🇺🇿 🇰🇿 Давлат ташрифнининг асосий тадбирларидан сўнг ОАВ вакиллари учун брифинг ўтказилди.

➖Товар айирбошлашни келгуси йилда 5 миллиардга, узоқ муддатли истиқболда эса 10 миллиардга етказиш мақсад қилинди.

➖Томонлар агрокластерлар, улгуржи-тақсимлаш ва логистика марказларини ташкил этишга, “Агроэкспресс” лойиҳасини илгари суришга келишиб олди.

➖ “Учқудуқ-Қизилўрда” автомобиль ва темир йўллари, “Туркистон-Чимкент-Тошкент” юқори тезликда ҳаракатланувчи темир йўлини қуриш режалаштирилган.

➖“Яшил” энергетика лойиҳаларини фаоллаштиришга, энг янги сув тежайдиган технологияларни жорий қилишга ва Оролбўйида дарахтзорлар яратиш борасида биргаликда ишлаш ва халқаро донорлар билан ҳамкорлик қилишга келишиб олинди.

➖Қозоғистонда Ўзбекистон йили ва Ўзбекистонда Қозоғистон йили тадбирлари мунтазам ўтказилади.

➖Ўзбекистон ва Қозоғистон ўртасида дипломатик муносабатлар ўрнатилганининг 30 йиллиги кенг нишонланади.

➖Афғонистондаги вазиятдан келиб чиққан ҳолда қарши курашиш масалаларига алоҳида эътибор қаратилди. Бу борада Ўзбекистон ва Қозоғистон позициялари тўлиқ мос экани тасдиқланди.

➖Шавкат Мирзиёев Қасим-Жомарт Тоқаевни ўзига қулай вақтда ташриф билан Ўзбекистонга келишга таклиф қилди.

#Mirziyoyev #tashrif #Qozogiston #hamkorlik

Сайт | Facebook | Instagram | TikTok | Twitter | YouTube

☑️ Ўзаро манфаатли шериклик ва ҳамкорлик ривожланади

Давлатимиз раҳбари Шавкат Мирзиёев Президент Қасим-Жомарт Тоқаевнинг таклифига биноан давлат ташрифи билан 5-6 декабрь кунлари Қозоғистон Республикасида бўлди.

Давлат раҳбарлари Ўзбекистон ва Қозоғистон стратегик шериклиги ва кўп қиррали ҳамкорлигини янада мустаҳкамлашнинг истиқболларини атрофлича муҳокама қилишгани бизга матбуотдан маълум.

Бунда жумладан:

👉 Савдо-иқтисодий ҳамкорликни кенгайтириш, жумладан, ўзаро товар айирбошлашни кўпайтириш, қўшма кооперация лойиҳаларини амалга ошириш;

👉 транзит ва логистика, энергетика, сув ва қишлоқ хўжалиги соҳаларидаги қўшма саъй-ҳаракатларни фаоллаштириш;

👉 Ҳудудлараро ва маданий-гуманитар алмашинувларни жадаллаштириш чоралари кўриб чиқилди.

Дўстлик, яхши қўшничилик ва стратегик шерикликка асосланган Ўзбекистон-Қозоғистон муносабатларида улкан ўзгаришлар рўй бермоқда.

Жорий йил бошидан ўзаро савдо ҳажми қарийб 40 фоизга ошиб, 4 миллиард долларга эришиш кутилмоқда. Музокаралар чоғида товар айирбошлашни келгуси йилда 5 миллиардга, узоқ муддатли истиқболда эса 10 миллиардга етказиш мақсад қилинди.

Қишлоқ хўжалиги маҳсулотларини етказиб беришни кенгайтириш мақсадида томонлар агрокластерлар, улгуржи-тақсимлаш ва логистика марказларини ташкил этишга, “Агроэкспресс” лойиҳасини илгари суришга келишиб олганликлари кўрсатиб ўтилди.

Саноат кооперацияси ва ҳудудлараро ҳамкорлик соҳасида эришилган келишувлар муҳим аҳамиятга эгалиги, бу борада, Костанайда автомобиллар, автобуслар ва қишлоқ хўжалиги техникасини йиғиш, Туркистон ва Чимкентда тўқимачилик ва электротехника маҳсулотлари ишлаб чиқариш йўлга қўйилгани таъкидланди.

Ўзбекистонда саноат, энергетика, кимё, қурилиш, банк ва бошқа соҳаларда қўшма лойиҳалар амалга оширилмоқда. Ташриф арафасида ўтказилган ишбилармонлик тадбирлари якунида қиймати 6 миллиард долларга яқин бўлган янги инвестиция ва савдо келишувлари имзоланди.

– Бундай кўрсаткичлар аввал бўлмаган. Қолаверса, барчаси қатъий келишувлар, улар истиқболга яхши замин яратади, - деди Шавкат Мирзиёев.

Транспорт ва транзит соҳаси салоҳиятини кенгайтириш мақсадида “Учқудуқ-Қизилўрда” автомобиль ва темир йўллари, “Туркистон-Чимкент-Тошкент” юқори тезликда ҳаракатланишга мўлжалланган темир йўлини барпо этиш лойиҳаларини амалга ошириш режалаштирилган.

Томонлар “яшил” энергетика лойиҳаларини фаол илгари суришга, энг янги сув тежайдиган технологияларни жорий қилиш, Оролбўйида дарахтзорлар яратиш борасида биргаликда ишлаш ва халқаро донорлар билан ҳамкорлик қилишга келишиб олдилар.

Музокараларда Қозоғистонда Ўзбекистон йили ва Ўзбекистонда Қозоғистон йили тадбирларини мунтазам равишда ўтказиб бориш юзасидан келишувга эришилди. Келгуси йилда юртимизда биринчи Ёшлар конгресси ҳамда Ижодий ва илмий зиёлилар форуми ташкил этиладиган бўлди.

Мамлакатимиз Қозоғистоннинг Осиёда ҳамкорлик ва ишонч чоралари бўйича кенгаш ҳамда Мустақил Давлатлар Ҳамдўстлигига раислиги доирасидаги ташаббусларни қўллаб-қувватлайди. Қозоғистон эса Ўзбекистоннинг Шанхай ҳамкорлик ташкилоти ва Иқтисодий ҳамкорлик ташкилотига раислиги доирасидаги фаолиятини қўллаб-қувватлайди.

Қозоғистон Президенти халқларимизнинг маънавий яқинлиги ва кўп асрлик дўстлиги рамзи сифатида Нур-Султон шаҳрида Алишер Навоий ҳайкали ўрнатилишини таъкидлади.

Бир сўз билан айтганда, ўзаро манфаатли стратегик шерикликни янада ривожлантириш учун катта имкониятлар эшиги очилди.

@a_xaitov

​Қадрли юртдошлар, азиз партиядошлар!

O‘zLiDeP Сиёсий Кенгаши Ижроия қўмитаси, Қонунчилик палатасидаги партия фракцияси депутатлари ҳамда миллионлаб аъзоларимиз номидан Сизларни мамлакатимиз Конституцияси қабул қилинганининг 29 йиллик байрами билан самимий табриклайман.

Бош қомусимизнинг ҳаётбахш қудрати туфайли ўтган қисқа даврда жамиятимизнинг сиёсий-ҳуқуқий ва ижтимоий-иқтисодий қиёфаси бутунлай ўзгарди. Шу маънода конституциямиз умуммиллий ҳамда умуминсоний қадриятларимизни ўзида мужассам этган, барча соҳадаги ислоҳотларни, хусусан, Янги Ўзбекистоннинг янги тараққиёт стратегиясидаги улкан вазифаларни амалга ошириш йўлидаги тарихий ҳужжатдир.

Мамлакатимизда кечаётган тарихий ўзгаришларнинг узвийлиги ва давомийлигини таъминлаш мақсадида “Ҳаракатлар стратегиясидан – Тараққиёт стратегияси сари” деган тамойил ҳаётимизга чуқур татбиқ этилмоқда. Бу халқпарвар сиёсатнинг фундаментал негизини ҳам Асосий қомусимиз ташкил этади. Зеро, Конституциямизда жамиятда инсон омилини юксак даражага кўтариш қатъий ва ўзгармас қоида сифатида белгиланган.

Азиз ватандошлар!

Янги Ўзбекистонни бунёд этиш, юртимизда яшаётган, миллати, тили ва динидан қатъи назар, ҳар бир инсонга эътибор ва ғамхўрлик кўрсатишнинг ҳуқуқий асоси, сиёсий-ҳуқуқий тафаккуримизнинг юксак намунаси бўлган Конституциямизнинг 29 йиллиги барчамизга муборак бўлсин.

Актам Хаитов,
O‘zLiDeP Сиёсий Кенгаши Ижроия қўмитаси раиси,
Олий Мажлис Қонунчилик палатаси Спикери ўринбосари

@a_xaitov

☑️ Йўл инфратузилмаси тизимини замон талаблари даражасида такомиллаштиришга эътибор кучаймоқда.

2021 йил 7 декабрь куни Олий Мажлис Қонунчилик палатасида навбатдаги “Ҳукумат соати” бўлиб ўтди. Унда депутатлар “Транспорт-логистика соҳасини ривожлантириш, юкларни божхона орқали ўтказишни соддалаштириш ва рақамлаштириш, транспорт харажатларини қисман қоплаш тизимини йўлга қўйиш, юк вагонлари хизматига бозор тамойилларини жорий этиш борасида олиб борилаётган ишлар тўғрисида”ги масалани муҳокама қилдилар. Кун тартибидаги масала юзасидан депутатларнинг саволларига Ўзбекистон Республикаси транспорт вазири ўринбосари Абдусамад Мўминов ҳамда Давлат божхона қўмитаси раиси Акмалхўжа Мавлоновлар жавоб бердилар.

Ахборот берилганидек, аҳолига кўрсатилаётган транспорт хизматининг сифати яхшиланмоқда.

Эндиликда, узоқ йиллар автобуслар қатнови узилиб қолган ҳудудлар, ҳатто чекка қишлоқларда ҳам йўловчиларнинг узоғини яқин қилаётган янги йўналишлар очилмоқда.

Шунинг баробарида йўл инфратузилмаси тизимини замон талаблари даражасида такомиллаштиришга ҳам эътибор кучаймоқда. Масалан, йўл-транспорт соҳасини ривожлантириш бўйича олиб борилаётган ислоҳотлар натижасида сўнгги беш йил давомида 56 895 км. автомобиль йўлларининг реконструкция қилиниши ва таъмирланиши, 1 560 дан ортиқ кўприк ва йўл ўтказгичларнинг қурилиши ва таъмирланиши йўл-транспорт инфратузилмасининг ривожланишига ўзининг ижобий таъсирини кўрсатмоқда. Бироқ, республика ҳудудида оғир вазнли юк автотранспорт воситаларининг белгиланган меъёрлардан ортиқ юк билан ҳаракатланиши оқибатида автомобиль йўлларининг айрим участкалари ва 3 426 та сунъий иншоотлар бузилиб, яроқсиз ҳолатга келиб қолган. Бу борадаги муаммоларни бартараф этиш мақсадида бугунги кунда синов тариқасида транспорт воситаларининг вазн ва ҳажм параметрларини ўлчовчи кўчма ва стационар тарози пунктлари фаолияти йўлга қуйилди.

Шунингдек, темир йўл тизимини модернизация қилиш, инфратузилма объектларини янгилаш, янги ҳаракат таркибларини олиб келиш орқали кўрсатилаётган хизматлар сифатини ошириш юзасидан бир қатор йирик лойиҳалар амалга оширилмоқда. Натижада, узунлиги 357 километр бўлган “Бухоро – Мискин” темир йўл участкаси қурилиб, фойдаланишга топширилди, 325 километр бўлган “Қарши – Термиз” ва 145 километр бўлган “Поп – Наманган – Андижон” темир йўл участкалари электрлаштирилди. Темир йўлларининг электрлаштирилган линиялари узунлиги 3 000 километрга, умумий улуши эса 40 фоизга етказилди.

