☑️ Инвестициялар ва экспортга эътибор кучайтирилади

Бугун 24 июнь куни давлатимиз раҳбари раислигида инвестиция ва экспорт соҳаларидаги ишлар натижадорлиги, йил якунигача амалга оширилиши лозим бўлган устувор вазифалар муҳокамасига бағишланган видеоселектор йиғилиши ўтказилди.
Унда мен ҳам иштирок этдим.

📈 2017 йилдан бошлаб барча манбалар ҳисобидан 716 триллион сўм (83 миллиард доллар) ёки олдинги даврга нисбатан 2 баравардан зиёд инвестициялар ўзлаштирилган. Шундан 26,8 миллиард долларини хориждан жалб қилинган маблағлар ташкил этади.
Сўнгги 4 йилда мамлакат ялпи ички маҳсулоти таркибида саноатнинг улуши 25 фоиздан 33 фоизга, саноат маҳсулоти ишлаб чиқариш ҳажми 1,3 бараварга ўсди.

📌 Жумладан, автомобилсозликда ишлаб чиқариш – 3,4 баравар, электротехника – 2 баравар, фармацевтика ва қурилиш материаллари – 1,4 баравар, металлургия – 1,2 бараварга ошди. Тайёр тўқимачилик ва маиший техника маҳсулотлари экспорти 5 бараварга ўсди.

💰Ушбу даврда 441 триллион сўмлик 47 мингдан зиёд йирик, ўрта ва кичик лойиҳалар ишга туширилиб, 680 мингдан ортиқ доимий янги иш ўринлари яратилди.

❗️Сўнгги 4 йилда маҳаллий саноат, қишлоқ хўжалиги ва сервис соҳасидаги лойиҳаларни амалга ошириш учун 100 триллион сўм (10 миллиард доллар) инвестициялар йўналтирилди.

📝 Таҳлилларга кўра, ажратилган ҳар бир миллиард сўм эвазига Наманганда 12 та, Андижонда 11 та, Навоий ва Сирдарёда 8-9 тадан янги иш ўрни яратилган. Бу кўрсаткич Бухоро, Самарқанд ва Хоразмда 6-7 та, Қашқадарё ва Фарғонада 5 тага тўғри келган. Қорақалпоғистон, Жиззах, Сурхондарё, Тошкент вилояти ва Тошкент шаҳрида эса атиги 3-4 тани ташкил этган.

📌 Тошкент вилоятига сўнгги 4 йилда йўналтирилган 950 миллион доллар хорижий инвестиция ва банк кредитлари ҳисобига атиги 40 мингта янги иш ўрни яратилган. Яъни бир иш ўрни 24 минг долларга тўғри келмоқда. Ваҳоланки, Наманган вилоятида 2 баравар кам маблағ сарфланиб, 52 мингта иш ўрни очилган.

📜 21 июндаги “Республика ҳудудларида мебелсозлик саноатини ривожлантиришга қаратилган чора-тадбирлар тўғрисида” Президент қарори билан Нукус, Андижон, Олтинкўл, Ромитан, Қарши, Кармана, Пастдарғом, Узун, Бағдод, Ўрта Чирчиқ, Хонқа туманлари, Жиззах, Қарши, Наманган ва Янгиер шаҳарларида кластер шаклидаги мебелчилик кичик саноат зоналари ташкил этилиб, 200 миллион долларлик 450 та лойиҳа жойлаштирилади ва камида 7,5 мингта янги иш ўринлари яратилади.

☑️ Йиғилишда “Чармсаноат” уюшмасига жорий йилда 221 миллион долларлик 248 та лойиҳани якунига етказиш бўйича топшириқ берилди. Бир ойда Андижон, Шаҳрихон, Жиззах, Наманган, Марғилон, Қўқон, Нурафшон ва Оҳангарон шаҳарлари, Ургут ва Самарқанд туманларида чарм маҳсулотлари ишлаб чиқариш бўйича кичик саноат зоналарини ташкил қилиш ҳамда ушбу ҳудудларда лойиҳаларни амалга ошириш учун қўшимча 50 миллион доллар кредит линияси ажратилиши белгилаб берилди.

💻 Йил якунига қадар электротехника ишлаб чиқариш ҳажмини 15 триллион сўмга етказиш, бунинг учун умумий қиймати 140 миллион долларлик 45 та лойиҳани ишга тушириш бўйича вазифалар қўйилди.

