Жарқўрғонда ташкил қилинган янги хусусий клиника фаолияти билан танишилди

➖Партия лидери "ISTIQBOL MED CENTRE" клиникасидаги шароитлар билан танишиб, у ерда стационар тарзда даволанаётган беморлар билан суҳбатлашди.

➖Партияга аъзо бўлиш истагини билдирган клиника ходимларига аъзолик гувоҳномалари топширилиб, янги Бошланғич партия ташкилоти тузилди.

➖Актам Хаитов Жарқўрғон туманидаги «Қорабура» маҳалласининг хонадонларида бўлиб, у ерда истиқомат қилаётган аҳолининг томорқадан қандай фойдаланаётгани билан қизиқди.

➖Хусусан, ҳудудда яшовчи Нормўмин Рахматовнинг хонадонида айнан томорқадан унумли фойдаланиш бўйича амалий семинар ҳам ташкил этилди.

#uzlidep #Xaitov

Сайт | Facebook | Instagram | TikTok | Twitter | YouTube

2021-2022 йилларда Сурхондарё вилоятида 9432 гектар ерда анорзорлар барпо этиш пировардида йиллик ҳосил ҳажмини 300 минг тоннагача етказиш кўзда тутилган.

Хусусан, Шеробод туманида 5 минг гектарга яқин ҳосил бераётган анорзорлар мавжуд. Анор майдонларининг 700 гектардан ортиғи фермер ва деҳқон хўжаликларига, 3400дан зиёд аҳоли томорқалари ҳамда тадбиркорлар ҳиссасига тўғри келади.

Айни пайтда юртимизда анорнинг 40 дан ортиқ навлари парваришланиб, 2026 йилгача жаҳон бозорида анор маҳсулотларига бўлган талаб 23,14 млрд АҚШ долларига етиш кутилмоқда.

Сайт | Facebook | Instagram | YouTube

Қува туманидаги “Асад водий гуллари” фермер хўжалиги раҳбари Алишер Тожибоев 22 гектар майдонда 350 ҳил турдаги гул ва кўчатларни парваришлаб, сотувга тайёр, 6 гектар майдонда гулларни павариш ишлари якунламоқда. Фермер хўжалигида 20 нафар фуқаро доимий иш билан, 40 нафари эса мавсумий иш билан таъминланган.

Сайт | Facebook | Instagram | YouTube

​☑️ Сирдарё вилоятини  иқтисодий-ижтимоий ривожлантириш бўйича чора-тадбирлар белгилаб олинди

Шу йилнинг 6 октябрь куни давлатимиз раҳбари қишлоқ хўжалигидаги ишлар ҳолати, аҳоли ҳаёти билан танишиш мақсадида Сирдарё вилоятига ташрифи давомида вилоятни иқтисодий-ижтимоий ривожлантириш чора-тадбирлари бўйича йиғилиш ўтказдилар.
Унда мен ҳам иштирок этдим.

📌 Унда асосий эътибор:

👉 иш жойларини кўпайтириш;

👉тадбиркорликни ривожлантириш;

👉 озиқ-овқат хавфсизлигини таъминлаш масалаларига қаратилди.

Сирдарё вилоятида 35 минг нафар ишсиз, 42 минг нафар чет элга ишга кетганлар бор. Меҳнат бозорига кириб келаётган ёшларни ҳам ҳисобга олиб, 100 минг иш ўрни яратиш зарур. Бунинг учун пахта майдонлари қисқартирилиб, бу ерлар аҳолига бўлиб берилиши қайд этилди.

Бироқ, бу қисқариш ўрнини ҳосилдорликни 2-3 баравар ошириш ҳисобидан қоплаш, Пахтачилик кенгаши ва олимлар билан ишлаш зарурлиги таъкидланди.

Озиқ-овқат етиштирувчи деҳқонларнинг кредити учун қўшимча 300 миллиард сўм ажратилмоқда. Энди деҳқонлар 150 миллион сўмгача гаровсиз кредит олади. Булар келгуси йилда Сирдарё аҳолиси учун 45 минг иш ўрни яратишга замин бўлади.

