat darsi tashkil etildi.

⏺Abdulla Oripov nomidagi ijod maktabi oʻquvchilari oʻrtasida "Zakovat" oʻyinlari boʻlib oʻtdi.

⏺Ibroyim Yusupov nomidagi ijod maktabida Nukus harbiy prokuraturasi vakillari bilan muloqot oʻtkazildi.

⏺Isʼhoqxon Ibrat nomidagi ijod maktabida "Turon yoʻlbarslari" harbiy-sport musobaqasining maktab bosqichi boʻlib oʻtdi.

⏺"Abdulla Qodiriy nomidagi ijod maktabi direktori kubogi" doirasida "Zakovat" oʻyinlari boʻlib oʻtdi.

Telegram | Facebook | Instagram | YouTube

#1_mart_Zulfiya_tavallud_topgan_kun

📚Shoira Zulfiya 1915-yil 1-martda Toshkentda tugʻilgan. 1934-yilda uning ilk sheʼriy toʻplami chop etilgan.

✔️1935-yili shoira hayot rishtalarini shoir Hamid Olimjon bilan bogʻlagan. H.Olimjonning bevaqt vafotidan keyin (1944) chop etilgan “Hijron kunlarida” nomli toʻplamiga shoira qalbining abadiy firoq iztiroblari bilan toʻla sheʼrlari kiritilgan.

✅ Shoiraga “Mushoira” sheʼri katta shuhrat keltirgan. U mustaqillik yillarida “Xotira siniqlari” nomli dostonini yaratdi.

⏩ Zulfiya Javoharlaʼl Neru nomidagi va “Nilufar” nomli xalqaro mukofotlarga sazovor boʻlgan. Shuningdek, “Oʻzbekiston Qahramoni” unvoni bilan taqdirlangan. Uning nomida yoshlar uchun Davlat mukofoti taʼsis qilingan.

📍Bizni ijtimoiy tarmoqlarda kuzatib boring👇                                                   
|telegram| web sayt| facebook| youtube |Instagram

Abdulla Oripov

SHOIRA ZULFIYA OPAMIZGA

Oʻtgan yillar uchun chekmang xijolat,
Uzr soʻraybermang yuragingizdan.
Xijolatin tortsin oʻzi tabiat,
Tabiat uzrini soʻrasin sizdan.

Zahmatkash, mehnatkash shu qalam bilan,
Buyuk asrimizning siz ham naqlisiz.
Davrga goh quvonch, goh alam bilan,
Baho bermoqlikka siz ham haqlisiz.

Tabarruk bir yoshga yetibsiz omon,
Allohim kun bersa adogʻi boʻlmas.
Agar yuraklarni zabt etsa inson,
Undayin umrning sanogʻi boʻlmas.

Qorongʻu tunlarda olovli soʻzni,
Kimki mashʼal qilsa tole unga yor.
Baxtli ayolman deb atabsiz oʻzni,
Sizday shoiri bor xalq ham baxtiyor.

1995

📍Bizni ijtimoiy tarmoqlarda kuzatib boring👇                                                   
|telegram| web sayt| facebook| youtube |Instagram

#Xushxabar

🔰Hamid Olimjon va Zulfiya nomidagi ijod maktabi taniqli shoira Zulfiya Isroilova tavalludining 109 yilligini keng miqyosda nishonlash maqsadida “Vafo kuychisi” mavzusidagi Respublika ijodiy ishlar tanlovini e’lon qilgandi.

🎊Quvonarlisi, Abdulla Oripov nomidagi ijod maktabining 7-sinf oʻquvchisi Madinabonu Abdurashidova videorolik yo‘nalishi bo‘yicha 3-o'rinni qo'lga kiritdi.

📚Madinabonuning kelgusi o'qish va tanlovlardagi ishtiroklariga omad tilaymiz!

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Tarjimonlik_tόgaragi

🔰Abdulla Oripov nomidagi ijod maktabining 11-sinf o'quvchisi Tillayeva Gulira'no shoira Zulfiyaxonimning "Men o'tgan umrga" she'rini ingliz tiliga tarjima qildi.

Men o'tgan umrga

Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab.
Suyish kerak bo‘lsa - telbacha suydim.
Kiyganim ipakmi, chitmi yo kimxob,
Yurak boyligidan qilmabman parvo.
Meni og‘ushlagan hayot naq oftob,
Yangi qo‘shiq talab unda har saboq.
Men o‘tgan umrga achinmay qo‘ydim,
Hech kimda ko‘rmayin umrimga o‘xshash:
Suydim, Erkalandim, Ayrildim, Kuydim,
Izzat nima - bildim.
Shu-da bir yashash!..


To my past life

Suddenly, flipping through my book of life,
I have no regrets about the past life.
I smiled instead of grin.
If you need to love - I love like a mindless.
Is it silk, chitmo or kimkhob,
I didn't care about the richness of my heart.
The life that surrounds me as the sun,
Every lesson requires a new song.
I have no regrets about the past life,
I wonʼt may see in anyone like my life:
I loved, pampered I lost, I burned,
I knew what honor was.
This is a living! ..

Translated by Tillayeva Gulirano

#1_mart_Ozod_Sharafiddinov_tugʻilgan_kun

MUVASHSHAH

Ozod akaga

Oh urib har yonda izgʻiydi shamol,
Zamon makon bermay uni qistaydi.
Orzusi faqat shul – u ham togʻ misol
Dili orom olib yotmoq istaydi.

Arosatda ingrar togʻlar ham, ammo
Koʻhi zamonadan topolmay iloj.
Armon qilar u ham, shamolday goʻyo
Moviy kengliklarda yozsam der quloch.

1967

Abdulla Oripov

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram