#Premyera

"ILMDAN O'ZGA NAJOT YO'QDIR!"

🎭 Bugun, ya'ni 2024-yil 1-mart kuni Abdulla Oripov nomidagi ijod maktabi faollar zalida yozuvchi Javlon Jovliyevning "Qo'rqma" romani asosida rejissyor Sh.To'xtamishev tomonidan sahnalashtirilgan "Ilmdan o'zga najot yo'q!" nomli sahna asari premyerasi bo'lib o'tdi.

✅ Badiiy, musiqiy teatrlashtirilgan kompozitsiya premyerasiga ijod maktabining o'qituvchilari, o'quvchilari hamda Qarshi shahridagi 9- va 10-umumta'lim maktablarining o'quvchilari ustozlari bilan birga ishtirok etishdi.

🩰 Ijod maktabining "Aktyorlik mahorati" to'garagi a'zolari - 8-9-10-sinf o'quvchilari tomonidan tayyorlangan sahna asarida 10 ta personaj ijro etildi. Ya'ni talabalar rollarini - Cho'iyev E'zozbek, Sa'dullayev Sarvar, Yashinxo'ja Shahrizoda, Hayitova Farangiz, Ostonaqulova Oksana, muallif rolini Bozorov Dilbek, sovet kuchishlatar tizimi xodimlari rollarini - Hamidov Abduhakim, Abdurasulov Javohirlar ijro etishdi. Shuningdek, ijod maktabining "Musiqa" to'garagi rahbari Zavqiddin Boboxo'jayev ham faol ishtirok etdi.

📚 “Qo‘rqma” asari - yangi davrning yangi va dardchil, yangicha uslubda va o‘ziga xos yangi ohang bilan yozilgan yangi romanidir. Roman oʻtgan asrning yigirmanchi yillarida Germaniyada tahsil olgan va sobiq Sovet Ittifoqi tomonidan shafqatsizlarcha qatl etilgan millat yigit-qizlar taqdiridan hikoya qiladi. Ushbu spektaklda o'quvchilar romanning g'oyasi va asosiy mavzusi aks etgan jarayonlarni mahorat bilan ijro etishdi.

❗️Ushbu sahna asari Qarshi shahridagi boshqa umumta'lim maktablarida ham namoyish etilishi rejalashtirildi.

📍Bizni ijtimoiy tarmoqlarda kuzatib boring👇                                                   
|telegram| web sayt| facebook| youtube |Instagram