Шунингдек, 5 минг гектар экин майдонида суғориш тизимини яхшилашга бюджетдан 40 миллиард сўм ажратилади.

Ҳудудда озиқ-овқат маҳсулотлари, чорва ва парранда етиштириш учун жуда катта имкониятлар бор. Шу боис келгуси йилда 1 триллион сўмлик паррандачилик лойиҳаларини амалга ошириш, гўшт ва тухум маҳсулотлари ҳажмини 2 баравар ошириш мумкинлиги кўрсатиб ўтилди.

Вилоятда 1,7 миллиард долларлик 858 та инвестиция лойиҳалари ҳисобига 20 минг иш ўрни яратиш режалаштирилган.

- Ҳар куни қайсидир масаланинг ичига кириб, қийин бўлса ҳам маблағини топиб, қарор қилиб бераяпмиз. Бугун яна ким масала қўйса, уни ҳам ечиб бераман. Қайси ҳоким ҳисоб-китоб билан аниқ режа қўйиб, ишларни тизимли йўлга қўйса, албатта натижа бўлади, - деди давлатимиз раҳбари.

Йиғилишда Бош вазир ўринбосарлари иш ўринларини ташкил этиш, қишлоқ хўжалигини ривожлантириш, инвестиция лойиҳаларини амалга ошириш, ижтимоий соҳани яхшилаш режалари юзасидан ахборот берди.

@a_xaitov

Менимча... | Шавкат Мирзиёев фермерлар саломатлигига ҳам эътибор қаратиш зарурлигини айтди.

“Фермернинг соғлиғини ҳам ўйлаш керак. Дала ва уй ўртасида қатнаб умри ўтиб кетади.”

Сайт | Facebook | Instagram | YouTube

☑️ «Янги Ўзбекистон — рақобатбардош маҳсулотлар юрти» дастури амалга оширилади

Ўзбекистон Республикаси Президентининг  «Тадбиркорлик субъектларининг экспорт салоҳиятини янада кенгайтириш чора-тадбирлари тўғрисида»ги фармони қабул қилинди.

📌 Фармон билан 2022 йил 1 ноябрдан бошлаб:

👉 бир экспорт шартномаси доирасида келиб тушмаган валюта суммаси экспортга юкланган жами маҳсулот нархининг 5 фоизидан ошмаган тақдирда муддати ўтган дебитор қарздорлик ҳисобланмайди ва тадбиркорлик субъектига нисбатан жарима қўлланилмайди;

👉 экспорт қилувчи ташкилотларга фойда солиғи ва айланмадан олинадиган солиқ бўйича солиқ солинадиган базани камайтириш кўринишидаги имтиёзлар товарларни реализация қилишдан тушган умумий тушумдаги экспорт ҳажмининг улушидан қатъи назар қўлланилади;

👉 қовун, канакунжут, хантал ва махсар уруғлари экспортига рухсат берилади.

Шунингдек, экспортчи корхоналарни очиқ танлов орқали саралаб, уларни етакчи экспортёрларга айлантириш ва ҳар томонлама қўллаб-қувватлаш бўйича «Янги Ўзбекистон — рақобатбардош маҳсулотлар юрти» дастури амалга оширилади.