🧬 Фармацевтика агентлиги вилоят ҳокимлари билан бирга, жорий йилда умумий қиймати 146 миллион долларлик 36 та лойиҳани ишга тушириши шарт ва зарурлиги кўрсатиб ўтилди.

📱Айни пайтда республика бўйича 19 мингта бўш турган ва паст қувватларда ишлаётган объектлар мавжуд экани маълум қилинди ҳамда бир ой муддатда бўш турган ва паст самарали объектларни тўлиқ хатловдан ўтказиб, электрон платформасини яратиш вазифаси қўйилди.

📈 Жорий йилда умумий қиймати 6 миллиард 500 миллион долларлик 226 та йирик тармоқ ва ҳудудий лойиҳалар ишга туширилиши, 35 мингта янги иш ўрни ташкил этилиши мўлжалланган. Йиғилишда уларнинг ижроси ҳам кўриб чиқилди. Муддатидан кечикаётган лойиҳалар кўрсатиб ўтилиб, уларни ўз вақтида ишга тушириш чоралари белгиланди.

💰 Жорий йилда 756 та лойиҳа доирасида 7 миллиард 700 миллион доллар миқдоридаги тўғридан-тўғри хорижий инвестициялар ва кафолатланмаган кредитларни ўзлаштириш белгиланган. Давлатимиз раҳбари бу маблағларни тармоқ лойиҳалари ва ҳудудий лойиҳаларга жалб қилиш бўйича топшириқлар берди.

@a_xaitov

Ҳурматли журналистлар, оммавий ахборот воситалари ходимлари!

Сизларни O‘zLiDeP Сиёсий Кенгаши Ижроия қўмитаси, партиянинг Олий Мажлис Қонунчилик палатасидаги фракцияси, Ўзбекистон фермер, дехқон хўжаликлари ва томорқа ер эгалари кенгаши номидан 27 июнь – Матбуот ва оммавий ахборот воситалари ходимлари куни билан самимий муборакбод этамиз.

Мамлакатимизда давлатимиз раҳбари ташаббуси билан жамоатчилик фикрини шакллантириш, айниқса, сўз ва фикр эркинлигини таъминлашдек мураккаб ва долзарб, масъулиятли ишларни маънавий жасорат кўрсатиш орқали амалга оширишда ОАВнинг ўрни ва нуфузи тобора ортиб бораётганидан биз ҳам беҳад мамнунмиз.

Оммавий ахборот воситалари янги Ўзбекистон бунёд этилиши, мамлакатимизда Учинчи Ренессанс тамал тоши қўйилишига муносиб ҳисса қўшаётганини барчамиз кўриб-билиб турибмиз.

Партиямиз нуфузи юксалишида, маслакдошларимиз, хайрихоҳларимиз тобора кўпаяётганлигида, дастурий ғояларимиз тарғиботида ОАВ алоҳида ўрин тутишини миннатдорлик билан эътироф этамиз.

Ҳар қандай мураккаб шароитда ҳам халқ орасида юриб, одамларни қийнаётган муаммоларни дадиллик билан кўтариб чиққан, уларни бартараф этиш учун жамоатчилик фикрини шакллантирган сиз – матбуот аҳлининг фидокорона меҳнатини яхши биламиз ва қадрлаймиз.

Ана шундай заҳматли ва шарафли вазифани юксак ишонч билан оқлашда барчангизга омад, қувончли ютуқлар ҳамиша ҳамроҳ бўлишига тилакдошмиз.

Сиз, жонкуяр журналистларни Матбуот ва оммавий ахборот воситалари ходимлари куни билан яна бир бор самимий қутлаб, барчангизга сиҳат-саломатлик, фаолиятингизга ютуқ ва омадлар тилаймиз.

Актам Хаитов

@a_xaitov

📌Мен вакцина олдим, сизга ҳам тавсия қиламан #vaksinaoling

💉Тажрибали шифокорларимизнинг тавсиясига биноан коронавирусга қарши вакцина олдим. Эмланишнинг хавотирли жойи йўқ. Саломатликни асраш учун керак.

❗️Азиз ватандошлар, мутахассисларнинг тавсияларига қулоқ солишимиз, нафақат ўзимиз, балки яқинларимиз ва бошқа инсонларнинг соғлиғини хавф остига қўймаслик учун албатта эмланишимиз лозим.

Барча фуқароларимизни оммавий эмланишда фаол иштирок этишга чақираман. Соғлиғингизга бефарқ бўлманг!

@a_xaitov