Юқори тезликда ҳаракатланувчи 4 та “Talgo-250” русумли йўловчи электропоездлари ҳамда эконом тоифали 4 та вагонлар харид қилинди. Ушбу электропоезд ва вагонларни йўналишларга қўйиш орқали кунлик йўловчилар ташиш ҳажми 72 фоизга оширилди, йўловчиларни ташиш вақти “Тошкент – Қарши” йўналишида 6 соатдан 3 соат 20 дақиқагача, “Тошкент – Бухоро” йўналишида 7 соатдан 3 соат 50 дақиқагача қисқартирилди...

https://parliament.gov.uz/uz/analytics/36509/

@a_xaitov

Из 254-номера газеты «Народное слово» от 7 декабря 2021 года.

@a_xaitov

☑️ Муҳим ташаббуслар илгари сурилди.

Давлатимиз раҳбари Конституция куни муносабати билан йўллаган табригида асосий қонунга ўзгартиришлар киритишни таклиф қилди.
Президент ўз табрикларида Конституцияга ўзгартиришлар бўйича таклифларни айтдилар, жумладан:
«инсон — жамият — давлат» тамойилини қонунчилик ва ҳуқуқий амалиётда мустаҳкамлаш;
иқтисодий ислоҳотлар жараёнида инсон манфаатларини таъминлаш;
фуқаролик жамияти институтларининг ўрни ва мақомини конституциявий жиҳатдан мустаҳкамлаш;
оила институтини ривожлантириш, эзгу инсоний қадриятларни келгуси авлодларга безавол етказиш, миллатлараро тотувликни янада мустаҳкамлаш бўйича конституциявий асосларни белгилаш;
ёшларнинг ҳуқуқ ва манфаатларини тўла таъминлаш мақсадида ёшлар соҳасидаги давлат сиёсати, ёшларни ҳар томонлама қўллаб-қувватлаш масаласи, уларнинг ҳуқуқ ва бурчларини конституциявий даражада акс эттириш;
«Янги Ўзбекистон — ижтимоий давлат» тамойилини конституциявий қоида сифатида муҳрлаш;
инсон ҳуқуқларини ҳимоя қилиш бўйича амалдаги тизимнинг самарасини ошириш мақсадида Конституцияда болалар меҳнатига йўл қўймаслик, ногиронлар, кекса авлод вакилларининг ҳуқуқларини ишончли ҳимоя қилиш масалаларини акс эттириш;
Конституцияга экологияга оид махсус боблар киритиш;
Учинчи Ренессанснинг тўрт узвий ҳалқаси бўлмиш боғча, мактаб, олий таълим ва илм-фан соҳаларини ривожлантириш масалаларини конституциявий даражада мустаҳкамлаб қўйиш.
Сайловолди учрашувларда партиямиз фаоллари ва фуқароларимиз томонидан кўплаб таклифлар, жумладан Конституцияга ўзгартириш киритиш хақида ҳам таклиф ва мулоҳазалар билдирилганди.
Янги Ўзбекистондаги кенг кўламли ва истиқболли ўзгаришларга мос таклифлар асосида асосий қонунимизни ўзгартириш – давр талаби.
@a_xaitov

Ўзбекистон – Қозоғистон: кўп асрлик дўстлик, яхши қўшничилик ва кенг кўламли ҳамкорликнинг янги босқичи

👉 https://uzlidep.uz/news-of-party/10859
—
Казахстан безусловный и естественный приоритет для Узбекистана

👉 https://uzlidep.uz/ru/news-of-party/10859

#uzlidep #munosabat

Сайт | Facebook | Instagram | TikTok | Twitter | YouTube

O'zLiDeP Сиёсий Кенгаши Ижроия қўмитаси томонидан Ўзбекистон Республикаси Конституцияси қабул қилинганлигининг 29 йиллигига бағишлаб “Конституция – фаровон ҳаётимизнинг асосий мезони!” мавзуида давра суҳбати ташкил қилинди.

#uzlidep #konstitutsiya

@uzlidep