📌 Дастурга киритилган экспортчи корхоналар:

▪️ экспорт ва унга тенглаштирилган операцияларни амалга оширганда ноль даражали ҚҚС ставкаси қўлланилиши натижасида ҳосил бўлган солиқнинг ошиб кетган қисми уларнинг мурожаатига асосан тезлаштирилган тартибда 7 кун ичида тўлиқ қайтариб берилиши;

▪️айланма маблағларини тўлдириш учун кредит олишида тижорат банкларига экспорт шартномаларини гаров таъминоти сифатида қабул қилиш тавсия этилиши;

▪️Экспортни қўллаб-қувватлаш жамғармаси ҳисобидан экспортолди ва экспорт билан боғлиқ савдо операцияларини молиялаштириши учун охирги 12 ой мобайнида амалга оширилган экспорт ҳажмидан келиб чиққан ҳолда 1 миллион доллардан 5 миллион долларгача миқдорларда молиявий ресурслар ажратилиши;

▪️битта халқаро стандартни жорий қилиш ва сертификатни олиши учун уларга 30 минг доллардан кўп бўлмаган миқдорда молиявий ёрдам тақдим этилиши;

▪️бизнес жараёнлар, экспорт ҳажмини ошириш ва маркетинг тадқиқотларини амалга ошириши учун хорижий маслаҳатчилар жалб қилиниши белгилаб қўйилди.

@a_xaitov

☑️ Қишлоқ хўжалиги экинларини етиштириш учун 150 миллион сўмгача гаровсиз кредитлар берилади

Ўзбекистон Республикаси Президентининг “Қишлоқ хўжалиги маҳсулотлари етиштиришни молиявий қўллаб-қувватлашнинг қўшимча чора-тадбирлари тўғрисида”ги қарори қабул қилинди.

Қарор билан Боғдорчилик ва иссиқхона хўжалигини ривожлантириш жамғармасига 12 ой муддатга, шу жумладан, 11 ойлик имтиёзли давр билан қўшимча 300 миллиард сўм бюджет ссудасини йиллик 10 фоиз ставкада ажратилмоқда.

📌 Мазкур маблағлар Боғдорчилик агентлигининг лойиҳа офислари раҳбарларининг ҳамда маҳалладаги ҳоким ёрдамчиларининг тавсиясига кўра:

👉 қишлоқ хўжалиги корхоналарига – мева, узум, картошка, сабзавот, полиз экинлари, кўкатлар ва доривор ўсимликлар, дуккакли ва мойли экинлар  етиштиришга уруғлик, ўғит, ёқилғи, ўсимликларни ҳимоя қилиш воситалари етказиб бериш учун;

👉 маҳсулотларни қайта ишловчи, сақловчи ва экспорт қилувчи корхоналарга – етиштирилган қишлоқ хўжалиги экинларини харид қилишда талаб этиладиган айланма маблағларини тўлдириш учун ажратилади.

✅ Бунда:

🔹 қишлоқ хўжалиги экинларини етиштириш учун кредитлар 150 миллион сўмгача гаровсиз берилади;

🔸 кредитлар бўйича фоиз тўловлари йиллик 14 фоиз (шундан 3 фоизи банк маржаси) миқдорида белгиланиб, кредитлар 6 ойгача имтиёзли давр билан 12 ой муддатгача ажратилади;

🔹 ажратиладиган кредит маблағларининг 50 фоизигача бўлган қисми қарз олувчи талабига асосан нақд пулда тақдим этилади;

🔸 ажратиладиган кредитлар бўйича Боғдорчилик ва иссиқхона хўжалигини ривожлантириш жамғармаси маблағлари гаров таъминоти сифатида қабул қилинади.

@a_xaitov

☑️ Шу йилнинг 10 октябрь куни давлатимиз раҳбари электромобил тармоғини ривожлантириш ва хизмат кўрсатиш қамровини оширишга қаратилган лойиҳалар тақдимоти билан танишдилар.

Электромобилларнинг юриш харажати оддий автомобилга нисбатан 10 баравар, табиатга зарари эса 3 баравар кам. Ривожланган мамлакатларда бундай транспортлардан фойдаланиш кўпаймоқда. Албатта, бунинг учун катта инфратузилма керак.

Масалан, дунёда ҳар 20 та электромобилга битта қувватлаш станцияси тўғри келади. Юртимизда эса бундай жойлар атиги 50 та бўлиб, асосан Тошкент ва Самарқанд шаҳарларида жойлашган. Электромобилларга хизмат кўрсатиш марказлари йўқ.

Шу боис, соҳада тажрибага эга хорижий компания билан қўшма корхона ташкил қилиб, оммабоп электромобиллар ишлаб чиқаришни йўлга қўйиш зарурлиги таъкидланди.

Давлатимиз раҳбари электромбилларнинг нархи арзон бўлиши кераклигига алоҳида эътибор қаратди. Бу эса бутловчи қисмларнинг маҳаллийлаштирилганлик даражасига боғлиқ.

Мисол учун, электромобил таннархининг 30 фоизини аккумулятор, 10 фоизини электр ўтказгичлар ташкил қилади. Юртимиз заминидаги литий, мис, графит каби хомашё захираларидан фойдаланиб, бундай қисмларни бемалол ўзимизда ишлаб чиқариш мумкинлиги кўрсатиб ўтилди.

Шунингдек, маҳаллий электромобил хариди учун олинган кредит фоизининг бир қисми қоплаб берилиши белгиланди.

Бугунги кунда Тошкент шаҳрида 20 та электробус ҳаракатланмоқда. Келгуси йилда пойтахтимизга яна 200 та, Самарқандга 100 та электробус олиб келиш режалаштирилган. Бундай транспортларни бошқа шаҳарларда ҳам йўлга қўйиш зарурлиги қайд этилди.

Электромобилларга хизмат кўрсатиш тармоғини кенгайтириш масаласига ҳам тўхталиб ўтилди. Келгуси икки йилда жойларда икки мингта қувватлаш станциялари ташкил этиш вазифаси қўйилди. Бу станцияларга ҳам ер, мулк ва фойда солиғидан имтиёз қўлланилади. Тадбиркорларга қувватлаш станциялари орқали электрни эркин нархда сотиш ҳуқуқи берилади.

Бу тармоққа ихтисослашган мутахассислар тайёрлаш муҳимлиги ҳам таъкидланди. Турин политехника университетида электромобиллар бўйича илмий лаборатория ташкил этилиши, профессор-ўқитувчи ва мутахассислар Хитой, Германия, АҚШ, Корея каби давлатларга малака оширишга юборилиши айтилди.

@a_xaitov

☑️ Яшил макон дастури доирасида кўчат экиш бўйича долзарб 40 кунлик эълон қилинди.

Давлатимиз раҳбари раислигида бугун 11 октябр куни ўтказилган видеоселектор мажлисида “Яшил макон” умуммиллий лойиҳасини амалга ошириш борасида масъулларга ишларни жадаллаштириш топшириғи берилди.

Мажлисда мен ҳам қатнашдим.

“Яшил макон” доирасида йил якунига қадар 75 миллион дона ва 2023 йил баҳор ойларида яна 125 миллион дона мевали ва манзарали кўчатлар экиш бўйича ишларни ташкил этиш вазифаси белгиланди.

Ўтган йилги тажрибадан келиб чиқиб, 20 октябрдан 1 декабргача кўчат экиш бўйича долзарб 40 кунлик эълон қилинди.

Аҳоли хонадонларида ва дала четларида кўпроқ мевали дарахтлар ва сабзавот экишни фаол тарғиб қилиши кераклиги таъкидланди. Бу борада Маҳалла ва оилани қўллаб - қувватлаш вазирлиги ҳокимликлар билан биргаликда ишларни мувофиқлаштиради.

Мажлисда "дарахт ҳавас билан экилиши, халқимиз, маҳаллаларимизнинг маданиятига айланиши лозим" деди давлатимиз раҳбари.

Куз мавсумида кам таъминланган 500 минг хонадонга 10 тупдан мевали дарахтлар кўчатини бепул тарқатиш бўйича топшириқлар берилди.

@a_xaitov

👉 Фракция йиғилишида масалалар танқидий рухда кўриб чиқилди

#uzlidep #fraksiya

Сайт | Facebook | Instagram | TikTok | Twitter | YouTube